Հիմք ընդունելով «Նորմատիվ իրավական ակտերի մասին» օրենքի 38-րդ հոդվածը` ո ր ո շ ու մ  եմ.

1. Արցախի Հանրապետության պարետ նշանակել Արցախի Հանրապետության տարածքային կառավարման և զարգացման նախարար Ժիրայր Միրզոյանին՝ դադարեցնելով Գրիգորի Մարտիրոսյանի՝ որպես Արցախի Հանրապետության պարետի, լիազորությունները:

2. Արցախի Հանրապետության Նախագահի 2020 թվականի ապրիլի 12-ի «Արցախի Հանրապետությունում արտակարգ իրավիճակ հայտարարելու մասին» ՆՀ-32-Ն հրամանագրում կատարել հետևյալ փոփոխությունները.

1) հրամանագրի 2-րդ կետի «Արցախի Հանրապետության պետական նախարար Գրիգորի Մարտիրոսյանին» բառերը փոխարինել «Արցախի Հանրապետության տարածքային կառավարման և զարգացման նախարար Ժիրայր Միրզոյանին» բառերով.

2) հրամանագրի 3-րդ կետից հանել «, տարածքային կառավարման և զարգացման» բառերը.

3) հրամանագրի 4-րդ կետի «Արցախի Հանրապետության պետական նախարարի աշխատակազմը» բառերը փոխարինել «Արցախի Հանրապետության տարածքային կառավարման և զարգացման նախարարության աշխատակազմը» բառերով:

3. Սույն հրամանագիրն ուժի մեջ է մտնում հրապարակման պահից: