ք. Ստեփանակերտ

Համաձայն «Ավիացիայի մասին» Լեռնային Ղարաբաղի Հանրապետության օրենքի 48-րդ և 49-րդ հոդվածների.

1. Սահմանել օտարերկրյա օդանավ շահագործողների կողմից Լեռնային Ղարաբաղի Հանրապետություն կանոնավոր և ոչ կանոնավոր օդային հաղորդակցությունների իրականացման թույլտվությունների տրման կանոնակարգը՝ համաձայն հավելվածի:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

1. Օտարերկրյա օդանավ շահագործողների կողմից Լեռնային Ղարաբաղի Հանրապետություն կանոնավոր և ոչ կանոնավոր օդային հաղորդակցությունների իրականացման թույլտվությունների տրման կանոնակարգը (այսուհետ՝ Կանոնակարգ) մշակված է Լեռնային Ղարաբաղի Հանրապետության օդային հաղորդակցությունների մասին միջազգային պայմանագրերի և «Ավիացիայի մասին» Լեռնային Ղարաբաղի Հանրապետության օրենքի 48-րդ և 49-րդ հոդվածների հիման վրա:

2. Սույն Կանոնակարգի նպատակն է՝ Լեռնային Ղարաբաղի Հանրապետություն ուղևորային, բեռնային կամ համակցված կանոնավոր և ոչ կանոնավոր օդային հաղորդակցությունների իրականացման թույլտվությունների տրման գործընթացի ապահովումը, դրանց իրականացման համար պահանջների և պայմանների սահմանումը:

3. Օտարերկրյա օդանավ շահագործողի կողմից կանոնավոր և ոչ կանոնավոր օդային հաղորդակցություններ` Լեռնային Ղարաբաղի Հանրապետության տարածք, տարածքից դուրս և տարածքի ներսում կարող են իրականացվել Լեռնային Ղարաբաղի Հանրապետության միջազգային պայմանագրերով սահմանված կարգով, կամ օդային հաղորդակցություններ իրականացնելու համար Լեռնային Ղարաբաղի Հանրապետության կառավարությանն առընթեր քաղաքացիական ավիացիայի վարչության (այսուհետ՝ Վարչություն) կողմից տրված թույլտվության հիման վրա:

4. Ելնելով օդային փոխադրումների ծավալների, հաճախականությունների ավելացման և պակասեցման անհրաժեշտությունից, օտարերկրյա օդանավ շահագործողի կողմից ներկայացված հայտի հիման վրա կատարվում է չվացուցակի փոփոխություն՝ սույն Կանոնակարգի 20-23-րդ և 26-րդ կետերի դրույթներով նախատեսված ընթացակարգերով:

5. Օտարերկրյա օդանավ շահագործողին, ինչպես նաև մասնավոր օդային հաղորդակցություն իրականացնող կազմակերպությանը կամ ֆիզիկական անձին առևտրային և ոչ առևտրային ոչ կանոնավոր օդային փոխադրումների թուլտվություն տալու դեպքում Վարչության կողմից հաստատվում է նաև օդային փոխադրումների ծրագիրը` Լեռնային Ղարաբաղի Հանրապետության միջազգային պայմանագրերով կամ թույլտվությամբ նախատեսված պայմաններով ու ծավալով:

6. Օտարերկրյա օդանավ շահագործողները Լեռնային Ղարաբաղի Հանրապետություն կանոնավոր օդային հաղորդակցություններ և ոչ կանոնավոր օդային փոխադրումներ իրականացնում են՝

1) օդային հաղորդակցությունների վերաբերյալ Լեռնային Ղարաբաղի Հանրապետության միջազգային պայմանագրերի հիման վրա.

2) «Ավիացիայի մասին» Լեռնային Ղարաբաղի Հանրապետության օրենքի 48-րդ և 49-րդ հոդվածների և սույն Կանոնակարգի հիման վրա:

7. Օտարերկրյա oդանավ շահագործողները (այսուհետ` Հայտատու) Լեռնային Ղարաբաղի Հանրապետություն` որևէ երթուղով առաջին անգամ կանոնավոր օդային հաղորդակցություններ իրականացնելու նպատակով, սույն Կանոնակարգի ձև 1-ով սահմանված հայտը (այսուհետ` Հայտ) Վարչություն են ներկայացնում նախատեսվող օդային հաղորդակցության իրականացման օրվանից առնվազն 30 օր առաջ:

8. Ներկայացվող Հայտին կցվում են հետևյալ փաստաթղթերի պատճենները (ներկայացված բոլոր փաստաթղթերի պատճենները հաստատվում են օդանավ շահագործողի լիազորված անձի կողմից).

1) համապատասխան պետության կառավարության կամ ավիացիոն իշխանությունների կողմից ուղարկված տվյալ օդանավ շահագործողի նշանակման վերաբերյալ ծանուցում.

2) օդանավ շահագործողի վկայականը՝ կից հավելվածներով կամ հատուկ դրույթներով.

3) Հայտում նշված երթուղով կանոնավոր օդային հաղորդակցությունների իրականացման թույլտվությունը` տրված օդանավ շահագործողի գրանցման պետության ավիացիոն իշխանությունների կողմից.

4) Հայտատուի ավիացիոն անվտանգության ծրագիրը.

5) Հայտում նշված օդային հաղորդակցությունն իրականացնելու համար նախատեսված օդանավի թռիչքային պիտանիության, պետական գրանցման և աղմուկի վկայականները.

6) օդային հաղորդակցության իրականացման համար նախատեսված ուղևորների, ուղեբեռների, բեռների, երրորդ անձանց հանդեպ պատասխանատվության ապահովագրության (վերաապահովագրության) վկայականները (սերտիֆիկատները).

7) օդային հաղորդակցության իրականացման համար փոխադրումների ձևակերպման փաստաթղթերի (ուղևորի փոխադրման տոմս, բեռնագիր և այլն) նմուշները և կիրառվելիք սակագները.

8) իրականացվող կանոնավոր օդային հաղորդակցությունների ծրագիրը.

9) տվյալ երթուղին կամ տվյալ երթուղու մի մասը շահագործող հայկական ավիաընկերության կողմից տրված գրավոր համաձայնություն` կիրառվող հաճախականության վերաբերյալ, եթե միջազգային պայմանագրով այլ բան նախատեսված չէ.

10) Հայտատուի կողմից կանոնավոր օդային հաղորդակցությունների իրականացման համար նախատեսված օդանավակայանների հետ համաձայնեցված չվացուցակի նախագծերը` համաձայն սույն Կանոնակարգի ձև 3-ի:

9. Հայտատուի կողմից ներկայացվող Հայտը կազմվում է հայերեն կամ ռուսերեն կամ անգլերեն լեզուներով և հաստատված է լինում Հայտատուի լիազորված անձի կողմից:

10. Անհրաժեշտության դեպքում Վարչությունը կարող է դիմել Հայտատուի գրանցման պետության ավիացիոն իշխանություններին՝ ներկայացված փաստաթղթերի վավերականությունը պարզելու և այլ լրացուցիչ տեղեկություններ ստանալու համար:

11. Հայտի տրման օր է համարվում Հայտը Վարչություն մուտքագրվելու օրը:

12. Վարչությունը օտարերկյա օդանավ շահագործողին կանոնավոր փոխադրող նշանակելու մասին գրությունը ստանալուց հետո, հեռագրային ձևով այդ մասին տեղեկացնում է Լեռնային Ղարաբաղի Հանրապետությունում նպատակակետ հանդիսացող օդանավակայանին և այլ հարակից ծառայություններ մատուցող կազմակերպություններին` նշելով, որ թույլատրվում է տվյալ օդանավ շահագործողի հետ կնքել առևտրային և սպասարկման մասին պայմանագրեր:

13. Հայտատուն Լեռնային Ղարաբաղի Հանրապետության համապատասխան նպատակակետ հանդիսացող օդանավակայանի և այլ հարակից ծառայություններ մատուցող կազմակերպությունների հետ կնքում է անհրաժեշտ ծառայությունների մատուցման պայմանագրեր, որոնց պատճենները ներկայացնում է Վարչություն:

14. Վարչությունում գրանցված Հայտը ուսումնասիրման նպատակով ներկայացվում է Վարչության համապատասխան ստորաբաժանումներին:

15. Սույն Կանոնակարգով սահմանված պահանջներին Հայտի անհամապատասխանության դեպքում Հայտատուին ներկայացվում է դիտողությունների ցանկ` Հայտը Վարչություն մուտքագրվելու օրվանից 10-օրյա ժամկետում:

16. Հայտի ուսումնասիրության և համաձայնեցման ընթացքում հաշվի է առնվում ներկայացվող փաստաթղթերի համապատասխանությունը Լեռնային Ղարաբաղի Հանրապետության միջազգային պայմանագրերին, իսկ դրանց բացակայության դեպքում՝ միջազգային օդային հաղորդակցությունները կարգավորող նորմատիվ ակտերին, ինչպես նաև սույն Կանոնակարգի պահանջներին:

17. Հայտի ուսումնասիրությունը և համաձայնեցումն ավարտելուց հետո, բայց ոչ ուշ, քան Հայտը Վարչություն մուտքագրվելու օրվանից 20-րդ օրը, Հայտի վերաբերյալ համապատասխան գրավոր եզրակացությունը ներկայացվում է Վարչության պետին:

18. Հայտն անպատասխան թողնելն արգելվում է:

19. Կանոնավոր օդային հաղորդակցությունների իրականացման թույլտվություն տրամադրելու դեպքում Վարչության կողմից հաստատվում է իրականացվելիք կանոնավոր օդային հաղորդակցությունների ծրագիրը և չվացուցակը:

Չվացուցակի հաստատման մասին տեղեկատվությունն ուղարկվում է Հայտատուին, Լեռնային Ղարաբաղի Հանրապետության տարածքի համապատասխան օդանավակայանին և այլ հարակից ծառայություններ մատուցող կազմակերպություններին:

20. Հայտատուի կողմից կանոնավոր օդային հաղորդակցությունների իրականացման համար նախատեսված չվացուցակի նախագիծը համաձայնեցման նպատակով ներկայացվում է Լեռնային Ղարաբաղի Հանրապետության տարածքում նպատակակետ հանդիսացող համապատասխանող օդանավակայանին:

21. Չվացուցակի նախագծի համաձայնեցման ժամանակ հաշվի են առնվում տվյալ օդանավակայանի աերոդրոմի հնարավորությունները, թռիչք-վայրէջքի ժամանակահատվածում օդանավակայանում ընդունվող և օդանավակայանից ուղարկվող ուղևորների, նրանց ուղեբեռների, ինչպես նաև բեռների սպասարկման հնարավորությունները:

22. Սույն Կանոնակարգի 7-րդ, 8-րդ և 16-րդ կետերին համապատասխանելու դեպքում Վարչության պետի համապատասխան հրամանով` Հայտատուին գարուն-ամառ կամ աշուն-ձմեռ ժամանակահատվածի համար տրվում է սույն Կանոնակարգի ձև 2-ով սահմանված Լեռնային Ղարաբաղի Հանրապետություն կանոնավոր օդային հաղորդակցությունների իրականացման թույլտվություն:

23. Լեռնային Ղարաբաղի Հանրապետություն կանոնավոր օդային հաղորդակցության իրականացման թույլտվության գործողության ժամկետի ավարտից 15 օր առաջ, օդանավ շահագործողները տվյալ երթուղով կանոնավոր օդային հաղորդակցության իրականացման ցանկության դեպքում՝ թույլտվության գործողության ժամկետի երկարացման համար Վարչություն են ներկայացնում սույն Կանոնակարգի ձև 1-ով սահմանված Հայտ` անհրաժեշտության դեպքում նաև ներկայացնելով Վարչություն նախկինում ներկայացված փաստաթղթերի փոփոխությունները:

24. Հայտը ենթակա է մերժման, եթե.

1) ներկայացված փաստաթղթերը չեն բխում սույն Կանոնակարգի 7-րդ, 8-րդ, 16-րդ, 20-րդ և 21-րդ կետերի դրույթներից.

2) ներկայացված փաստաթղթերը ակնհայտ կեղծ են.

3) Լեռնային Ղարաբաղի Հանրապետության միջազգային պայմանագիրը չի նախատեսում բազմակի նշանակում, իսկ հայտավորված օդային ուղին շահագործվում է նշանակված այլ օդանավ շահագործողի կողմից կամ հայտավորված օդային ուղին նշված չէ Լեռնային Ղարաբաղի Հանրապետության միջազգային պայմանագրում։

25. Հայտի մերժման դեպքում այդ մասին Հայտատուն տեղեկացվում է պատշաճ ծանուցմամբ, որի մեջ նշվում են մերժման պատճառները: Հայտը չի կարող մերժվել աննպատակահարմարության պատճառաբանությամբ:

26. Հայտատուների կանոնավոր օդային հաղորդակցությունների իրականացման չվացուցակներում փոփոխություններ կատարելու վերաբերյալ հայտերը ներկայացվում են Վարչություն` առաջարկվող փոփոխության օրվանից առնվազն 15 աշխատանքային օր առաջ:

27. Ոչ կանոնավոր օդային փոխադրման թույլտվություն ստանալու համար Հայտատուն.

1) միանգամյա ոչ կանոնավոր օդային փոխադրման իրականացման համար թռիչքի իրականացման ժամից առնվազն 72 ժամ առաջ Վարչություն է ներկայացնում կամ ուղարկում սույն Կանոնակարգի ձև 4-ով սահմանված հայտ կամ հեռագիր հետևյալ տեղեկատվությամբ.

ա. օդանավ շահագործողի կամ մասնավոր չվերթ իրականացնող կազմակերպության անվանումը, գտնվելու վայրը, կապի միջոցների համարները.

բ. օդանավ շահագործողի ԻԿԱՕ-ի եռանիշ կոդը և չվերթի համարը.

գ. օդանավի տիպը, ազգային և գրանցման նիշերը.

դ. չվերթի նպատակը և տեսակը (ուղևորային, բեռնային, համակցված).

ե. չվերթի երթուղին.

զ. թռիչքի կատարման ամսաթիվը, թռիչք (վայրէջքի) աերոդրոմները և ժամերը.

է. օդանավի բեռնվածություն (ուղևորների քանակը` անուն, ազգանուն, քաղաքացիություն, բեռի քաշը և բնույթը).

ը. օդանավի սարքավորումները.

թ. դիմավորող կողմը.

2) երկու և ավելի ոչ կանոնավոր օդային փոխադրումների իրականացման օրվանից առնվազն 14 աշխատանքային օր առաջ, Վարչություն է ներկայացնում կամ ուղարկում սույն Կանոնակարգի ձև 5-ով սահմանված ձևի հայտ: Հայտը կազմվում է հայերեն կամ ռուսերեն կամ անգլերեն լեզուներով և հաստատվում է Հայտատու օտարերկրյա օդանավ շահագործողի լիազորված անձի կողմից:

28. Եթե օդային փոխադրումը հրատապ է և Հայտատուն չի կարող պահպանել սույն Կանոնակարգի 27-րդ կետում նշված ժամկետներն, ապա Հայտատուն պետք է էլեկտրոնային փոստի կամ հեռագրի միջոցով նշի հայտը կամ հեռագիրը սահմանված ժամկետներում չներկայացնելու հիմնավոր պատճառները:

29. Միանգամյա ոչ կանոնավոր օդային փոխադրման իրականացման համար հայտին կից ուղարկվում են Հայտատուի հետևյալ փաստաթղթերի պատճենները.

1) օդանավ շահագործողի վկայականը՝ կից հավելվածներով կամ հատուկ դրույթներով.

2) հայտում նշված օդային փոխադրման համար նախատեսված օդանավի թռիչքային պիտանիության սերտիֆիկատը և պետական գրանցման սերտիֆիկատը.

3) օդային փոխադրման համար նախատեսված փոխադրվող ուղևորների, ուղեբեռների, բեռների, երրորդ անձանց հանդեպ ապահովագրության վկայականները (սերտիֆիկատները).

4) օդային փոխադրման նպատակը, փոխադրվող ուղևորների և (կամ) բեռի տվյալները (անունը, ազգանունը, քաղաքացիությունը, բեռի տեսակը, քաշը և բնութը):

30. Երկու և ավելի ոչ կանոնավոր օդային փոխադրումների համար ներկայացված հայտին կցվում են հետևյալ փաստաթղթերի պատճենները.

1) օդանավ շահագործողի վկայականի պատճենը՝ կից հավելվածներով կամ հատուկ դրույթներով.

2) հայտում նշված օդային փոխադրման համար նախատեսված օդանավի թռիչքային պիտանիության սերտիֆիկատը և պետական գրանցման սերտիֆիկատը.

3) ուղևորների, ուղեբեռների, բեռների, երրորդ անձանց հանդեպ ապահովագրության վկայականները.

4) օդանավ շահագործողի ավիացիոն անվտանգության ծրագրի պատճենը.

5) օդանավ շահագործողի պատվիրատուի տվյալները (անունը կամ անվանումը, գտնվելու վայրը, կապի միջոցների համարները).

6) Լեռնային Ղարաբաղի Հանրապետությունում Հայտատուի ներկայացուցչի կամ ներկայացուցչության վերաբերյալ տեղեկություններ (անունը կամ անվանումը, գտնվելու վայրը, կապի միջոցների համարները).

7) Լեռնային Ղարաբաղի Հանրապետության օդանավակայաններում օդանավի տեխնիկական սպասարկման վերաբերյալ ամփոփ տեղեկատվություն.

8) իրականացվող ոչ կանոնավոր օդային փոխադրման ծրագիրը:

31. Հայտատուի կողմից ներկայացվող Հայտը կազմվում է հայերեն կամ ռուսերեն կամ անգլերեն լեզուներով և հաստատվում է Հայտատուի լիազորված անձի կողմից:

32. Անհրաժեշտության դեպքում Վարչությունը կարող է դիմել Հայտատուի գրանցման պետության ավիացիոն իշխանություններին՝ ներկայացված փաստաթղթերի վավերականությունը պարզելու և այլ լրացուցիչ տեղեկություններ ստանալու համար:

33. Հայտի տրման օր է համարվում Հայտը Վարչություն մուտքագրվելու օրը:

34. Սույն Կանոնակարգի պահանջներին հայտում ներկայացված տվյալների չհամապատասխանելու դեպքում, այդ մասին զեկուցվում է թույլտվության տրամադրման կամ մերժման իրավասություն ունեցող Վարչության պաշտոնատար անձին: Մեկանգամյա ոչ կանոնավոր փոխադրում իրականացնելու Հայտի դեպքում դիտողությունների ցանկը Հայտատուին տրամադրվում է Հայտը Վարչություն մուտքագրվելուց հետո 1-օրյա ժամկետում: Երկու և ավելի ոչ կանոնավոր փոխադրում իրականացնելու Հայտի դեպքում` այն Վարչություն մուտքագրվելուց հետո 5-օրյա ժամկետում: Մեկանգամյա ոչ կանոնավոր փոխադրում իրականացնելու Հայտի դեպքում Հայտատուն դիտողությունների ցանկը ստանալու օրվանից սկսած, բայց ոչ ուշ, քան իր թռիչքը իրականացնելու ժամկետից 1 օր առաջ, իսկ երկու և ավելի ոչ կանոնավոր փոխադրում իրականացնելու Հայտի դեպքում Հայտատուն դիտողությունների ցանկը ստանալու օրվանից սկսած, բայց ոչ ուշ, քան իր թռիչքը իրականացնելու ժամկետից 5 օր առաջ, պետք է վերացնի կամ շտկի այդ թերությունները` այդ մասին տեղեկացնելով Վարչությանը:

35. Հայտի ուսումնասիրության և համաձայնեցման ընթացքում հաշվի են առնվում ներկայացվող փաստաթղթերի համապատասխանությունը Լեռնային Ղարաբաղի Հանրապետության միջազգային պայմանագրերին, իսկ դրանց բացակայության դեպքում՝ միջազգային օդային հաղորդակցությունները կարգավորող նորմատիվ ակտերին, ինչպես նաև սույն Կանոնակարգի պահանջներին:

36. Հայտի քննարկումը և համաձայնեցումն ավարտելուց հետո կազմվում է համապատասխան գրավոր եզրակացություն, որի հիման վրա թույլտվության տրամադրման կամ մերժման իրավասություն ունեցող Վարչության պաշտոնատար անձը Հայտատուին շնորհում է սույն Կանոնակարգի ձև 6-ով սահմանված թույլտվությունը կամ մերժում է Հայտը:

37. Մեկանգամյա ոչ կանոնավոր օդային փոխադրման Հայտը ենթակա է մերժման, եթե.

1) ներկայացված փաստաթղթերը չեն բխում սույն Կանոնակարգի 27-րդ կետի 1-ին ենթակետի, 28-րդ և 29-րդ կետերի դրույթներից.

2) ներկայացված փաստաթղթերը ակնհայտ կեղծ են:

38. Երկու և ավելի ոչ կանոնավոր օդային փոխադրումների Հայտը ենթակա է մերժման, եթե.

1) ներկայացված փաստաթղթերը չեն բխում սույն Կանոնակարգի 27-րդ կետի 2-րդ ենթակետի և 30-րդ կետի դրույթներից.

2) ներկայացված փաստաթղթերը ակնհայտ կեղծ են:

39. Հայտի մերժման դեպքում այդ մասին Հայտատուն տեղեկացվում է պատշաճ ծանուցմամբ, որի մեջ նշվում են մերժման պատճառները: Հայտը չի կարող մերժվել աննպատակահարմարության պատճառաբանությամբ:

40. Վարչության պետը կարող է դադարեցնել տրված կանոնավոր և ոչ կանոնավոր օդային հաղորդակցությունների իրականացման նպատակով տրված թույլտվությունների գործողությունը, եթե օդանավ շահագործողի կողմից չեն կատարվում Լեռնային Ղարաբաղի Հանրապետության միջազգային պայմանագրերի, Լեռնային Ղարաբաղի Հանրապետության օրենքների և սույն Կանոնակարգի պահանջները:

41. Մեկանգամյա ոչ կանոնավոր օդային փոխադրման ցանկություն հայտնած մասնավոր օդանավի սեփականատեր կամ վարձակալ հանդիսացող կազմակերպության կամ ֆիզիկական անձի նկատմամբ կիրառվում են սույն Կանոնակարգի 27-րդ կետի 1-ին ենթակետի, 28-րդ կետի, 29-րդ կետի 2-րդ և 3-րդ ենթակետերի և 36-րդ կետի դրույթները, ինչպես նաև նրա կողմից ներկայացվող հայտին կցվում են օդանավի անձնակազմի անդամների վկայականները:

42. Մեկանգամյա ոչ կանոնավոր օդային փոխադրման ցանկություն հայտնած մասնավոր օդանավի սեփականատեր կամ վարձակալ հանդիսացող կազմակերպությունը կամ ֆիզիկական անձը Վարչություն է ներկայացնում ավիացիոն անվտանգության ծրագիր:

43. Կանոնավոր և ոչ կանոնավոր օդային հաղորդակցությունների իրականացման ընթացակարգի վերաբերյալ հակիրճ տեղեկությունները Վարչության կողմից պարբերաբար հրապարակվում են Վարչության «www.aviatioո.nkr.am» պաշտոնական ինտերնետային կայքում և Լեռնային Ղարաբաղի Հանրապետության «Աերոնավիգացիոն տեղեկատու ժողովածու» (ԱՏԺ) փաստաթղթում:

1. Օդանավ շահագործողի լրիվ անվանումը՝ կազմակերպաիրավական ձևի նշումով, գտնվելու վայրը, կապի բոլոր միջոցների համարները

Полное наименование эксплуатанта воздушного судна с указанием юридического статуса, местонахождение, номера всех средств связи

Fսll ոame of tհe aircraft operator, witհ legal form iոdicatioո, locatioո, all ոսmbers for commսոicatioոs

___________________________________________________________________________________:

2. Լեռնային Ղարաբաղի Հանրապետությունում օդանավ շահագործողի ներկայացուցչության (ներկայացուցչական գործառնություն իրականացնող կազմակերպության) գտնվելու վայրը, ներկայացուցիչների անունը, ազգանունը, գտնվելու վայրը և կապի միջոցների համարները

Местонахождение Представительства (организации, осуществляющей представительскую функцию) эксплуатанта воздушного судна в Нагорно-Карабахской Республике, имя, фамилия, представителей, местонахождение и номера средств связи

Locatioո of tհe aircraft operator Represeոtatioո (orgaոizatioո, performiոg represeոtatiոg fսոctioո) iո tհe Repսblic of Nagorno-Karabakh, ոame, sսrոame of tհe represeոtatives, locatioո aոd ոսmbers for commսոicatioոs

___________________________________________________________________________________:

3. Օդային հաղորդակցության իրականացման համար շահագործվող օդանավ(եր)ի տիպ(եր)ը, պատկանելությունը, գրանցման երկիրը, ազգային և գրանցման նիշերը

Тип(ы), принадлежность, страна регистрации, национальный и регистрационный знаки воздушного(ых) судна(ов), эксплуатируемого для выполнения воздушных сообщений

Type(s), owոersհip, state of registry, ոatioոality aոd registratioո marks of tհe operatiոg aircraft(s) for air service operatioո

___________________________________________________________________________________։

4. Օդային ուղին, չվերթի համարը, Միջազգային քաղաքացիական ավիացիայի կազմակերպության (ԻԿԱՕ) եռանիշ կոդը, Oդային տրանսպորտի միջազգային ասոցիացիայի (ԻԱՏԱ) երկնիշ կոդը, օդային հաղորդակցությունների իրականացման ժամկետները և շաբաթական հաճախականությունը, կիրառման ենթակա սակագները

Воздушная линия, номер рейса, трехбуквенный код Международной Организации Гражданской Авиации (ИКАО), двухбуквенный код Международной ассоциации воздушного транспорта (ИАТА), периоды выполнения воздушных сообшений и еженедельная частота, тарифы, подлежащие к пременению

Air roսte, fligհt ոսmber, Iոterոatioոal Civil Aviatioո Orgaոizatioո (ICAO) tհree-letter desigոator code, Iոterոatioոal Air Traոsport Associatioո (IATA) two-letter desigոator code, periods of air service operatioո aոd weekly freqսeոcy, tariffs sսbject to apply

___________________________________________________________________________________։

5.Պահուստային օդանավակայանների (աերոդրոմների) վերաբերյալ տեղեկատվություն

Информация о запасных аэропортах (аэродромах)

Iոformatioո aboսt alterոate airports (airdromes)

___________________________________________________________________________________:

6. Օդանավ շահագործող ընկերությունում օտարերկրյա կապիտալի բաժնեմասի առկայության և չափի մասին տեղեկություն

Данные о наличии и размере доли иностранного капитала в организации, эксплуатирующей воздушное судно

Iոformatioո aboսt tհe preseոce aոd sհare of tհe foreigո capital at tհe aircraft operator's compaոy

___________________________________________________________________________________:

____________________________________________________________________________________

(Ներկայացուցչի պաշտոնը, անունը, ազգանունը)

(Должность, имя, фамилия представителя)

(Positioո title, ոame, sսrոame of tհe Represeոtative)

Ստորագրությունը

Подпись

Sigոatսre                 _____________________

Ամսաթիվը

Дата

Date                        _____________________

Կնիքը

Печать

Seal