ք. Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան`

Լեռնային Ղարաբաղի Հանրապետության կառավարությանն առընթեր հարկային պետական ծառայության 2011 թվականի ապրիլի 4-ի «Հաստատագրված վճարների հաշվարկման ելակետային տվյալների և ուղղիչ գործակիցների, սահմանային չափի ցուցանիշների մասին հայտարարության, համամասնությունների մասին տեղեկանքի ձևերը և դրանց լրացման կարգերը հաստատելու, հարկային մարմնի մի շարք հրամաններ ուժը կորցրած ճանաչելու մասին» N 3-Ն հրամանով հաստատված`

1) N 6 հավելվածի`

ա. աղյուսակը` 7.7-րդ կետից հետո լրացնել հետևյալ բովանդակությամբ 7.8-րդ կետով.

բ. լրացման կարգի 7.6-րդ կետի բացատրությունից հետո լրացնել հետևյալ բովանդակությամբ նոր պարբերություն.

«7.8-րդ կետում լրացվում է Ասկերանի, Հադրութի, Մարտակերտի և Մարտունու շրջաններում հանդիսությունների, արարողությունների կամ համանման այլ միջոցառումների կազմակերպման համար նախատեսված` 80 քառակուսի մետր և ավելի մակերես ունեցող սրահի միջոցով հանրային սննդի ոլորտում իրականացվող գործունեության համար «Հաստատագրված վճարների մասին» Լեռնային Ղարաբաղի Հանրապետության օրենքի 36-րդ հոդվածով սահմանված լրացուցիչ ուղղիչ գործակիցը (0.5),».

2) N 23 հավելվածի`

ա. 7-րդ կետից հետո լրացնել հետևյալ բովանդակությամբ 7.1-ին կետ.

«7.1. Ատամնաբուժական պոլիկլինիկաների, կենտրոնների կամ կաբինետների կազմում գործող ատամնատեխնիկական յուրաքանչյուր աշխատատեղի համար լրացուցիչ ուղղիչ գործակիցը` ____»,

բ. լրացման կարգի 7-րդ կետի բացատրությունից հետո լրացնել հետևյալ բովանդակությամբ նոր պարբերություն.

«7.1-ին կետում լրացվում է ատամնաբուժական պոլիկլինիկաների, կենտրոնների կամ կաբինետների կազմում գործող ատամնատեխնիկական յուրաքանչյուր աշխատատեղի համար «Հաստատագրված վճարների մասին» Լեռնային Ղարաբաղի Հանրապետության օրենքի 93¹⁰-րդ հոդվածով սահմանված լրացուցիչ ուղղիչ գործակիցը (0.8),»,

գ. լրացման կարգի 8-րդ կետի բացատրությունում «(40000 x ելակետային տվյալ x ուղղիչ գործակից)» բառերը փոխարինել «(40000 x ելակետային տվյալ x ուղղիչ գործակից x լրացուցիչ ուղղիչ գործակից)» բառերով: