ք. Ստեփանակերտ

Հիմք ընդունելով «Պետական ոչ առևտրային կազմակերպությունների մասին» օրենքի 9-րդ հոդվածը, «Նախադպրոցական կրթության մասին» օրենքի 13-րդ հոդվածը և «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը ո ր ո շ ու մ  է.

1. Հաստատել Արցախի Հանրապետության 2019-2020 ուսումնական տարվա պետական հանրակրթական, մանկապատանեկան, արտադպրոցական և նախադպրոցական, բարձրագույն, միջին մասնագիտական և արհեստագործական ուսումնական հաստատությունների ցանցը` համաձայն հավելվածի:

2. Դադարեցնել «Նոր Մարաղայի Վ. Համբարձումյանի անվան միջնակարգ դպրոց» պետական ոչ առևտրային կազմակերպության Ջրաբերդի մասնաճյուղի գործունեությունը:

3. «Ստեփանակերտի մանկապատանեկան ստեղծագործական կենտրոն», «Հադրութի մանկապատանեկան ստեղծագործական կենտրոն» պետական ոչ առևտրային կազմակերպություններում 2020 թվականի հունվարի 1-ից բացել համապատասխանաբար մեկական խումբ:

4. «Կամավոր ֆիզկուլտուրայի մարզական կենտրոն» հասարակական կազմակերպությունում, «Հանրապետական մանկապատանեկան մարզադպրոց», «Հադրութի մանկապատանեկան մարզադպրոց», «Ասկերանի մանկապատանեկան մարզադպրոց» պետական ոչ առևտրային կազմակերպություններում 2020 թվականի հունվարի 1-ից բացել համապատասխանաբար մեկ, երկու, երկու և չորս խմբեր:

5. «Բերդաշենի պետական մանկապարտեզ» պետական ոչ առևտրային կազմակերպությունում 2020 թվականի հունվարի 1-ից բացել մեկ նախադպրոցական խումբ:

6. «Սոնասարի Ս. Կյուրեղյանի անվան միջնակարգ դպրոց» պետական ոչ առևտրային կազմակերպությունում բացել մեկ նախադպրոցական խումբ՝ շաբաթական հնգօրյա և օրական ութժամյա տևողությամբ:

7. Արցախի Հանրապետության Քաշաթաղի շրջանի վարչակազմի ղեկավարին՝ սույն որոշումն ուժի մեջ մտնելուց հետո տասնօրյա ժամկետում՝

1) հաստատել «Սոնասարի Ս. Կյուրեղյանի անվան միջնակարգ դպրոց» պետական ոչ առևտրային կազմակերպությանը սեփականության և անհատույց օգտագործման իրավունքով հանձնվող գույքի կազմը.

2) «Սոնասարի Ս. Կյուրեղյանի անվան միջնակարգ դպրոց» պետական ոչ առևտրային կազմակերպությանը կից նախադպրոցական խմբի գործունեությունն ապահովել Լեռնային Ղարաբաղի Հանրապետության կրթության և գիտության նախարարի 2013 թվականի օգոստոսի 27-ի «Լեռնային Ղարաբաղի Հանրապետության ուսումնական հաստատությունների նախապատրաստական խմբերի օրինակելի հաստիքացուցակը հաստատելու մասին» N 188/Մ հրամանին համապատասխան և այդ խմբում ընդգրկել կրտսեր, միջին և ավագ տարիքային խմբերի երեխաներին:

8. Հիմնադրման միջոցով ստեղծել «Շոշի պետական մանկապարտեզ» պետական ոչ առևտրային կազմակերպություն:

9. Սահմանել, որ «Շոշի պետական մանկապարտեզ» պետական ոչ առևտրային կազմակերպության գործունեության առարկան և նպատակը նախադպրոցական կրթական բնույթի գործառույթների իրականացումն է:

10. «Շոշի պետական մանկապարտեզ» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» օրենքի 13-րդ հոդվածի 2-րդ մասի «գ», «դ»., «ե», «է» կետերով և 14-րդ հոդվածով նախատեսված լիազորությունները վերապահել Արցախի Հանրապետության Ասկերանի շրջանի վարչակազմին:

11. Արցախի Հանրապետության Ասկերանի շրջանի վարչակազմի ղեկավարին` սույն որոշումն ուժի մեջ մտնելուց հետո տասնօրյա ժամկետում`

1) հաստատել`

ա. «Շոշի պետական մանկապարտեզ» պետական ոչ առևտրային կազմակերպության սեփականության իրավունքով հանձնվող և անհատույց օգտագործման իրավունքով ամրացվող գույքի կազմը,

բ. «Շոշի պետական մանկապարտեզ» պետական ոչ առևտրային կազմակերպության կանոնադրությունը` հիմք ընդունելով Լեռնային Ղարաբաղի Հանրապետության կառավարության 2007 թվականի մարտի 27-ի N 131 որոշմամբ հաստատված «Լեռնային Ղարաբաղի Հանրապետության պետական նախադպրոցական ուսումնական հաստատություն» պետական ոչ առևտրային կազմակերպության օրինակելի կանոնադրությունը, և այն Արցախի Հանրապետության օրենսդրությամբ սահմանված կարգով ներկայացնել պետական գրանցման.

2) ձևավորել «Շոշի պետական մանկապարտեզ» պետական ոչ առևտրային կազմակերպության կառավարման մարմինը և ապահովել նրա գործունեությունը:

12. Արցախի Հանրապետության ֆինանսների նախարարությանը`

«Արցախի Հանրապետության 2019 թվականի պետական բյուջեի մասին» օրենքի N 1 հավելվածի 09 բաժնի 1 խմբի 1 դասի «03 Նախադպրոցական հիմնարկներ» ծրագրով նախատեսված գումարից Արցախի Հանրապետության՝ Ասկերանի շրջանի և Քաշաթաղի շրջանի վարչակազմերին 2019 թվականին հատկացնել համապատասխանաբար 3379000 (երեք միլիոն երեք հարյուր յոթանասունինը հազար) ՀՀ դրամ և 1 088 400 (մեկ միլիոն ութսունութ հազար չորս հարյուր) ՀՀ դրամ (բյուջետային ծախսերի տնտեսագիտական դասակարգման 451100 «Սուբսիդիաներ ոչ ֆինանսական պետական կազմակերպություններին» հոդվածով)՝ «Շոշի պետական մանկապարտեզ» և «Սոնասարի Ս. Կյուրեղյանի անվան միջնակարգ դպրոց» պետական ոչ առևտրային կազմակերպությունների նոյեմբեր-դեկտեմբեր ամիսների պահպանման ծախսերն իրականացնելու համար:

13. Լեռնային Ղարաբաղի Հանրապետության կառավարության 2006 թվականի նոյեմբերի 28-ի «Լեռնային Ղարաբաղի Հանրապետության պետական հանրակրթական ուսումնական հաստատություններ» պետական հիմնարկները վերակազմակերպելու, «Լեռնային Ղարաբաղի Հանրապետության պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրությունը հաստատելու մասին» N 575 որոշմամբ հաստատված N 1 հավելվածի 71-րդ տողի` «Նոր Մարաղայի Վ. Համբարձումյանի անվան միջնակարգ դպրոցի Նոր Ջրաբերդի մասնաճյուղ» բառերը հանել:

14. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, իսկ դրա գործողությունը տարածվում է 2019 թվականի սեպտեմբերի 1-ից հետո ծագած հարաբերությունների վրա:

2. ՀԱՆՐԱԿՐԹԱԿԱՆ ԴՊՐՈՑՆԵՐԻ ԴԱՍԱՐԱՆ-ԼՐԱԿԱԶՄԵՐԻ ՔԱՆԱԿԸ

3. ՀԱՆՐԱԿՐԹԱԿԱՆ ԴՊՐՈՑՆԵՐԻ ՍՈՎՈՐՈՂՆԵՐԻ ԹԻՎԸ

4. ԱՐՏԱԴՊՐՈՑԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ

5. ԵՐԱԺՇՏԱԿԱՆ ԵՎ ԱՐՎԵՍՏԻ ԴՊՐՈՑՆԵՐ

6. ՆԱԽԱԴՊՐՈՑԱԿԱՆ ՀԻՄՆԱՐԿՆԵՐ

   *Թալիշի մանկապարտեզը գործելու է 2020 թվականի հունվարի 1-ից

7. ԴՊՐՈՑԻՆ ԿԻՑ ՆԱԽԱԴՊՐՈՑԱԿԱՆ ԽՄԲԵՐ

8. ԱՐՑԱԽԻ ՊԵՏԱԿԱՆ ՀԱՄԱԼՍԱՐԱՆ

9. ՇՈՒՇԻԻ ՏԵԽՆՈԼՈԳԻԱԿԱՆ ՀԱՄԱԼՍԱՐԱՆ

11. ԱՐՀԵՍՏԱԳՈՐԾԱԿԱՆ ՈՒՍՈՒՄՆԱՐԱՆՆԵՐ

Ծանոթություն`

ա) Ստեփանակերտ քաղաքում գործում է Երևանի պետական համալսարանին առընթեր Ա. Շահինյանի անվան ֆիզմաթ դպրոցի Ստեփանակերտի մասնաճյուղը` 12 դասարանով, 301 սովորողների ընդգրկմամբ և Արցախի Հանրապետության պաշտպանության նախարարության ռազմամարզական վարժարանը` 9 դասարանով, 102 սովորողների ընդգրկմամբ:

բ) Շուշի քաղաքում գործում է Դանիել Ղազարյանի անվան հանրակրթական երաժշտական մասնագիտացված ոչ պետական դպրոցը` 12 դասարանով, 192 սովորողների և դպրոցին կից նախադպրոցական 1 խմբի` 16 երեխայի ընդգրկմամբ: