ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2017 ԹՎԱԿԱՆԻ ՆՈՅԵՄԲԵՐԻ 17-Ի N 168-Ն

ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը ո ր ո շ ու մ է.

1. Արցախի Հանրապետության կառավարության 2017 թվականի նոյեմբերի 17-ի «Արցախի Հանրապետության բնապահպանության և բնական ռեսուրսների նախարարության աշխատակազմի բնական ռեսուրսների, թափոնների և մթնոլորտ արտանետումների կառավարման գործակալության կանոնադրությունը և կառուցվածքը հաստատելու և Լեռնային Ղարաբաղի Հանրապետության կառավարության 2007 թվականի դեկտեմբերի 25-ի N 733 որոշումն ուժը կորցրած ճանաչելու մասին» N 168-Ն որոշմամբ հաստատված N 1 հավելվածում կատարել հետևյալ փոփոխությունները.

1) 8-րդ կետի 6-րդ ենթակետի «ա» պարբերությունն ուժը կորցրած ճանաչել.

2) 9-րդ կետի 6-րդ ենթակետի՝

ա. «ա» պարբերության «իրականացում կամ» և «փորձաքննության իրականացում, փորձաքննական եզրակացության կազմում ու տրամադրում,» բառերը հանել,

բ. «բ» պարբերությունն ուժը կորցրած ճանաչել,

գ. «գ» պարբերությունը շարադրել հետևյալ խմբագրությամբ.

«գ. գործունեության իրականացման նախաձեռնության մասին ազդակիր համայնքի ղեկավարներին և հասարակայնությանն իրազեկման ապահովում.»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: