ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2010 թվականի

դեկտեմբերի 16-ին

«ԵԿԱՄՏԱՀԱՐԿԻ ՄԱՍԻՆ» ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. «Եկամտահարկի մասին» Լեռնային Ղարաբաղի Հանրապետության 1999 թվականի հունվարի 9-ի ՀՕ-46 օրենքի (այսուհետ` օրենք) 22-րդ հոդվածի 2-րդ մասի առաջին նախադասությունում «9 հոդվածի «ժա» ենթակետով» բառերը փոխարինել «9-րդ հոդվածի «բ» և «ժա» կետերով» բառերով:

Հոդված 2. Օրենքի 37-րդ հոդվածի 4-րդ մասը շարադրել հետևյալ խմբագրությամբ.

«4. Հարկային գործակալը նախորդ հաշվետու ժամանակաշրջանների համար ներկայացված հաշվարկներում և (կամ) տեղեկություններում սխալներն ինքնուրույն հայտնաբերելու դեպքում կարող է հարկային մարմիններ ներկայացնել ճշտված հաշվարկներ և (կամ) տեղեկությունների ճշգրտումներ (ճշտված տեղեկություններ), բացառությամբ այն դեպքերի, երբ ճշտված հաշվարկները և (կամ) տեղեկությունները վերաբերում են հարկային մարմինների կողմից ստուգվող կամ արդեն իսկ ստուգված հաշվետու ժամանակաշրջաններին:»:

Հոդված 3. Օրենքի 38-րդ հոդվածի 5-րդ մասը «չափով» բառից հետո լրացնել «,բացառությամբ ճշտված տեղեկությունների ներկայացման դեպքերի» բառերով:

Հոդված 4. Սույն օրենքն ուժի մեջ է մտնում 2011 թվականի հունվարի 1-ից: