2019 թվականի հուլիսի 31-ի

N 201-Ն

ՀՐԱՄԱՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը`

Հ Ր Ա Մ Ա Յ ՈՒ Մ Ե Մ`

Լեռնային Ղարաբաղի Հանրապետության կառավարությանն առընթեր հարկային պետական ծառայության պետի 2014 թվականի փետրվարի 17-ի «Վարձու աշխատողի և պայմանագրային եկամուտ ստացող ֆիզիկական անձի անհատական տվյալների գրանցման հայտի, եկամտային հարկի և կուտակային վճարի, տարեկան եկամուտների մասին հաշվարկների, կազմակերպության կողմից որպես հարկային գործակալ եկամտային հարկի պահում (գանձում) և պետական բյուջե վճարում կատարելու պարտավորություն ստանձնելու մասին հայտարարության, կազմակերպության (անհատ ձեռնարկատիրոջ) կողմից ֆիզիկական անձանց հաշվարկված և վճարված եկամուտների, իրականացված նվազեցումների և պահված եկամտային հարկի գումարների, ինչպես նաև գործատուի (վարձու) աշխատողի համար կատարված կուտակային վճարների մասին և Արցախի Հանրապետությունում ոչ ռեզիդենտին վճարած հարկերի մասին տեղեկանքների ու գրանցման հայտի և եկամտային հարկի անձնավորված հաշվարկի ընդունման մասին ստացականների ձևերը սահմանելու մասին» N 5-Ն հրամանում կատարել հետևյալ փոփոխությունները.

1) հրամանի`

ա. վերնագրում «ԿՈՒՏԱԿԱՅԻՆ» բառերը փոխարինել «ՍՈՑԻԱԼԱԿԱՆ» բառերով, իսկ «ԵՎ ԱՐՑԱԽԻ ՀԱՆՐԱՊԵՏՈՒԹՅՈՒՆՈՒՄ ՈՉ ՌԵԶԻԴԵՆՏԻՆ ՎՃԱՐԱԾ ՀԱՐԿԵՐԻ ՄԱՍԻՆ ՏԵՂԵԿԱՆՔՆԵՐԻ» բառերը` «ՏԵՂԵԿԱՆՔԻ» բառով,

բ. 2-րդ, 3-րդ և 6-րդ ենթակետերում «կուտակային» բառերը փոխարինել «սոցիալական» բառերով,

գ. 7-րդ ենթակետն ուժը կորցրած ճանաչել.

2) հրամանով սահմանված N 1 հավելվածի`

ա. 4-րդ բաժնի 4-րդ և 5-րդ բաժնի 4-րդ ենթաբաժինների վերնագրերում «Պարտադիր կուտակային վճարներ կատարելը» բառերը փոխարինել «Սոցիալական վճարի կատարումը» բառերով,

բ. 4-րդ բաժնի 4-րդ և 5-րդ բաժնի 4-րդ ենթաբաժիններում «պարտադիր կուտակային վճարներ կատարելը» բառերը փոխարինել «սոցիալական վճարի կատարումը» բառերով.

3) հրամանով սահմանված N 2 և N 3 հավելվածները շարադրել նոր խմբագրությամբ` համաձայն հավելվածի.

4) հրամանով սահմանված N 4 հավելվածում`

ա. «Կուտակային համակարգի» բառերը փոխարինել «Կուտակային կենսաթոշակային համակարգի» բառերով,

բ. 3-րդ կետը շարադրել հետևյալ խմբագրությամբ.

«3. «Կուտակային կենսաթոշակային համակարգի մասնակցության կարգավիճակ» տողում նշվում է կուտակային կենսաթոշակային համակարգում ֆիզիկական անձի մասնակցության կոդը. 1` սոցիալական վճար կատարող չէ, 2՝ սոցիալական վճար կատարող է, 3՝ դիմումի հիման վրա սոցիալական վճար կատարող է»,

գ. 1-ին և 3-րդ բաժիններում «եկամտային հարկի և պարտադիր կուտակային վճարների» բառերը փոխարինել «սոցիալական վճարի» բառերով,

դ. 3.1-ին և 4-րդ բաժիններում «կուտակային» բառերը փոխարինել «կենսաթոշակային» բառերով,

ե. 26-րդ կետում «21» թիվը փոխարինել «20» թվով,

զ. 29-րդ կետից հանել «, եթե [4.7]x10% >5000 դրամ x փաստացի աշխատած ամիսների թիվ, [4.8]= 5000 դրամ x փաստացի աշխատած ամիսների թիվ, եթե [4.7]x10%<5000 դրամ x փաստացի աշխատած ամիսների թիվ (յուրաքանչյուր ամսվա հաշվով 5000 դրամ)» բառերը,

է. 30-րդ կետը շարադրել հետևյալ խմբագրությամբ.

«30. [4.9] տողում լրացվում է տարվա համար հաշվարկված եկամտային հարկի հանրագումարը` ելնելով հետևյալ հաշվարկից` տող[4.9]=տող[2.8]+ տող[4.4]+տող[4.8], եթե տող[4.4]+տող[4.8]>5 000 ՀՀ դրամ x փաստացի աշխատած ամիսների թիվ, տող[4.9]=տող[2.8]+5 000 ՀՀ դրամ x փաստացի աշխատած ամիսների թիվ, եթե տող[4.4]+տող[4.8] <5 000 ՀՀ դրամ x փաստացի աշխատած ամիսների թիվ (յուրաքանչյուր ամսվա հաշվով 5 000 ՀՀ դրամ)»,

ը. 5-րդ բաժնում «Պարտադիր կուտակային» բառերը փոխարինել «Սոցիալական» բառերով, «Կամավոր կուտակային» բառերը` «Կամավոր կենսաթոշակային» բառերով, «պարտադիր կուտակային» բառերը` «սոցիալական» բառերով, իսկ «կամավոր կուտակային» բառերը` «կամավոր կենսաթոշակային» բառերով,

թ. 5-րդ բաժնի 37-րդ կետից հանել «հետևյալ հաշվարկներից ելնելով`» բառերը և աղյուսակը.

5) հրամանով սահմանված N 6 հավելվածում`

ա. տեղեկանքի վերնագրում «կուտակային» բառը փոխարինել «սոցիալական» բառով,

բ. «, կատարված կուտակային կենսաթոշակային վճարների» բառերը փոխարինել «ու սոցիալական վճարի» բառերով, «ժամանակավոր անաշխատունակության» բառերից հետո լրացնել «և մայրության» բառերը, «Պարտադիր կուտակային» բառերը փոխարինել «Սոցիալական» բառով, իսկ «պարտադիր կուտակային» բառերը` «սոցիալական» բառով,

գ. 32-րդ տողում և 32-րդ տողի բացատրությունում «կուտակային» բառերը փոխարինել «կամավոր կենսաթոշակային» բառերով,

դ. 16-րդ տողի բացատրությունում «հղիության ու ծննդաբերության» բառերը փոխարինել «մայրության» բառով.

6) հրամանով սահմանված N 7 հավելվածն ուժը կորցրած ճանաչել:

1. «Փաստաթղթի մուտքագրման համար» մասում նշվում է հարկային մարմնում հարկային գործակալի (կազմակերպություն, անհատ ձեռնարկատեր) անձնական գործում տվյալ փաստաթղթի հերթական համարը, «Հարկ վճարողի անվանում» տողում ինքնաշխատ լրացվում են կազմակերպության անվանումը և կազմակերպաիրավական ձևը (անհատ ձեռնարկատիրոջ անունը, ազգանունը), իսկ «Հարկ վճարողի հաշվառման համար (ՀՎՀՀ)» տողում` հարկ վճարողի հաշվառման համարը:

ԲԱԺԻՆ 1. ԳՈՐԾԱՏՈՒԻ ԵԿԱՄՏԱՅԻՆ ՀԱՐԿԻ ԵՎ

ՍՈՑԻԱԼԱԿԱՆ ՎՃԱՐԻ ՀԱՇՎԱՐԿ` ԸՍՏ ԱՇԽԱՏՈՂՆԵՐԻ

2. 1-ին բաժնում տրվում է հաշվետու ամսվա համար հարկային գործակալի (գործատուի) եկամտային հարկի և սոցիալական վճարի հաշվարկը` ըստ բոլոր (վարձու) աշխատողների. յուրաքանչյուր (վարձու) աշխատողի համար լրացվում է մեկ տող (անկախ հաշվետու ամսում եկամուտներ ստանալու հանգամանքից):

3. [1.1], [1.2] և [1.3] սյունակներում ինքնաշխատ լրացվում են (վարձու) աշխատողի նույնականացման տվյալները. [1.1] և [1.2] սյունակներում` (վարձու) աշխատողի ազգանունը և անունը, [1.3] սյունակում` հանրային ծառայությունների համարանիշը կամ հանրային ծառայությունների համարանիշ չունենալու մասին տեղեկանքի համարը (սոցիալական ապահովության քարտի համարը կամ սոցիալական ապահովության քարտ չունենալու մասին տեղեկանքի համարը):

4. [1.4] սյունակում ինքնաշխատ լրացվում է (վարձու) աշխատողի զբաղմունքի (պաշտոնի, մասնագիտության) կոդը, [1.5] սյունակում ինքնաշխատ լրացվում է կուտակային կենսաթոշակային համակարգում (վարձու) աշխատողի մասնակցության կոդը. 1` սոցիալական վճար կատարող չէ, 2՝ սոցիալական վճար կատարող է, 3՝ դիմումի հիման վրա սոցիալական վճար կատարող է:

5. [1.6] սյունակում նշվում են հաշվետու ամսվա համար վարձու աշխատողին հաշվեգրված աշխատավարձը և դրան հավասարեցված վճարումները, [1.7] սյունակում նշվում են հաշվետու ամսվա համար քաղաքացիաիրավական պայմանագրերով ծառայությունների մատուցման (աշխատանքների կատարման) դիմաց աշխատողին փաստացի վճարված եկամուտները (պայմանագրային եկամուտը), [1.8] սյունակում նշվում են (վարձու) աշխատողին վճարված [1.6] և [1.7] սյունակներում չընդգրկված և «Եկամտային հարկի մասին» օրենքի 11-րդ հոդվածի 1-ին մասով սահմանված դրույքաչափով հարկվող այլ եկամուտները (այդ թվում՝ Արցախի Հանրապետության օրենսդրությամբ սահմանված չափը գերազանցող առողջության ապահովագրության համար կատարված ապահովագրավճարները, աշխատողներին Արցախի Հանրապետության օրենսդրությամբ սահմանված չափերից ավելի վճարված փոխհատուցման վճարները, աշխատողին վճարված օգնության գումարները), [1.9] սյունակում նշվում են հարկվող եկամտի Արցախի Հանրապետության օրենսդրությամբ սահմանված չափերը չգերազանցող կամավոր կենսաթոշակային վճարների գումարները՝ ոչ ավելի, քան ([1.6]+[1.7]+[1.8]+[1.10]+[1.11])-([1.6]+[1.7]+[1.8]+[1.10]+[1.11]):1,05:

6. [1.10] սյունակում նշվում են հաշվետու ամսում գործատուի միջոցներով վարձու աշխատողին վճարված ժամանակավոր անաշխատունակության և մայրության նպաստների գումարները, [1.11] սյունակում նշվում են հաշվետու ամսում Արցախի Հանրապետության պետական բյուջեի միջոցներով վարձու աշխատողին վճարված ժամանակավոր անաշխատունակության և մայրության նպաստների գումարները, [1.12] սյունակում նշվում են հաշվետու ամսում հղիության և ծննդաբերության արձակուրդն ընդհատվելու դեպքում վճարված նպաստի վերահաշվարկման արդյունքում ավելի վճարված նպաստի հետ պահվող գումարները: Յուրաքանչյուր վարձու աշխատողի համար նշված սյունակներից որևէ մեկը լրացված լինելու դեպքում լրացվում (բացվում) է հետևյալ աղյուսակը`

7. «Նպաստների և հետպահման դասակարգման կոդ» սյունակում նշվում է ժամանակավոր անաշխատունակության և մայրության նպաստների տեսակը կամ հետպահման դեպքը (կոդը). 1` հիվանդության նպաստ, 2` պրոթեզավորման նպաստ, 3` առողջարանային բուժման նպաստ, 4` մայրության նպաստ, 5` ընտանիքի հիվանդ անդամի խնամքի նպաստ, 6` ավելի վճարված նպաստի գումարի հետպահումը:

8. «Ժամանակավոր անաշխատունակության ու հղիության և ծննդաբերության (հետպահման) / սկիզբ (օրը, ամիսը, տարին)» և «Ժամանակավոր անաշխատունակության ու հղիության և ծննդաբերության (հետպահման) / ավարտ (օրը, ամիսը, տարին)» սյունակներում նշվում է ժամանակավոր անաշխատունակության կամ հղիության և ծննդաբերության հետպահման ժամանակահատվածը, ընդ որում` եթե գործատուն Արցախի Հանրապետության օրենսդրությամբ սահմանված կարգով ժամանակավոր անաշխատունակության և մայրության նպաստը վճարել է Լեռնային Ղարաբաղի Հանրապետության կառավարության 2012 թվականի մարտի 14-ի N 110-Ն որոշման 5-րդ հավելվածի 9-րդ կետով սահմանված ժամանակավոր անաշխատունակության թերթիկի հիման վրա (բացակայում է ժամանակավոր անաշխատունակության ժամանակահատվածի վերջը), ապա որպես ժամանակավոր անաշխատունակության ժամանակահատվածի վերջ լրացվում է յուրաքանչյուր անգամ ժամանակավոր անաշխատունակության թերթիկի գործատուին ներկայացնելու օրը` առանց փոփոխելու ժամանակավոր անաշխատունակության սկիզբը:

9. «Նպաստի գումար կամ հետ պահվող գումար» սյունակում նշվում են հաշվետու ամսում ժամանակավոր անաշխատունակության նպաստների վճարված գումարները կամ հաշվետու ամսում հղիության և ծննդաբերության արձակուրդն ընդհատվելու դեպքում վճարված նպաստի վերահաշվարկման արդյունքում ավելի վճարված նպաստի հետ պահվող գումարները:

10. [1.13] սյունակում լրացվում է հաշվետու ամսում (վարձու) աշխատողի [1.6], [1.7], [1.8], [1.9], [1.10] և [1.11] սյունակներում նշված եկամուտներից Արցախի Հանրապետության օրենսդրությամբ սահմանված կարգով և դրույքաչափերով հաշվարկված եկամտային հարկի գումարը:

11. [1.14] սյունակում ինքնաշխատ լրացվում է հաշվետու ամսում (վարձու) աշխատողի [1.6] և [1.7] սյունակներում նշված եկամուտների հանրագումարից Արցախի Հանրապետության օրենսդրությամբ սահմանված չափերով հաշվարկված սոցիալական վճարի գումարը:

12. 1.1-ին բաժնում ըստ տողերի հարկային գործակալի կողմից անձնավորված լրացվում են դատարանի վճռի հիման վրա կամ Արցախի Հանրապետության օրենսդրությամբ սահմանված այլ հիմքերով վճարված աշխատավարձը, պայմանագրային եկամուտը, ժամանակավոր անաշխատունակության և մայրության նպաստը: [1.15] տողում լրացվում են Արցախի Հանրապետության օրենսդրությամբ սահմանված սահմանափակ օգտագործման ենթակա տեղեկատվության ներքո գտնվող անձանց վերաբերյալ ամփոփ (ոչ անձնավորված) տվյալները: Սույն բաժնում յուրաքանչյուր տողը (բացառությամբ [1.15] տողի) լրացված լինելու դեպքում լրացվում (բացվում) է հետևյալ աղյուսակը`

13. «Վճարված եկամտի դասակարգման կոդ» սյունակում նշվում է եկամտի վճարման հիմքը (կոդը). 1` դատարանի վճռի հիման վրա աշխատանքի վերականգնման դեպքում հարկադիր պարապուրդի վճարում, 2` դատարանի վճռի հիման վրա նպաստի վճարում, 3` դատարանի վճռի հիման վրա այլ եկամտի վճարում, 4` նախորդ հաշվետու ժամանակահատվածներում ավարտված քաղաքացիաիրավական պայմանագրերով ծառայությունների մատուցման (աշխատանքի կատարման) դիմաց եկամտի վճարում, 5` նախորդ հաշվետու ժամանակահատվածներում աշխատանքից ազատված աշխատողին այլ բազային եկամտի վճարում, 6` նախորդ հաշվետու ժամանակահատվածներում աշխատանքից ազատված վարձու աշխատողին աշխատավարձ և դրան հավասարեցված եկամտի վճարում:

14. «Ընդամենը» տողում ինքնաշխատ լրացվում են [1.6]-ից մինչև [1.15] սյունակների հանրագումարները:

ԲԱԺԻՆ 2. ՀԱՐԿՎՈՂ ԱՅԼ ԵԿԱՄՈՒՏՆԵՐԻՑ ԵԿԱՄՏԱՅԻՆ ՀԱՐԿԻ ՀԱՇՎԱՐԿ

15. 2-րդ բաժնում տրվում է հաշվետու ամսում տվյալ հարկային գործակալի կողմից բոլոր ֆիզիկական անձանց վճարված հարկվող այլ եկամուտներից եկամտային հարկի հաշվարկը. յուրաքանչյուր եկամտի տեսակի և քաղաքացիության համար լրացվում է մեկ տող:

16. [2.1] սյունակում նշվում է հաշվետու ամսվա համար [2.2] սյունակում նշված եկամտի և եկամուտը ստացողների քաղաքացիության կոդը (Արցախի Հանրապետության (Հայաստանի Հանրապետության) քաղաքացի կամ օտարերկրացի` օտարերկրյա քաղաքացի, քաղաքացիություն չունեցող անձ), [2.2] սյունակում լրացվում են հաշվետու ամսվա համար հաշվեգրված այլ եկամտատեսակների գումարները (որոնք հարկվում են առանձին դրույքաչափերով), [2.3] սյունակում նշվում է ընտրված եկամտին և քաղաքացիության կոդին համապատասխանող եկամտային հարկի դրույքաչափը, [2.4] սյունակում լրացվում է [2.2] սյունակում նշված եկամուտներ ստացողների թվաքանակը (հաշվարկում չի մասնակցում), [2.5] սյունակում լրացվում է եկամտային հարկի գումարը ([2.5]=[2.2]x[2.3]):

17. 2-րդ բաժնում յուրաքանչյուր տողը (բացառությամբ 13-րդ տողի) լրացված լինելու դեպքում լրացվում (բացվում) է հետևյալ աղյուսակը`

18. Ըստ տողերի հարկային գործակալի կողմից, բացառությամբ բանկային կամ ապահովագրական գաղտնիք համարվող տեղեկությունների, անձնավորված լրացվում են Արցախի Հանրապետության ֆիզիկական անձանց և Արցախի Հանրապետությունում բնակության իրավունք (կացության կարգավիճակ) չունեցող օտարերկրյա քաղաքացիների կամ քաղաքացիություն չունեցող անձանց`

1) հանրային ծառայությունների համարանիշը կամ հանրային ծառայությունների համարանիշ չունենալու մասին տեղեկանքի համարը (առկայության դեպքում),

2) անունը, ազգանունը, հայրանունը (հանրային ծառայությունների համարանիշը կամ հանրային ծառայությունների համարանիշ չունենալու մասին տեղեկանքի համարը լրացված լինելու դեպքում դաշտերը լրացվում են ինքնաշխատ),

3) Արցախի Հանրապետության (Հայաստանի Հանրապետության) քաղաքացու անձնագրի (մինչև 16 տարեկանների դեպքում` ծննդյան վկայականի) կամ նույնականացման քարտի, օտարերկրյա քաղաքացու, քաղաքացիություն չունեցող անձի` Արցախի Հանրապետությունում (Հայաստանի Հանրապետությունում) բնակվելու իրավունքը հաստատող փաստաթղթի, փախստականի կարգավիճակ ունեցող անձի` կոնվենցիոն ճամփորդական փաստաթղթի, օտարերկրյա (այդ թվում՝ Ռուսաստանի Դաշնության) քաղաքացու՝ անձնագրի տեսակներից որևէ մեկը, անձը հաստատող փաստաթղթի սերիան և համարը,

4) անձը հաստատող փաստաթղթում գրանցված մշտական բնակության վայրի հասցեն (պարտադիր նշելով մշտական բնակության երկիրը),

5) Արցախի Հանրապետությունում (Հայաստանի Հանրապետությունում) ժամանակավոր բնակության վայրի հասցեն,

6) վճարված եկամտի տեսակը (կոդը) և եկամուտ ստացողի քաղաքացիության կոդը (Արցախի Հանրապետության (Հայաստանի Հանրապետության) քաղաքացի կամ օտարերկրացի` օտարերկրյա քաղաքացի, քաղաքացիություն չունեցող անձ),

7) կոդին համապատասխան վճարված եկամտի ընդհանուր գումարը:

ԲԱԺԻՆ 3. ԱՄՓՈՓ ՏՎՅԱԼՆԵՐ

19. 3-րդ բաժնում տրվում են հաշվետու ամսվա համար բոլոր (վարձու) աշխատողների եկամտային հարկի և սոցիալական վճարների հաշվարկի ամփոփ տվյալները:

20. [3.1] սյունակում ինքնաշխատ լրացվում է հաշվետու ամսում հաշվարկված եկամտային հարկի ընդհանուր գումարը ([3.1]=[1.13]+[2.5]), [3.2] սյունակում ինքնաշխատ լրացվում է հաշվետու ամսում Արցախի Հանրապետության պետական բյուջեի միջոցներով վճարված և եկամտային հարկից նվազեցվող ժամանակավոր անաշխատունակության և մայրության նպաստների ընդհանուր գումարը (եթե [3.1]>[1.11], ապա [3.2]=[1.11], հակառակ դեպքում [3.2]=[3.1]), [3.3] սյունակում ինքնաշխատ լրացվում է հաշվետու ամսում ավելի վճարված հղիության և ծննդաբերության արձակուրդն ընդհատվելու դեպքում վճարված նպաստների վերահաշվարկման արդյունքում ավելի վճարված նպաստների հետ պահվող ընդհանուր գումարը ([3.3]=[1.12]), [3.4] սյունակում ինքնաշխատ լրացվում է հաշվետու ամսվա համար վճարման ենթակա եկամտային հարկի ընդհանուր գումարը ([3.4]=[3.1]+[3.2]+[3.3]>=0), և [3.5] սյունակում ինքնաշխատ լրացվում է հաշվետու ամսվա համար վճարման ենթակա սոցիալական վճարների գումարը ([3.5]=[1.14]):

Ձև

1. «Փաստաթղթի մուտքագրման համար» մասում նշվում է հարկային մարմնում աշխատողի անձնական գործում տվյալ փաստաթղթի հերթական համարը, իսկ հետագա տողերում ինքնաշխատ լրացվում են ֆիզիկական անձի նույնականացման տվյալները. «Ազգանուն» և «Անուն» տողերում` աշխատողի ազգանունը և անունը, «Հարկ վճարողի հաշվառման համար (ՀՎՀՀ)» տողում` հարկ վճարողի հաշվառման համարը, «Հանրային ծառայությունների համարանիշ (ՀԾՀ)» տողում` աշխատողի հանրային ծառայությունների համարանիշը կամ հանրային ծառայությունների համարանիշ չունենալու մասին տեղեկանքի համարը (սոցիալական ապահովության քարտի համարը կամ սոցիալական ապահովության քարտ չունենալու մասին տեղեկանքի համարը), «Անձը հաստատող փաստաթղթի տեսակ» և «Սերիա և համար» տողերում` համապատասխանաբար ինքնաշխատ լրացվում են Արցախի Հանրապետությունում (Հայաստանի Հանրապետությունում) անձը հաստատող փաստաթղթի տեսակներից որևէ մեկը՝ Արցախի Հանրապետության (Հայաստանի Հանրապետության) քաղաքացիների համար Հայաստանի Հանրապետության անձնագիր, նույնականացման քարտ, մինչև 16 տարեկանների դեպքում` ծննդյան վկայական, օտարերկրյա քաղաքացու և քաղաքացիություն չունեցող անձի` Արցախի Հանրապետությունում (Հայաստանի Հանրապետությունում) բնակվելու իրավունքը հաստատող փաստաթուղթ (կացության քարտ, Ռուսաստանի Դաշնության քաղաքացու դեպքում` Ռուսաստանի Դաշնության քաղաքացու անձնագիր), փախստականի կարգավիճակ ունեցող անձի` կոնվենցիոն ճամփորդական փաստաթուղթ ու անձը հաստատող համապատասխան փաստաթղթի սերիան և համարը:

ԲԱԺԻՆ 1. ԱՇԽԱՏՈՂԻ (ԱՅԴ ԹՎՈՒՄ` ՎԱՐՁՈՒ ԱՇԽԱՏՈՂԻ) ԵԿԱՄՏԱՅԻՆ ՀԱՐԿԻ ԵՎ

ՍՈՑԻԱԼԱԿԱՆ ՎՃԱՐԻ ՀԱՇՎԱՐԿ` ԸՍՏ ԳՈՐԾԱՏՈՒՆԵՐԻ

2. 1-ին բաժնում տրվում է հաշվետու ամսվա համար (վարձու) աշխատողի եկամտային հարկի և սոցիալական վճարի հաշվարկը` ըստ բոլոր գործատուների (կազմակերպություն, անհատ ձեռնարկատեր). յուրաքանչյուր գործատուի համար լրացվում է մեկ տող:

3. [1.1] և [1.2] սյունակներում լրացվում են գործատուների նույնականացման տվյալները. [1.1] սյունակում լրացվում է կազմակերպության անվանումը և կազմակերպաիրավական ձևը (անհատ ձեռնարկատիրոջ անունը, ազգանունը), իսկ [1.2] տողում` հարկ վճարողի հաշվառման համարը:

4. [1.3] սյունակում ինքնաշխատ լրացվում է տվյալ գործատուի (վարձու) աշխատողի զբաղմունքի (պաշտոնի, մասնագիտության) կոդը, [1.4] սյունակում ինքնաշխատ լրացվում է կուտակային կենսաթոշակային համակարգում (վարձու) աշխատողի մասնակցության կոդը. 1` սոցիալական վճար կատարող չէ, 2՝ սոցիալական վճար կատարող է, 3՝ դիմումի հիման վրա սոցիալական վճար կատարող է:

5. [1.5] սյունակում նշվում են հաշվետու ամսվա համար տվյալ գործատուի վարձու աշխատողին հաշվեգրված աշխատավարձը և դրան հավասարեցված վճարումները, [1.6] սյունակում նշվում են հաշվետու ամսվա համար քաղաքացիաիրավական պայմանագրերով ծառայությունների մատուցման (աշխատանքների կատարման) դիմաց աշխատողին փաստացի վճարված եկամուտները (պայմանագրային եկամուտը), [1.7] սյունակում նշվում է վարձու աշխատողի ստացած ժամանակավոր անաշխատունակության նպաստների գումարները (որոնք վճարվում են գործատուի միջոցների հաշվին և բյուջեից փոխհատուցման ենթակա չեն):

6. [1.8] սյունակում նշվում են (վարձու) աշխատողին վճարված` [1.5], [1.6] և [1.7] սյունակներում չընդգրկված և «Եկամտային հարկի մասին» օրենքի 11-րդ հոդվածի 1-ին մասով սահմանված դրույքաչափով հարկվող այլ եկամուտները (այդ թվում՝ աշխատողին Արցախի Հանրապետության օրենսդրությամբ սահմանված չափը գերազանցող առողջության ապահովագրության համար կատարված ապահովագրավճարները, Արցախի Հանրապետության օրենսդրությամբ սահմանված չափերից ավելի վճարված փոխհատուցման վճարները, աշխատողին վճարված օգնության գումարները), [1.9] սյունակում նշվում են հարկվող եկամտի Արցախի Հանրապետության օրենսդրությամբ սահմանված չափերը չգերազանցող կուտակային վճարների գումարները՝ ոչ ավելի, քան ([1.5]+[1.6]+[1.7]+[1.8]) - ([1.5]+[1.6]+[1.7]+[1.8]):1,05:

7. [1.10] սյունակում լրացվում է հաշվետու ամսում տվյալ գործատուի (վարձու) աշխատողի [1.5], [1.6], [1.7], [1.8] և [1.9] սյունակներում նշված եկամուտներից Արցախի Հանրապետության օրենսդրությամբ սահմանված կարգով և դրույքաչափերով հաշվարկված եկամտային հարկի գումարը:

8. [1.11] սյունակում ինքնաշխատ լրացվում է հաշվետու ամսում (վարձու) աշխատողի [1.5] և [1.6] սյունակներում նշված եկամուտների հանրագումարից Արցախի Հանրապետության օրենսդրությամբ սահմանված չափերով հաշվարկված սոցիալական վճարի գումարը:

9. «Ընդամենը» տողում ինքնաշխատ լրացվում են [1.5]-ից մինչև [1.11] սյունակների հանրագումարները:

ԲԱԺԻՆ 2. ՀԱՐԿՎՈՂ ԱՅԼ ԵԿԱՄՈՒՏՆԵՐԻՑ ԵԿԱՄՏԱՅԻՆ ՀԱՐԿԻ ՀԱՇՎԱՐԿ

10. 2-րդ բաժնում տրվում է հաշվետու ամսում բոլոր տնտեսավարող սուբյեկտներից տվյալ ֆիզիկական անձի ստացած հարկվող այլ եկամուտներից եկամտային հարկի հաշվարկը. յուրաքանչյուր եկամտի տեսակի և քաղաքացիության համար լրացվում է մեկ տող:

11. [2.1] սյունակում նշվում է հաշվետու ամսվա համար [2.2] սյունակում նշված եկամտի և եկամուտը ստացողի քաղաքացիության կոդը (Արցախի Հանրապետության (Հայաստանի Հանրապետության) քաղաքացի կամ օտարերկրացի` օտարերկրյա քաղաքացի, քաղաքացիություն չունեցող անձ), [2.2] սյունակում լրացվում են հաշվետու ամսվա համար հաշվեգրված այլ եկամտատեսակների գումարները (որոնք հարկվում են առանձին դրույքաչափերով), [2.3] սյունակում նշվում է ընտրված եկամտին և քաղաքացիության կոդին համապատասխանող եկամտային հարկի դրույքաչափը, [2.4] սյունակում լրացվում է [2.2] սյունակում նշված եկամուտներ վճարողների թվաքանակը (հաշվարկում չի մասնակցում), [2.5] սյունակում լրացվում է եկամտային հարկի գումարը ([2.5]=[2.2]x[2.3]):

12. 3-րդ բաժնում տրվում են հաշվետու ամսում բոլոր գործատուներից տվյալ ֆիզիկական անձի ստացած (ստացման ենթակա) հարկվող եկամուտներից եկամտային հարկի և սոցիալական վճարների հաշվարկի ամփոփ տվյալները:

13. [3.1] սյունակում ինքնաշխատ լրացվում է հաշվետու ամսվա համար հաշվարկված եկամտային հարկի ընդհանուր գումարը ([3.1]=[1.10]+[2.5]), [3.2] սյունակում լրացվում է հետ պահված նպաստներից վճարված եկամտային հարկի վերականգնման գումարը, [3.3] սյունակում ինքնաշխատ լրացվում է հաշվետու ամսվա համար վճարման ենթակա եկամտային հարկի ընդհանուր գումարը ([3.3]=[3.1]+[3.2]), և [3.4] սյունակում ինքնաշխատ լրացվում է հաշվետու ամսվա համար վճարման ենթակա սոցիալական վճարների գումարը ([3.4]=[1.11]):