ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2005 ԹՎԱԿԱՆԻ ՀՈԿՏԵՄԲԵՐԻ 11-Ի N 400 ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2005 թվականի հոկտեմբերի 11-ի «Անվան փոխման կարգն ու պայմանները հաստատելու մասին» N 400 որոշման (այսուհետ նաև՝ որոշում) մեջ և հավելվածում կատարել հետևյալ փոփոխությունները.

1) որոշման վերնագրում, տեքստում «հաստատել» բառը և դրա հոլովաձևերը փոխարինել «սահմանել» բառով և դրա հոլովաձևերով.

2) որոշման տեքստից և հավելվածից «օրենքի» բառից առաջ «Լեռնային Ղարաբաղի Հանրապետության» բառերը հանել.

3) որոշման հավելվածի՝

ա. 2-րդ կետը շարադրել հետևյալ բովանդակությամբ.

«2. Անվան փոխման համար անունը փոխել ցանկացող չափահաս անձն անձամբ դիմում է քաղաքացիական կացության գրանցման (այսուհետ՝ ՔԿԱԳ) մարմին:»,

բ. 5-րդ կետն ուժը կորցրած ճանաչել,

գ. ամբողջ տեքստում «ՔԿԱԳ-ի տարածքային մարմին» բառերը և դրանց հոլովաձևերը փոխարինել «ՔԿԱԳ մարմին» բառերով և դրանց համապատասխան հոլովաձևերով,

դ. 7-րդ, 12-րդ, 15-18-րդ և 22-րդ կետերի «Լեռնային Ղարաբաղի» բառերը փոխարինել «Արցախի» բառով, իսկ 25-րդ կետի «Լեռնային Ղարաբաղի» բառերը՝ «Արցախի Հանրապետության» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: