ք. Ստեփանակերտ

«ԼԻՑԵՆԶԱՎՈՐՄԱՆ ՄԱՍԻՆ» ՕՐԵՆՔԻ ԿԻՐԱՐԿՈՒՄՆ ԱՊԱՀՈՎԵԼՈՒ ԵՎ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՀՈՒՆԻՍԻ 25-Ի N 128 ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

«Լիցենզավորման մասին» օրենքի կիրարկումն ապահովելու նպատակով և հիմք ընդունելով «Լիցենզավորման մասին» օրենքի 8-րդ, 17-րդ և 43-րդ հոդվածները և «Նորմատիվ իրավական ակտերի մասին» օրենքի 41-րդ հոդվածը` Արցախի Հանրապետության կառավարությունը ո ր ո շ ու մ է.

1. Սահմանել, որ «Լիցենզավորման մասին» օրենքի 43-րդ հոդվածի 2-րդ մասով սահմանված` լիցենզավորման ենթակա գործունեության տեսակների աղյուսակով (այսուհետ` աղյուսակ) նախատեսված լիցենզավորման ենթակա գործունեության տեսակը լիցենզավորող Արցախի Հանրապետության կառավարության կողմից լիազորված պետական կառավարման մարմիններ (այսուհետ` լիցենզավորող մարմիններ) են հանդիսանում համապատասխանաբար`

1) Արցախի Հանրապետության առողջապահության նախարարությունը` աղյուսակի 3-րդ բաժնի 1-ին, 2-րդ և 3-րդ կետերով.

2) Արցախի Հանրապետության գյուղատնտեսության նախարարությունը` աղյուսակի 7-րդ բաժնի 3-րդ, 4-րդ, 5-րդ և 6-րդ կետերով.

3) Արցախի Հանրապետության էկոնոմիկայի և արտադրական ենթակառուցվածքների նախարարությունը` աղյուսակի 101-ին բաժնի 1-ին, 15-րդ բաժնի 3-րդ, 5-րդ, 5.1-ին և 6-րդ կետերով և 17-րդ բաժնի 12-րդ կետով.

4) Արցախի Հանրապետության կրթության, գիտության և մշակույթի նախարարությունը` աղյուսակի 9-րդ բաժնի 1-ին, 2-րդ, 3-րդ, 4-րդ, 5-րդ, 6-րդ, 7-րդ և 8-րդ կետերով և 16.2-րդ բաժնի 1-ին և 2-րդ կետերով.

5) Արցախի Հանրապետության ռազմահայրենասիրության, երիտասարդության, սպորտի և զբոսաշրջության նախարարությունը` աղյուսակի 161-ին բաժնի 1-ին և 2-րդ կետերով.

6) Արցախի Հանրապետության քաղաքաշինության նախարարությունը` աղյուսակի 16-րդ բաժնի 1-ին, 2-րդ, 3-րդ և 4-րդ կետերով.

7) Արցախի Հանրապետության ֆինանսների նախարարությունը` աղյուսակի 6-րդ բաժնի 6-րդ կետով, 14-րդ բաժնի 1-ին, 2-րդ, 3-րդ կետերով և 17-րդ բաժնի 8-րդ կետով.

8) Արցախի Հանրապետության ոստիկանությունը` աղյուսակի 1-ին բաժնի 8-րդ կետով.

9) Արցախի Հանրապետության արտակարգ իրավիճակների պետական ծառայությունը` աղյուսակի 1-ին բաժնի 2-րդ, 3-րդ, 4-րդ, 5-րդ և 6-րդ կետերով.

10) Արցախի Հանրապետության բնապահպանության կոմիտեն` աղյուսակի 12-րդ բաժնի 1-ին կետով.

11) համապատասխան լիցենզավորող մարմինները` աղյուսակի 17-րդ բաժնի 1-ին կետով:

2. Սահմանել, որ «Լիցենզավորման մասին» օրենքի 43-րդ հոդվածի 4-րդ մասով նախատեսված պարզ ընթացակարգով լիցենզիաները տրամադրող Արցախի Հանրապետության կառավարության կողմից լիազորված պետական կառավարման մարմին է հանդիսանում Արցախի Հանրապետության ֆինանսների նախարարությունը:

3. Հաստատել պարզ ընթացակարգով տրվող լիցենզիաների ձևերը` համաձայն հավելվածի։

4. Սահմանել, որ բարդ ընթացակարգով տրվող լիցենզիաների ձևերը հաստատվում են համապատասխան լիցենզավորման կարգերով:

5. «Լիցենզավորման մասին» օրենքով նախատեսված լիցենզավորող մարմիններին` մինչև յուրաքանչյուր եռամսյակին հաջորդող ամսվա 15-ն Արցախի Հանրապետության ֆինանսների նախարարություն ներկայացնել տեղեկատվություն լիցենզիաների տրման, գործողության երկարաձգման, վերաձևակերպման, գործունեության իրականացման վայրի փոփոխության վերաբերյալ` նշելով`

1) լիցենզավորված իրավաբանական անձի դեպքում` անվանումը, գտնվելու վայրը, իսկ լիցենզավորված անհատ ձեռնարկատիրոջ դեպքում` անունը, ազգանունը և բնակության վայրը.

2) լիցենզավորման ենթակա գործունեության իրականացման վայրը (նշվում է, եթե սահմանված կարգով լիցենզավորման ենթակա գործունեությունը պետք է իրականացվի միայն համապատասխան վայրում).

3) լիցենզավորման ենթակա գործունեության տեսակը.

4) լիցենզիայի սերիան և համարը.

5) լիցենզիան տալու ամսաթիվը և գործողության ժամկետը:

6. Ուժը կորցրած ճանաչել Լեռնային Ղարաբաղի Հանրապետության կառավարության 2002 թվականի հունիսի 25-ի ««Լիցենզավորման մասին» Լեռնային Ղարաբաղի Հանրապետության օրենքի կիրարկումն ապահովելու մասին» N 128 որոշումը։

7. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ԱՐՑԱԽԻ ՀԱՆՐԱՊԵՏՈՒԹՅՈԻՆ

________________________________________________________________________________________

(գործունեության տեսակը)

                               _______________________

                                        ստորագրությունը                                  Կ.Տ.

ԱՐՑԱԽԻ ՀԱՆՐԱՊԵՏՈՒԹՅՈՒՆ

________________________________________________________________________________________

(գործունեության տեսակը)

                                  _______________________

                                        ստորագրությունը                                  Կ.Տ.

ԱՐՑԱԽԻ ՀԱՆՐԱՊԵՏՈՒԹՅՈՒՆ

________________________________________________________________________________________

(գործունեության տեսակը)

                                     ___________________

                                        ստորագրությունը                                  Կ.Տ.