ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

«ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՄԱՍԻՆ» ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

1. «Լեռնային Ղարաբաղի Հանրապետության Ազգային ժողովի մասին» Լեռնային Ղարաբաղի Հանրապետության օրենքի հոդված 4-ի առաջին պարբերության «նախորդ Ազգային ժողովի նախագահության» բառերը փոխարինել «Լեռնային Ղարաբաղի Հանրապետության Ազգային ժողովի նախագահի» բառերով:

2. Հոդված 8-ի առաջին պարբերության մեջ «դատախազ» բառից հետո դնել վերջակետ և շարունակությունը հանել:

3. Հոդված 10-ի 7-րդ կետը շարադրել հետևյալ խմբագրությամբ. «իրականացնում է ընդունված օրենքների և որոշումների կատարման վերահսկողություն, որոշում է դրանց կիրարկման կարգը, տալիս է Լեռնային Ղարաբաղի Հանրապետության օրենքների մեկնաբանություն»:

4. Հոդված 10-ի 15-րդ կետը լրացնել հետևյալ խմբագրությամբ 2-րդ մասով. «Անհրաժեշտության դեպքում Լեռնային Ղարաբաղի Հանրապետության Ազգային ժողովը կարող է ստեղծել համակարգող խորհուրդ, որը լուծարվում է միայն Ազգային ժողովի կողմից»:

5. Հոդված 10-ի 17-րդ կետը հանել:

6. Հոդված 10-ի 18-րդ կետը շարադրել որպես 17-րդ՝ հետևյալ խմբագրությամբ. «անհրաժեշտության դեպքում լսում է Լեռնային Ղարաբաղի Հանրապետության նախագահի հաղորդումները հանրապետության քաղաքական, սոցիալ-տնտեսական իրավիճակի և Լեռնային Ղարաբաղի Հանրապետության օրենքների կատարման մասին»:

Հաջորդ կետերը համարակալել ըստ նոր հերթականության:

7. Հոդված 10-ի 21-րդ կետը շարադրել հետևյալ խմբագրությամբ. «անվստահություն է հայտնում Կառավարությանը, այն ներկայացնում է Լեռնային Ղարաբաղի Հանրապետության նախագահին, որը 20-օրյա ժամկետում ընդունում է Կառավարության հրաժարականը, նշանակում վարչապետին և կազմավորում Կառավարություն»:

8. Հոդված 10-ի 22-րդ կետը հանել և հաջորդ կետերը համարակալել ըստ նոր հերթականության:

9. Հոդված 12-ը շարադրել հետևյալ խմբագրությամբ. «Լեռնային Ղարաբաղի Հանրապետության Ազգային ժողովի ընդունած օրենքները ներկայացվում են Լեռնային Ղարաբաղի Հանրապետության նախագահին՝ օրենքով սահմանված կարգով դրանք ստորագրելու և հրապարակելու համար»:

10. Հոդված 13-ի առաջին պարբերության մեջ «Ազգային ժողովի քարտուղարը» բառերից հետո դնել ստորակետ և ավելացնել. «Ազգային ժողովի հանձնաժողովների նախագահները» բառերը, այնուհետև՝ ինչպես տեքստում:

11. Հոդված 14-ի 4-րդ կետը հանել:

12. Հոդված 15-ի առաջին պարբերության մեջ «նախագահի առաջին տեղակալը» բառերը փոխարինել «նախագահի տեղակալը» բառերով: