ք. Ստեփանակերտ

Հիմք ընդունելով «Գնումների մասին» Լեռնային Ղարաբաղի Հանրապետության օրենքի 4-րդ հոդվածի 3-րդ և 5-րդ մասերը և 16-րդ հոդվածի 1-ին մասի 5-րդ և 6-րդ կետերը, հրամայում եմ`

1.Հաստատել`

1) «Պատվիրատուների հաստատած գնման առարկաների բնութագրերի և մասնակիցներին ներկայացվող որակավորման պահանջների ընտրանքային գնահատման կարգը»` համաձայն հավելված 1-ի։

2) «Գնումների վերաբերյալ տվյալների վերլուծության և էլեկտրոնային տեղեկատուի վարման կարգը»` համաձայն հավելված 2-ի:

2. Սույն հրամանն ուժի մեջ է մտնում պաշտոնական հրապարակմանը հաջորդող տասներորդ օրը:

Կ Ա Ր Գ

1. Պատվիրատուների հաստատած գնման առարկաների բնութագրերը և մասնակիցներին ներկայացվող որակավորման պահանջները ընտրանքային կարգով գնահատում է «Գնումների աջակցման կենտրոն» պետական ոչ առևտրային կազմակերպությունը (այսուհետ` Կենտրոն):

2. Կենտրոնը գնահատում է պատվիրատուների կողմից հաստատված և գնումների պաշտոնական տեղեկագրում հրապարակված հրավերներում և նախաորակավորման ընթացակարգի հայտարարություններում պատվիրատուների հաստատած գնման առարկաների բնութագրերը և մասնակիցներին ներկայացվող որակավորման պահանջները, հիմք ընդունելով հետևյալ սկզբունքները.

1) գնահատման ենթակա են պատվիրատուների կազմակերպած գնման ընթացակարգերը՝ ըստ գնման յուրաքանչյուր ընթացակարգի, բացառությամբ առանց գնումների հայտարարությունը նախապես հրապարակելու բանակցային ընթացակարգերի, ներառելով ապրանքների ձեռքբերումը, աշխատանքների կատարումը և ծառայությունների մատուցումը,

2) գնահատման ենթակա պատվիրատուների և գնման ընթացակարգի ընտրությունը կատարվում է սույն կարգով սահմանված ընտրանքային կարգով,

3) պատվիրատուների հաստատած գնման առարկաների բնութագրերը և մասնակիցներին ներկայացվող որակավորման պահանջները գնահատվում են մրցակցության ապահովման և խտրականության բացառման պահանջների պահպանման տեսանկյունից, բացառությամբ հատուկ մասնագիտական գիտելիքներ պահանջող հարցերի:

3. Կենտրոնը պատվիրատուների հաստատած գնման առարկաների բնութագրերը և մասնակիցներին ներկայացվող որակավորման պահանջների գնահատումն իրականացնում է հաշվի առնելով, որ.

1) գնահատվում է պատվիրատուների կողմից հայտարարված բաց ընթացակարգերը` դրանք գնումների էլեկտրոնային տեղեկատույում հրապարակվելու օրվան հաջորդող օրվանից հաշված հինգ աշխատանքային օրվա ընթացքում,

2) գնահատվում է յուրաքանչյուր 5-րդ շրջանակային համաձայնագրերով գնումներ կատարելու ընթացակարգերը` դրանք մասնակիցներին ուղարկվելու օրվան հաջորդող աշխատանքային օրվա ընթացքում,

3) գնահատվում է պատվիրատուների կողմից հայտարարված յուրաքանչյուր պարզեցված և նախաորակավորման ընթացակարգերը` դրանք գնումների էլեկտրոնային տեղեկատույում հրապարակվելու օրվան հաջորդող օրվանից հաշված երկու աշխատանքային օրվա ընթացքում:

4. Սույն կարգի 3-րդ կետով նախատեսված գնահատման արդյունքները` գնումների մասին Լեռնային Ղարաբաղի Հանրապետության օրենսդրությամբ սահմանված պահանջների խախտման առկայության դեպքում ներկայացվում են պատվիրատուներին, իսկ Լեռնային Ղարաբաղի Հանրապետության ֆինանսների և էկոնոմիկայի նախարարություն ներկայացվում են ամսական կտրվածքով՝ ամփոփ տեսքով: Գնահատման տարեկան արդյունքները Լեռնային Ղարաբաղի Հանրապետության ֆինանսների և էկոնոմիկայի նախարարությունը ներկայացնում է Լեռնային Ղարաբաղի Հանրապետության կառավարության քննարկմանը:

Կ Ա Ր Գ

1. «Գնումների մասին» Լեռնային Ղարաբաղի Հանրապետության օրենքի 16-րդ հոդվածի 1-ին մասի 5-րդ կետի պահանջների կատարումն ապահովելու նպատակով «Գնումների աջակցման կենտրոն» պետական ոչ առևտրային կազմակերպությունը (այսուհետ` Կենտրոն) վերլուծում է գնումների վերաբերյալ տվյալները և ներկայացնում է եզրակացություններ:

2. Յուրաքանչյուր տարվան հաջորդող հունվար ամսվա ընթացքում գնումների համակարգողները գնումների վերաբերյալ տարեկան հաշվետվությունը սույն կարգի հավելված 2.1-ով հաստատված ձևով` էլեկտրոնային եղանակով (excel ծրագրով) ուղարկում են Լեռնային Ղարաբաղի Հանրապետության ֆինանսների և էկոնոմիկայի նախարարություն հետևյալ կերպ.

1) պետական կառավարման մարմինները, պետական հիմնարկները հավաքագրում և ուղարկում են Լեռնային Ղարաբաղի Հանրապետության ֆինանսների և էկոնոմիկայի նախարարություն իրենց և իրենց ենթակայության տակ գտնվող պատվիրատուների` գնումների վերաբերյալ տեղեկատվությունը.

2) հանրային կազմակերպությունները հավաքագրում և ուղարկում են Լեռնային Ղարաբաղի Հանրապետության ֆինանսների և էկոնոմիկայի նախարարություն իրենց գնումների վերաբերյալ տեղեկատվությունը:

3. Լեռնային Ղարաբաղի Հանրապետության ֆինանսների և էկոնոմիկայի նախարարությունը տարեկան հաշվետվությունները հավաքագրելուց հետո դրանք ուղարկում է Կենտրոն` գնումների վերաբերյալ տվյալները մշակելու, վերլուծելու և եզրակացություններ ներկայացնելու նպատակով:

4. Կենտրոնը վերլուծություններն իրականացնում է ըստ գնումների արժեքային և(կամ) քանակական բնութագրիչների և դրանց տարբեր համակցությամբ հետևյալ հիմնական ուղղություններով.

1) ըստ գնման նախահաշվային և կնքված պայմանագրերի արժեքների` համեմատվում են պատվիրատուների համանման գնումների նախահաշվային և(կամ) ձեռքբերման արժեքները,

2) ըստ տնտեսման` համեմատվում են համանման գնումների տնտեսման (գնման նախահաշվային և ձեռքբերման գնի դրական և բացասական տարբերությունները) ցուցանիշները,

3) ըստ գնման ընթացակարգերի քանակների և պատվիրատուների` համեմատվում են գնումների ընթացակարգերի ընդհանուր քանակական ցուցանիշները և գնման առանձին ընթացակարգերի տեսակարար կշիռները, այդ թվում` կայացած և չկայացած գնման ընթացակարգերը,

4) ըստ ընթացակարգերի մասնակցության` համեմատվում են մասնակիցների մասնակցության թիվն ըստ գնման տարբեր ընթացակարգերի:

5. Կատարված վերլուծությունների արդյունքների հիման վրա Կենտրոնը կազմում և Լեռնային Ղարաբաղի Հանրապետության ֆինանսների և էկոնոմիկայի նախարարություն է ներկայացնում տարեկան ամփոփ հաշվետվություն: Տարեկան ամփոփ հաշվետվությունը Լեռնային Ղարաբաղի Հանրապետության ֆինանսների և էկոնոմիկայի նախարարություն է ներկայացվում մինչև ընթացիկ տարվա մարտի 15-ը սույն կարգի հավելված 2.2-ով հաստատված ձևով` էլեկտրոնային եղանակով (excel ծրագրով): Մինչև ընթացիկ տարվա մարտի 31-ը Լեռնային Ղարաբաղի Հանրապետության ֆինանսների և էկոնոմիկայի նախարարությունը քննարկում է նախորդ տարվա վերաբերյալ Կենտրոնի տարեկան ամփոփ հաշվետվությունը, որը ներառում է գնումների համակարգում առկա խնդիրները, հնարավոր ռիսկային հատվածները, դրանք վերացնելու և համակարգը բարելավելու ուղղությամբ առաջարկությունները:

ՏԱՐԵԿԱՆ ՀԱՇՎԵՏՎՈՒԹՅՈՒՆ

20__ թվականի ընթացքում իրականացված գնումների մասին

Պատվիրատուի անվանումը _________________________________________________________

Պատվիրատուի կոդը _________

Գնումների համակարգող(ներ)ի անունը, ազգանունը _____________________________________

Գնումների համակարգող(ներ)ի պաշտոնը _____________________________________________