ք. Ստեփանակերտ

Ղեկավարվելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածով`

1. Լեռնային Ղարաբաղի Հանրապետության արդարադատության նախարարի 2005 թվականի սեպտեմբերի 16-ի «Քաղաքացիական կացության ակտերի գրանցման վերաբերյալ վկայականների կրկնօրինակների և տեղեկանքների տրման կարգը և քաղաքացիական կացության ակտերի գրանցման մատյանների ձևերը հաստատելու մասին» թիվ 176 հրամանով հաստատված N 1 հավելվածում կատարել հետևյալ փոփոխությունները և լրացումները`

1) կարգի նախաբանից հանել «Լեռնային Ղարաբաղի Հանրապետության արդարադատության նախարարության աշխատակազմի հանրապետական արխիվի (այսուհետ՝ Արխիվ)» բառերը.

2) 4-րդ կետը շարադրել հետևյալ խմբագրությամբ.

«4. Լեռնային Ղարաբաղի Հանրապետության արդարադատության նախարարության աշխատակազմի ՔԿԱԳ հանրապետական արխիվը (այսուհետ՝ Արխիվ) վկայականի կրկնօրինակ և տեղեկանք չի տրամադրում: Արխիվը իրավասու մարմինների հարցման հիման վրա տրամադրում է միայն տեղեկատվություն:».

3) 5-րդ կետի՝

ա. «կամ ակտի առաջին օրինակի գտնվելու վայրի ՔԿԱԳ մարմնի արխիվում այն բացակայում է (կորսվել է, այրվել է և այլն)» և «կամ Արխիվից» բառերը հանել,

բ. երրորդ և չորրորդ պարբերությունները ուժը կորցրած ճանաչել.

4) լրացնել հետևյալ բովանդակությամբ 5.1-ին, 5.2-րդ և 5.3-րդ կետեր՝

«5.1. Եթե քաղաքացիական կացության ակտի գրանցումը, որի վերաբերյալ պահանջվում է վկայականի կրկնօրինակը, ակտի առաջին օրինակի գտնվելու վայրի ՔԿԱԳ մարմնի արխիվում բացակայում է (կորսվել է, այրվել է և այլն), ՔԿԱԳ մարմինը էլեկտրոնային կառավարման համակարգի միջոցով հարցում է կատարում Արխիվ ակտի գրանցման երկրորդ օրինակը ստանալու համար: Արխիվը, ստանալով հարցումը, մեկօրյա ժամկետում ակտի երկրորդ օրինակի տեսաներածված տարբերակը էլեկտրոնային կառավարման համակարգի միջոցով ուղարկում է հարցում կատարած ՔԿԱԳ մարմին:

Արխիվում ակտի գրանցման բացակայության դեպքում ՔԿԱԳ տարածքային մարմին է ուղարկվում համապատասխան էլեկտրոնային տեղեկատվություն:

5.2. Եթե քաղաքացիական կացության ակտի գրանցումը, որի վերաբերյալ պահանջվում է վկայականի կրկնօրինակը, կազմվել է օտարերկրյա պետություններում Լեռնային Ղարաբաղի Հանրապետության դեսպանությունների և հյուպատոսությունների կողմից և պահպանման համար հանձնվել է Արխիվ, ապա վկայականի կրկնօրինակը տրամադրում է քաղաքացու մշտական բնակության վայրի ՔԿԱԳ մարմինը, իսկ Լեռնային Ղարաբաղի Հանրապետությունում մշտական բնակության վայր չլինելու դեպքում` փաստացի գտնվելու վայրի ՔԿԱԳ մարմինը սույն կարգի 5.1-ին կետով սահմանված կարգով:

5.3. Այն դեպքում, երբ ժամանակավորապես բացակայող ՔԿԱԳ մարմնի ղեկավարի պարտականությունները դրվել է այլ ՔԿԱԳ մարմնի ղեկավարի վրա, ժամանակավորապես չսպասարկող ՔԿԱԳ մարմնի կողմից կազմված ակտային գրանցումների վերաբերյալ վկայականների կրկնօրինակները տրամադրվում են սույն կարգի 5.1-ին կետով սահմանված կարգով:».

5) լրացնել հետևյալ բովանդակությամբ 15.1-ին կետ՝

«15.1. Եթե քաղաքացիական կացության ակտի գրանցումը, որի վերաբերյալ պահանջվում է տեղեկանքը, ակտի առաջին օրինակի գտնվելու վայրի ՔԿԱԳ մարմնի արխիվում բացակայում է (կորսվել է, այրվել է և այլն) կամ կազմվել է օտարերկրյա պետություններում Լեռնային Ղարաբաղի Հանրապետության դեսպանությունների և հյուպատոսությունների կողմից և պահպանման համար հանձնվել է Արխիվ, ինչպես նաև սույն կարգի 5.3-րդ կետով նախատեսված դեպքերում, ՔԿԱԳ մարմինը տեղեկանքը տրամադրում է սույն կարգի 5.1-ին կետով սահմանված կարգով:

ՔԿԱԳ բացակայության մասին տեղեկանքը տրամադրում է միայն տվյալ ակտի երկրորդ օրինակը Արխիվում բացակայելու փաստը պարզելուց հետո, որի մասին նշում է կատարվում ստացված դիմումի վրա:».

6) 16-րդ կետը «ընթացքում» բառից հետո լրացնել «, իսկ սույն կարգի 5.1-5.3-րդ և 15.1-ին կետերով նախատեսված դեպքերում՝ երկու օրվա ընթացքում» բառերով:

2. Սույն հրամանն ուժի մեջ է մտնում պաշտոնական հրապարակմանը հաջորդող տասներորդ օրը: