ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը ո ր ո շ ու մ  է.

1. Լեռնային Ղարաբաղի Հանրապետության կառավարության 2004 թվականի մարտի 16-ի ««Արցախի Հանրապետության արդարադատության նախարարության աշխատակազմ» պետական կառավարչական հիմնարկ ստեղծելու, Արցախի Հանրապետության արդարադատության նախարարության կանոնադրությունը և աշխատակազմի կառուցվածքը հաստատելու մասին» N 97 որոշմամբ հաստատված՝

1) թիվ 1 հավելվածի 9-րդ կետում՝

ա. ուժը կորցրած ճանաչել 2-րդ ենթակետը,

բ. 3-րդ ենթակետը շարադրել հետևյալ խմբագրությամբ.

«3) նորմատիվ իրավական ակտերի նախագծերի պետական իրավական փորձաքննության ապահովումը.»,

գ. 5-րդ ենթակետում «օրենսդրական, գերատեսչական կամ տեղական ինքնակառավարման մարմինների» բառերը փոխարինել «նորմատիվ» բառով.

2) թիվ 1 հավելվածի 10-րդ կետի 1-ին ենթակետում՝

ա. «ա» պարբերությունում «ակտերի» բառից հետո լրացնել «նախագծերի» բառը, հանել «և պետական գրանցում» բառերը,

բ. ուժը կորցրած ճանաչել «գ» պարբերությունը,

գ. «ե» պարբերությունում «օրենքով սահմանված կարգով օրենսդրական, գերատեսչական և տեղական ինքնակառավարման մարմինների» բառերը փոխարինել «նորմատիվ» բառով,

դ. «զ» պարբերությունում «, դատական, գերատեսչական, տեղական ինքնակառավարման մարմինների» բառերը փոխարինել «և ենթաօրենսդրական նորմատիվ» բառերով.

3) թիվ 1 հավելվածի 13-րդ կետի 14-րդ ենթակետում «իր իրավասության սահմաններում ընդունում և օրենքով սահմանված կարգով հրապարակում է գերատեսչական ենթաօրենսդրական իրավական ակտեր, արձակում է հրամաններ» բառերը փոխարինել «օրենքով նախատեսված դեպքերում ընդունում է նորմատիվ, անհատական և ներքին իրավական ակտեր» բառերով.

4) թիվ 2 հավելվածի «Կառուցվածքային ստորաբաժանումներ» բաժնի 1-ին կետի՝

ա. 1-ին ենթակետից հանել «և օրենսդրության կատարելագործման» բառերը,

բ. 2-րդ ենթակետում «հրատարակման» բառից հետո լրացնել «և իրավական տեղեկատվական համակարգի» բառերը,

գ. 3-րդ ենթակետը շարադրել հետևյալ խմբագրությամբ՝

«3) Օրենսդրության կատարելագործման բաժին»:

2. Սույն որոշումն ուժի մեջ է մտնում 2020 թվականի հունվարի 1-ին: