Հիմք ընդունելով «Նորմատիվ իրավական ակտերի մասին» օրենքի 38-րդ հոդվածը` ո ր ո շ ու մ եմ.

1. Արցախի Հանրապետության Նախագահի 2020 թվականի ապրիլի 12-ի «Արցախի Հանրապետությունում արտակարգ իրավիճակ հայտարարելու մասին» ՆՀ-32-Ն հրամանագրի՝

1) 3-րդ կետը շարադրել հետևյալ խմգագրությամբ.

«3. Պարետատան կազմում ի պաշտոնե ընդգրկվում են Արցախի Հանրապետության առողջապահության, գյուղատնտեսության, էկոնոմիկայի և արտադրական ենթակառուցվածքների, պաշտպանության, տարածքային կառավարման և զարգացման նախարարները, Արցախի Հանրապետության ազգային անվտանգության ծառայության տնօրենը, արտակարգ իրավիճակների պետական ծառայության տնօրենը, ոստիկանության պետը, պետական եկամուտների կոմիտեի նախագահը, Արցախի Հանրապետության Նախագահի աշխատակազմի կառավարության գործերի կառավարչության պետը և Արցախի Հանրապետության առողջապահության նախարարության պետական հիգիենիկ և հակահամաճարակային տեսչության պետը:».

2) հրամանագրի հավելվածի 25-րդ կետում «Ֆինանսների նախարարության կողմից» բառերը փոխարինել «Պետական եկամուտների կոմիտեի կողմից» բառերով։

2. Սույն հրամանագիրն ուժի մեջ է մտնում հրապարակման պահից:

Ա. ՀԱՐՈՒԹՅՈՒՆՅԱՆ

2020թ. հունիսի 1

Ստեփանակերտ

ՆՀ-32-Ն