ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

ք.Ստեփանակերտ

Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 1997թ. հուլիսի 24-ի «Առանձին խմբերի երեխաներին, միայնակ մայրերին և մինչև 2 տարեկան երեխա խնամող անձանց տրվող պետական նպաստների նշանակման և վճարման կարգի մասին» թիվ 126 որոշման մեջ կատարել հետևյալ փոփոխությունները.

ա) Որոշման 3-րդ կետը շարադրել հետևյալ խմբագրությամբ.

«3. Սահմանել ամենամսյա պետական նպաստների հետևյալ չափերը՝

ա) հաշմանդամ երեխաներին՝ 6000 դրամ

բ) երկկողմանի ծնողազուրկ երեխաներին՝ 8000 դրամ

գ) սույն որոշման 2-րդ կետի «ա» ենթակետում նշված մնացած երեխաներին՝ 4000 դրամ

դ) միայնակ մայրերին՝ 4000 դրամ

ե) մինչև 2 տարեկան երեխա խնամող՝ մասնակի վճարովի արձակուրդում գտնվող կամ գործազուրկի կարգավիճակ ունեցող անձանց՝ 3000 դրամ.»

բ) Որոշման 4-րդ կետի առաջին պարբերությունը շարադրել հետևյալ խմբագրությամբ.

- «Մինչև 1 տարեկան երեխաներին մանկական սննդով ապահովելու համար սահմանել ամենամսյա պետական նպաստ՝ 4000 դրամի չափով»:

2. Սույն որոշումն ուժի մեջ է մտնում 2006 թվականի հունվարի 1-ից: