ք.Ստեփանակերտ

«Գույքի նկատմամբ իրավունքների պետական գրանցման մասին» Լեռնային Ղարաբաղի Հանրապետության օրենքի 60-րդ, 62-րդ և 70-րդ հոդվածներին և «Իրավական ակտերի մասին» Լեռնային Ղարաբաղի Հանրապետության օրենքի 73-րդ հոդվածին համապատասխան՝

1. Հաստատել`

1) շարժական գույքի գրանցման համար ներկայացվող դիմումների գրանցման մատյանի ձևը և վարման կարգը` համաձայն հավելված 1-ի.

2) շարժական գույքի գրավի իրավունքի գրանցման վկայականի ձևը` համաձայն հավելված 2-ի.

3) դիմողին տրամադրվող շարժական գույքի գրավի իրավունքի գրանցման ստացականի ձևը` համաձայն հավելված 3-ի.

4) շարժական գույքի նկատմամբ իրավունքների գրանցման վերաբերյալ տեղեկատվություն ստանալու դիմումի ձևը` համաձայն հավելված 4-ի:

2. Ուժը կորցրած ճանաչել Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի 2010 թվականի հոկտեմբերի 18-ի «Շարժական գույքի գրավի իրավունքի, լիզինգի պայմանագրով` վարձակալության իրավունքի գրանցման և տեղեկատվության տրամադրման դիմումների, տեղեկանքի, uտացականի, շարժական գույքի գրանցման մատյանի, շարժական գույքի դիմումների գրանցման մատյանի, շարժական գույքի գրավի իրավունքի, լիզինգի պայմանագրով վարձակալության իրավունքի վկայականների ձևերը և շարժական գույքի դիմումների գրանցման մատյանի վարման կարգը հաստատելու մասին» N 92-Ն հրամանը:

3. Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի աշխատակազմի իրավաբանական բաժնի պետ Ա. Աղասյանին՝ սույն հրամանը սահմանված կարգով ներկայացնել Լեռնային Ղարաբաղի Հանրապետության արդարադատության նախարարություն` պետական գրանցման:

ՇԱՐԺԱԿԱՆ ԳՈՒՅՔԻ ԳՐԱՆՑՄԱՆ ՀԱՄԱՐ ՆԵՐԿԱՅԱՑՎՈՂ

ՇԱՐԺԱԿԱՆ ԳՈՒՅՔԻ ԳՐԱՆՑՄԱՆ ՀԱՄԱՐ ՆԵՐԿԱՅԱՑՎՈՂ

ԴԻՄՈՒՄՆԵՐԻ ԳՐԱՆՑՄԱՆ ՄԱՏՅԱՆԻ ՎԱՐՄԱՆ ԿԱՐԳԸ

1. Սույն կարգով սահմանվում է «Գույքի նկատմամբ իրավունքների պետական գրանցման մասին» Լեռնային Ղարաբաղի Հանրապետության օրենքի 60-րդ հոդվածի 2-րդ մասով սահմանված շարժական գույքի գրավի իրավունքի պայմանագրով վարձակալության իրավունքի գրանցման դիմումների գրանցման մատյանի (այսուհետ` մատյան) վարման կարգը:

2. Շարժական գույքի նկատմամբ գրավի իրավունքի գրանցման, փոփոխության, դադարման և դադարեցման համար դիմողն անձամբ, փոստով կամ այլ անձանց միջոցով (եթե դիմումում դիմումատուի ստորագրության իսկությունը վավերացված է օրենքով սահմանված կարգով) կամ իր լիազորած ներկայացուցչի միջոցով, գրանցումն իրականացնող մարմնի հաստատած դիմումի ձևաթղթի լրացմամբ, անկախ գույքի գտնվելու վայրի` կենտրոնացված գրանցման դեպքում գրանցումն իրականացնող մարմին ներկայացնում է դիմում, որը գրանցվում է մատյանում: Դիմումն ամբողջությամբ լրացնում և ստորագրում է դիմողը (լիազորված ներկայացուցիչը): Դիմումներն ընդունվում են ըստ ներկայացման հերթականության, որը որոշվում է դիմումների գրանցման մատյանում նշված ամիս - ամսաթվով և ժամով:

3. Դիմումների գրանցման մատյանը բաղկացած 8 սյունակներից՝ 1) դիմումի հերթական համարը, 2) դիմումի ընդունման ամիս-ամսաթիվը, ժամը, րոպեն, 3) դիմողի տվյալները, 4) դիմումում ներկայացված պահանջը, 5) դիմումի նույնացման համարը, 6) գրանցման համարը, 7) դիմումը հանձնողի ստորագրությունը, 8) դիմումն ընդունողի ստորագրությունը:

4. Դիմումների գրանցման մատյանում ըստ հերթականության լրացվում է՝

1) դիմումի հերթական համարը - լրացվում է յուրաքանչյուր տարվա համար սկսած 1-ից,

2) դիմումի ընդունման օրը, ամիսը, տարեթիվը, ժամը, րոպեն - նշվում է դիմումի մուտքագրման օրը, ամսաթիվը, տարեթիվը, ժամը, րոպեն,

3) դիմողի տվյալները - նշվում է անձը հաստատող փաստաթղթի հիման վրա դիմումատուի անունը, հայրանունը (անձը հաստատող փաստաթղթում առկայության դեպքում), ազգանունը (անվանումը),

4) դիմումում ներկայացված պահանջը - նշվում է գրավ կամ տեղեկանք,

5) դիմումի նույնացման համարը - նշվում է դիմումների ձևաթղթի «փաստաթղթի N» դաշտում լրացված համարը,

6) գրանցման համարը - նշվում է դիմումների ձևաթղթի «գրանցում N» դաշտում լրացված համարը, մերժման դեպքում` մերժման գրության համարը,

7) դիմումը հանձնողի ստորագրությունը - ստորագրվում է դիմումատուի կողմից,

8) դիմումն ընդունողի ստորագրությունը - ստորագրվում է դիմումն ընդունող պաշտոնատար անձի կողմից:

5. Դիմումն ընդունելուց հետո դիմումատուին տրվում է ստացական, որտեղ նշվում է դիմումի ներկայացման տարեթիվը, ժամը, րոպեն և ներկայացված փաստաթղթերի անվանումները, դիմումի մուտքագրման հերթական համարը:

6. Գրանցման վերաբերյալ ավելի վաղ ներկայացված դիմումներն ունեն առաջնություն` ավելի ուշ ներկայացված դիմումների համեմատ:

7. Դիմողը պետք է ներկայացնի Լեռնային Ղարաբաղի Հանրապետության օրենսդրությամբ սահմանված` անձը հաստատող փաստաթղթեր, իսկ լիազորված լինելու դեպքում` նաև լիազորությունները հաստատող փաստաթուղթ: Դիմումին կից ներկայացվում են շարժական գույքի գրավի պայմանագիրը և վճարի անդորրագրերը:

8. Չեն ընդունվում մատիտով գրված, ջնջումներով փաuտաթղթերը: Ուղղումներով ներկայացված փաստաթղթերը կարող են ընդունվել, եթե դրանք վավերացված են համապատաuխան կողմերի ստորագրությամբ և կնիքով, իuկ նոտարական վավերացում պահանջող փաստաթղթերի դեպքում` նաև նոտարական վավերացմամբ:

9. Փաստաթղթերը ներկայացվում են մեկ օրինակից` բնօրինակը կամ սահմանված կարգով հաuտատված պատճենը:

10. Շարժական գույքի գրավի իրավունքի գրանցման համար, սույն հոդվածով սահմանված փաստաթղթերից բացի, այլ փաuտաթղթեր պահանջելը, ինչպես նաև որևիցե այլ պատճառաբանությամբ դիմումի ընդունման մերժումն արգելվում է:

11. Դիմումների գրանցման մատյանի բոլոր էջերը համարակալվում են, վերջին էջում նշում է կատարվում էջերի քանակի վերաբերյալ ու կնքվում է Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի կնիքով: Յուրաքանչյուր օրվա վերջում դիմումների գրանցման մատյանում վերջին դիմումից հետո գիծ է քաշվում, նշվում ստացված վերջին դիմումի հերթական համարը‚ տվյալ օրվա դիմումների քանակը և ստորագրվում է ընդհանուր բաժնի պետի և ստորաբաժանման ղեկավարի կողմից: Դիմումների մատյանը համարակալվում է հետևյալ կերպ՝ ՏՏՏՏ-ՄՄ, որտեղ ՏՏՏՏ տարին է, ՄՄ մատյանի հերթական համարը: Դիմումների հերթական համարը սկսվում է տվյալ տարվա հունվարի 1-ին աշխատանքային օրը (դիմում N 1) և ավարտվում տարվա վերջին աշխատանքային օրը (օրինակ՝ դիմում N 1823 կամ դիմում N 4712 և այլն):

ՇԱՐԺԱԿԱՆ ԳՈՒՅՔԻ ԳՐԱՎԻ ԻՐԱՎՈՒՆՔԻ ԳՐԱՆՑՄԱՆ ՎԿԱՅԱԿԱՆԻ

(Լեռնային Ղարաբաղի Հանրապետության զինանշանը)

_________________________________________________________________

Ներքոհիշյալ տեղեկատվությունը գրանցված է շարժական գույքի գրանցման մատյանում

Կ.Տ.

(Լեռնային Ղարաբաղի Հանրապետության զինանշանը)

________________________________________________________________

Ներքոհիշյալ տեղեկատվությունը գրանցված է շարժական գույքի

գրանցման մատյանում

Կ.Տ.

ՁԵՎ

(Շարժական գույքի գրավի իրավունքի գրանցման փաստաթղթերի ընդունման)

Դիմումի ամսաթիվ` օօ/աա/տտ Ժամ` ժժ:րր:վվ համար` N_____________

Տրվում է__________________________________________________________________ -ին

այն մասին, որ նրանից ընդունվել են հետևյալ փաստաթղթերը.

1. _________________________________________________________________________

2. _________________________________________________________________________

3. _________________________________________________________________________

4. _________________________________________________________________________

5. _________________________________________________________________________

6. _________________________________________________________________________

7. _________________________________________________________________________

8. _________________________________________________________________________

9. _________________________________________________________________________

10. ________________________________________________________________________

Փաստաթղթերն հանձնեց ______________________________________________

                                                                                   ^{ստորագրություն, անուն, ազգանուն}

Փաստաթղթերն ընդունեց ______________________________________________

                                                                                   ^{ստորագրություն, անուն, ազգանուն}

_____ __________________ 20    թ.

Ստացականը կազմված է մեկ օրինակից և տրվում է դիմողին:

__________________________________________________________________________________