ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
|
4 օգոստոսի 2020թ. |
N 305-Ն |
ք. Ստեփանակերտ
ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ
2020 ԹՎԱԿԱՆԻ ՓԵՏՐՎԱՐԻ 7-Ի N 39-Ն ՈՐՈՇՄԱՆ
ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.
1. Արցախի Հանրապետության կառավարության 2020 թվականի փետրվարի 7-ի «Արցախի Հանրապետության քննչական կոմիտեի ծառայողների համազգեստի, տարբերանշանների նկարագիրը և դրանք կրելու կարգը սահմանելու մասին» N 39-Ն որոշմամբ սահմանված հավելվածը լրացնել 7-րդ և 8-րդ բաժիններով՝ համաձայն հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
«Հաստատում եմ» |
|
| |
|
|
ԱՐՑԱԽԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ |
Ա. ՀԱՐՈՒԹՅՈՒՆՅԱՆ |
| |
Հավելված
Արցախի Հանրապետության կառավարության
2020 թվականի օգոստոսի 4-ի N 305-Ն որոշման |
«7. ԱՐՑԱԽԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ
ԱՐԱԿԱՆ ՍԵՌԻ ԵՎ ԿԻՆ ԾԱՌԱՅՈՂՆԵՐԻ ԴԱՇՏԱՅԻՆ
ՀԱՄԱԶԳԵՍՏԻ ՆԿԱՐԱԳԻՐԸ
28. Արցախի Հանրապետության քննչական կոմիտեի արական սեռի և կին ծառայողների դաշտային համազգեստը կազմված է`
1) գլխարկ` հովարով մուգ կապույտ լավսանի կտորից: Առջևի կենտրոնական մասում տեղադրված է քննչական կոմիտեի 5սմ տրամագծով տարբերանշան` կարմիր եզրաշերտով (Ձև N 13, նկար 1).
2) տաբատ` մուգ կապույտ գույնի լավսանի կտորից, գոտին գոտեմակողերով, կոճկվում է երկու կոճակով և շղթայով: Արտաքին գրպանները թեք են, հետևամասի երկու կողմերում գրպաններ (Ձև N 13, նկար 2).
3) սվիտեր` մուգ կապույտ բրդյա կտորից: Թևքերը երկարաթև՝ մանժետներով, ներքևի մասը նույնպես մանժետով: Առջևի և հետևի հատվածներում 0,5սմ լայնությամբ կարմիր եզրակար: Առջևի եզրակարից 4սմ վերև՝ աջ կողմում ասեղնագործված է «Արցախի Հանրապետության քննչական կոմիտե» գրառումը, իսկ ձախ կողմում եզրակարից ներքև՝ կապույտ տարբերվող կտորից կոճկվող կափույրով գրպան: Ձախ թևքին՝ ուսից 5սմ ներքև կարված է Արցախի Հանրապետության քննչական կոմիտեի խորհրդանիշը: Ուսադիրները կարված են կապույտ տարբերվող կտորից (Ձև N 13, նկար 3, 4).
4) շապիկ կարճաթև` մուգ կապույտ բամբակյա կտորից, ծալովի օձիքով, կրծքամասում` կոճկվող երեք կոճակով: Առջևի հատվածում 0,5սմ լայնությամբ կարմիր եզրակար, իսկ եզրակարից 4սմ վերև՝ աջ կողմում ասեղնագործված է «Արցախի Հանրապետության քննչական կոմիտե» գրառումը: Ձախ թևքին՝ ուսից 5սմ ներքև որպես թևքանշան կարված է Արցախի Հանրապետության քննչական կոմիտեի խորհրդանիշը: Թևքերը` կարճ, մանժետներով, ներքևի մասը նույնպես մանժետով: Ուսադիրները կարված են կապույտ կտորից (Ձև N 14, նկար 1, 2).
5) շապիկ երկարաթև` մուգ կապույտ բամբակյա կտորից, ծալովի օձիքով, կրծքամասում` երեք կոճակով կոճկվող: Առջևի հատվածում 0,5սմ լայնությամբ կարմիր եզրակար, իսկ եզրակարից 4սմ վերև` աջ կողմում ասեղնագործված է «Արցախի Հանրապետության քննչական կոմիտե» գրառումը: Ձախ թևքին՝ ուսից 5սմ ներքև կարված է Արցախի Հանրապետության քննչական կոմիտեի խորհրդանիշը: Թևքերը երկար՝ մանժետներով, ներքևի մասը նույնպես մանժետով: Ուսադիրները կարված են կապույտ կտորից (Ձև N 14, նկար 3, 4):
8. ԱՐՑԱԽԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ
ԾԱՌԱՅՈՂՆԵՐԻ ԴԱՇՏԱՅԻՆ ՀԱՄԱԶԳԵՍՏԸ ԿՐԵԼՈՒ ԿԱՐԳԸ
29. Արցախի Հանրապետության քննչական կոմիտեի ծառայողը դաշտային համազգեստը կրում է սույն կարգով սահմանված կանոններին համապատասխան:
30. Արցախի Հանրապետության քննչական կոմիտեի ծառայողի համազգեստը պետք է համապատասխանի սույն կարգով սահմանված ձևերին ու նկարագրությանը և պահվի անթերի վիճակում:
31. Արցախի Հանրապետության քննչական կոմիտեի ծառայողները դաշտային համազգեստը կրում են Արցախի Հանրապետության քննչական կոմիտեի նախագահի համապատասխան հրամանի դեպքում:
32. Արցախի Հանրապետության քննչական կոմիտեի ծառայողին արգելվում է`
1) դաշտային համազգեստը կրել սահմանված ձևերին չհամապատասխանող տեսքով.
2) համազգեստի վրա կրել Արցախի Հանրապետության օրենսդրությամբ չնախատեսված կրծքանշաններ, քաղաքացիական հագուստի այլ պարագաներ կամ այն կրել քաղաքացիական հագուստի հետ մեկտեղ:
33. Արցախի Հանրապետության քննչական կոմիտեի ծառայողների դաշտային համազգեստը կրելու ժամկետները սահմանվում են համաձայն N 3 աղյուսակի:
|
NN |
Անվանումը |
Քանակը |
Կրելու ժամկետը
(տարի) |
|
1. |
Գլխարկ՝ հովարով |
1 հատ |
2 |
|
2. |
Տաբատ |
2 հատ |
1 |
|
3. |
Շապիկ` երկարաթև |
2 հատ |
1 |
|
4. |
Շապիկ` կարճաթև |
2 հատ |
1 |
|
5. |
Սվիտեր |
2 հատ |
2 |
|
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ |
|
|
ԱՇԽԱՏԱԿԱԶՄԻ ԿԱՌԱՎԱՐՈՒԹՅԱՆ |
|
|
ԳՈՐԾԵՐԻ ԿԱՌԱՎԱՐՉՈՒԹՅԱՆ ՊԵՏ |
Ա. ԼԱԶԱՐՅԱՆ |