ք.Ստեփանակերտ

«Նորմատիվ իրավական ակտերի մասին» օրենքի 37-րդ հոդվածին համապատասխան՝ Արցախի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2007 թվականի հոկտեմբերի 30-ի «Բարեգործական ծրագրերի մասին» N 467 որոշման մեջ կատարել հետևյալ փոփոխությունները.

1) որոշման 4-րդ կետից առաջ «3.1.» կետը համարել «3.2.» կետ և շարադրել հետևյալ խմբագրությամբ.

«3.2. Առաջարկել բարեգործական ծրագրեր իրականացնողներին՝ մինչև յուրաքանչյուր տարվա հունվարի 31-ն Արցախի Հանրապետության կառավարության բարեգործական ծրագրերի համակարգման հանձնաժողով ներկայացնել տեղեկություններ նախորդ տարում բարեգործական ծրագրի շրջանակներում կատարված աշխատանքների մասին, իսկ ծրագրի ավարտից հետո մեկամսյա ժամկետում՝ ամփոփ տեղեկություն ծրագրի արդյունքների մասին:».

2) որոշմամբ հաստատված թիվ 1 հավելվածի՝

ա. 13-րդ կետի 2-րդ պարբերությունից հանել «և աշխատանքների կատարման ժամանակացույցին» բառերը,

բ. 18-րդ կետի «ժ» ենթակետում «ՀՀ կառավարության բարեգործական ծրագրերի համակարգման հանձնաժողովին՝ ՀՀ» բառերը փոխարինել «բարեգործության ոլորտը համակարգող Հայաստանի Հանրապետության փոխվարչապետին՝ Հայաստանի Հանրապետության» բառերով.

3) որոշմամբ հաստատված թիվ 2 հավելվածի 6-րդ կետում «Հայաստանի Հանրապետության կառավարության բարեգործական ծրագրերի համակարգման հանձնաժողովի կողմից ընդունված» բառերը փոխարինել «բարեգործության ոլորտը համակարգող Հայաստանի Հանրապետության փոխվարչապետի» բառերով.

4) որոշմամբ հաստատված թիվ 3 հավելվածում «ֆինանսների նախարարի առաջին» բառերը փոխարինել «ֆինանսների նախարարի» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: