Ընդունված է 2017 թվականի

դեկտեմբերի 21-ին

Հոդված 1. «Լեռնային Ղարաբաղի Հանրապետության բյուջետային համակարգի մասին» Լեռնային Ղարաբաղի Հանրապետության 2003 թվականի դեկտեմբերի 24-ի ՀՕ-94 օրենքում (այսուհետ՝ Օրենք) «վարչապետի» բառը փոխարինել «կառավարության» բառով:

Հոդված 2. Օրենքի 6-րդ հոդվածի 2-րդ մասի «կառավարության գործունեության» բառերը փոխարինել «Արցախի Հանրապետության Նախագահի ծրագրի» բառերով:

Հոդված 3. Օրենքի 16-րդ հոդվածի «կառավարություն» բառը փոխարինել «գործադիր իշխանություն» բառերով` համապատասխան հոլովաձևերով:

Հոդված 4. Օրենքի 17-րդ հոդվածում`

1) 1-ին մասի «կառավարության» բառը փոխարինել «Արցախի Հանրապետության Նախագահի» բառերով.

2) 2-րդ մասում`

ա. առաջին պարբերության «Կառավարության» բառը փոխարինել «Արցախի Հանրապետության Նախագահի» բառերով,

բ. «ա» կետի «կառավարության զեկույցը» բառերը փոխարինել «զեկույց» բառով,

գ. «գ» կետի «կառավարության» բառը փոխարինել «գործադիր իշխանության» բառերով.

3) 3-րդ մասում`

ա. «ը» կետի «կառավարության» բառը փոխարինել «պետական բյուջեի» բառերով,

բ. «ժդ» կետի «Լեռնային Ղարաբաղի Հանրապետության կառավարությունն անհրաժեշտ է համարում» բառերը փոխարինել «անհրաժեշտ են» բառերով:

Հոդված 5. Օրենքի 18-րդ հոդվածի 6-րդ մասի «ա» կետն ուժը կորցրած ճանաչել:

Հոդված 6. Օրենքի 20-րդ հոդվածի`

1) վերնագրում և 2-րդ մասում «Կառավարության» բառը փոխարինել «Պետական բյուջեի» բառերով.

2) 1-ին մասից հանել «կառավարության» բառը:

Հոդված 7. Օրենքի 22-րդ հոդվածում՝

1) 3-րդ մասից հանել «կառավարության համար» և «իր» բառերը.

2) 5-րդ մասի «կառավարության» բառը փոխարինել «գործադիր իշխանության» բառերով.

3) 11-րդ մասի երկրորդ նախադասությունը շարադրել հետևյալ խմբագրությամբ.

«Միջնաժամկետ ծախսերի ծրագիրը հրապարակվում, ինչպես նաև Ազգային ժողով է ներկայացվում՝ ի գիտություն, մինչև յուրաքանչյուր տարվա հոկտեմբերի 1-ը:».

4) 20-րդ մասն ուժը կորցրած ճանաչել.

5) 22-րդ մասը լրացնել հետևյալ բովանդակությամբ նախադասությունով.

«Կառավարությունը քննարկում և հավանություն է տալիս պետական բյուջեի նախագծին:».

6) 23-րդ մասը շարադրել հետևյալ խմբագրությամբ.

«23. Արցախի Հանրապետության Նախագահը պետական բյուջեի նախագիծն Ազգային ժողով է ներկայացնում բյուջետային տարին սկսվելուց առնվազն 45 օր առաջ:».

7) 25-րդ մասի «կառավարությունն ապահովում է այդ օրենքների նախագծերի ներկայացումը» բառերը փոխարինել «այդ օրենքների նախագծերը ներկայացվում են» բառերով:

Հոդված 8. Օրենքի 24-րդ հոդվածում`

1) 3-րդ մասի «Ազգային ժողովի պատգամավորների, կառավարության» բառերը փոխարինել «Արցախի Հանրապետության Նախագահի, Ազգային ժողովի պատգամավորների» բառերով.

2) 5-րդ մասը շարադրել հետևյալ խմբագրությամբ.

«5. Պետական բյուջեի կատարումն ապահովում է կառավարությունը:».

3) 6-րդ մասի «Կառավարությունը» բառը փոխարինել «Պետական լիազորված մարմնի ղեկավարը» բառերով, իսկ «տեղեկատվություն» բառը փոխարինել «տեղեկանք» բառով:

Հոդված 9. Օրենքի 25-րդ հոդվածի 1-ին մասը շարադրել հետևյալ խմբագրությամբ.

«1. Պետական բյուջեի կատարման հսկողությունն իրականացնում է պետական լիազորված մարմինը` կառավարության սահմանած կարգով:»:

Հոդված 10. Օրենքի 26-րդ հոդվածում`

1) 1-ին մասը շարադրել հետևյալ խմբագրությամբ.

«1. Յուրաքանչյուր տարվա պետական բյուջեի կատարման մասին տարեկան հաշվետվությունն Ազգային ժողով է ներկայացվում Արցախի Հանրապետության Նախագահի կողմից մինչև հաջորդ տարվա մայիսի 1-ը:».

2) 2-րդ մասում`

ա. «գ» կետի «կառավարության» բառը փոխարինել «պետական բյուջեի» բառերով,

բ. «ե» կետի «կառավարությունն անհրաժեշտ է համարում» բառերը փոխարինել «անհրաժեշտ են» բառերով:

Հոդված 11. Օրենքի 27-րդ հոդվածի «գ» կետի «կառավարությունը» բառը փոխարինել «պետական լիազորված մարմինը» բառերով:

Հոդված 12. Օրենքի 35-րդ հոդվածի 3-րդ մասի «նրա լիազորած պետական կառավարման» բառերը փոխարինել «պետական լիազորված» բառերով:

Հոդված 13. Օրենքի 36-րդ հոդվածի 1-ին մասից հանել «կառավարության կողմից» բառերը:

Հոդված 14. Oրենքի վերնագրում և տեքստում, բացառությամբ 55-րդ հոդվածի 1-ին մասի, «Լեռնային Ղարաբաղի» բառերը փոխարինել «Արցախի» բառով:

Հոդված 15. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը: