ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2010 թվականի

մարտի 25-ին

«ԱԶԳԱՅԻՆ ԺՈՂՈՎԻ ԿԱՆՈՆԱԿԱՐԳ» ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. «Ազգային ժողովի կանոնակարգ» Լեռնային Ղարաբաղի Հանրապետության 2007 թվականի ապրիլի 4-ի ՀՕ-23 օրենքի (այսուհետ` օրենք) 14-րդ հոդվածի 3-րդ կետն ուժը կորցրած ճանաչել:

Հոդված 2. Օրենքի 21-րդ հոդվածի`

1) 4-րդ կետում «ե» ենթակետը շարադրել հետևյալ խմբագրությամբ.

«ե) սոցիալական ոլորտի հարցերի մշտական հանձնաժողով` սոցիալական ապահովություն, հաշմանդամության հիմնահարցեր, աշխատանք, զբաղվածություն, բնակարանային պայմաններ, ժողովրդագրություն և հայրենադարձություն, առողջապահություն, մայրություն և մանկություն.».

2) 4-րդ կետը լրացնել հետևյալ բովանդակությամբ «է» ենթակետով.

«է) գիտության, կրթության, մշակույթի, երիտասարդության և սպորտի հարցերի մշտական հանձնաժողով` գիտություն, կրթություն, հրատարակչական գործ, մշակույթ, երիտասարդություն, սպորտ:»:

Հոդված 3. Օրենքի 25-րդ հոդվածի 1-ին կետը շարադրել հետևյալ խմբագրությամբ.

«1. Պետական-իրավական հարցերի, սոցիալական ոլորտի հարցերի, ֆինանսաբյուջետային և տնտեսական կառավարման հարցերի մշտական հանձնաժողովումներում ընդգրկվում են հինգ, իսկ մյուս հանձնաժողովներից յուրաքանչյուրում` չորսական պատգամավոր:»:

Հոդված 4. Սույն օրենքն ուժի մեջ է մտնում 2010 թվականի հունիսի 1-ից: