ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

 «ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՄԱՍԻՆ» ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

1. «ԼՂՀ նախագահի մասին» ԼՂՀ օրենքի առաջին հոդվածը շարադրել հետևյալ խմբագրությամբ. «ԼՂՀ Նախագահը հանդիսանում է Հանրապետության բարձրագույն պաշտոնատար անձը, գլխավորում է գործադիր իշխանությունը, ապահովում օրենսդիր, գործադիր և դատական իշխանությունների բնականոն գործունեությունը»:

2. Օրենքի 2-րդ հոդվածը շարադրել հետևյալ խմբագրությամբ. «Լեռնային Ղարաբաղի Հանրապետության Նախագահը ընտրվում է ընդհանուր, հավասար, ուղղակի ընտրական իրավունքի հիման վրա՝ գաղտնի քվեարկությամբ, 5 տարի ժամկետով:

 Հանրապետության Նախագահի ընտրությունն անցկացվում է Հանրապետության Նախագահի լիազորությունների ավարտից 28 օր առաջ՝ օրենքով սահմանված կարգով»:

3. Օրենքի 5-րդ հոդվածի 3-րդ կետի 2-րդ և 3-րդ մասերը շարադրել հետևյալ խմբագրությամբ. «Այդ ժամկետում կարող է օրենքն առարկություններով կամ առաջարկություններով վերադարձնել Ազգային ժողով՝ պահանջելով նոր քննարկում:

 Երկշաբթյա ժամկետում ստորագրում և հրապարակում է Ազգային ժողովի կողմից վերստին ընդունված օրենքը»:

4. Նույն հոդվածի 4-րդ կետը շարադրել հետևյալ խմբագրությամբ. «ԼՂՀ Ազգային ժողովի գործունեության հետ կապված երկրի անվտանգության և ներքաղաքական վիճակի վրա զգալիորեն ազդող տևական ճգնաժամի ստեղծման պարագայում Հանրապետության Նախագահը կարող է արձակել Ազգային ժողովը և նշանակել արտահերթ ընտրություն: Արտահերթ ընտրությունն անցկացվում է Ազգային ժողովի արձակումից ոչ շուտ, քան երեսուն և ոչ ուշ, քան քառասուն օրվա ընթացքում:

 Իր պաշտոնավարության առաջին և վերջին վեց ամսվա ընթացքում չի կարող արձակել Ազգային ժողովը»:

5. 6-րդ կետը շարադրել հետևյալ խմբագրությամբ. «Հաստատում է կառավարության կառուցվածքը, նշանակում և ազատում է վարչապետին:

 Վարչապետի առաջարկությամբ նշանակում և ազատում է կառավարության անդամներին:

 Ազգային ժողովի կողմից կառավարությանն անվստահություն հայտնվելու դեպքում քսանօրյա ժամկետում ընդունում է կառավարության հրաժարականը, նշանակում վարչապետ և կազմավորում կառավարություն»:

6. 8-րդ կետում «...գլխավոր պետական արբիտրի պաշտոններում ընտրելու» բառերից հետո ավելացնել «համար, նշանակում և ազատում է ԼՂՀ գլխավոր դատախազին և նրա տեղակալներին»:

7. 17-րդ կետում «...բարձրագույն զինվորական կոչումներ» բառերից հետո ավելացնել «, բարձրագույն դիվանագիտական և այլ դասային աստիճաններ, դատավորների որակավորման դասեր»:

8. Օրենքի 6-րդ հոդվածը շարադրել հետևյալ խմբագրությամբ. «Հանրապետության Նախագահը հրապարակում է հրամանագրեր և կարգադրություններ, որոնք ենթակա են կատարման Հանրապետության ամբողջ տարածքում:

 Հանրապետության Նախագահի հրամանագրերը և կարգադրությունները չեն կարող հակասել ԼՂՀ Սահմանադրությանը և օրենքներին:

 Հանրապետության Նախագահի ԼՂՀ Սահմանադրությանը և օրենքներին հակասող հրամանագրերն ու կարգադրութունները գերագույն դատարանի եզրակացության հիման վրա կարող են բեկանվել Ազգային ժողովի կողմից»:

9. Օրենքի 7-րդ հոդվածի առաջին մասը մինչև առաջին ենթակետը հանել և շարադրել հետևյալ խմբագրութամբ. «ԼՂՀ Ազգային ժողովը երկօրյա ժամկետում որոշում է ընդունում Հանրապետության Նախագահի պաշտոնը ԼՂՀ Ազգային ժողովի նախագահի կամ վարչապետի կողմից զբաղեցնելու մասին, եթե ԼՂՀ նախագահը՝...»:

 Սույն հոդվածի 2-րդ պարբերության «ձայների մեծամասնությամբ» բառերը փոխարինել «ձայների երկու երրորդով» բառերով:

 7-րդ հոդվածի վերջին պարբերությունը շարադրել հետևյալ խմբագրությամբ. «Եթե Հանրապետության Նախագահը ժամանակավորապես գտնվում է Հանրապետության սահմաններից դուրս, նրա հրամանագրով իր լիազորությունները լրիվությամբ կամ մասնակիորեն դրվում են Ազգային ժողովի նախագահի կամ վարչապետի վրա»:

10. Օրենքի 8-րդ հոդվածի 2-րդ մասում «ձայների մեձամասնությամբ» բառերը փոխարինել «ձայների երկու երրորդով» բառերով:

11. Օրենքի 10-րդ հոդվածի «...սահմանում է ԼՂՀ Ազգային ժողովը» բառերը փոխարինել «...սահմանվում է օրենքով» բառերով: