Հիմք ընդունելով «Պետական կառավարչական հիմնարկների մասին» օրենքի 17-րդ հոդվածը և «Նորմատիվ իրավական ակտերի մասին» օրենքի 37-րդ հոդվածը` ո ր ո շ ու մ եմ.

1. Վերակազմակերպել Արցախի Հանրապետության Նախագահի աշխատակազմի «Կառավարության գործերի կառավարչություն» առանձնացված ստորաբաժանումը՝ քարտուղարության նամակների բաժինը (հաստիքներով և աշխատակիցներով հանդերձ) միացնելով Արցախի Հանրապետության Նախագահի աշխատակազմին:

2. Արցախի Հանրապետության Նախագահի 2017 թվականի սեպտեմբերի 25-ի «Արցախի Հանրապետության կառավարության կառուցվածքի սահմանումից բխող մի շարք միջոցառումների մասին» ՆՀ-107-Ն հրամանագրի (այսուհետ՝ հրամանագիր) 6-րդ կետով հաստատված՝ Արցախի Հանրապետության Նախագահի աշխատակազմի «Կառավարության գործերի կառավարչություն» առանձնացված ստորաբաժանման կանոնադրության 13-րդ կետի 11-րդ ենթակետը ուժը կորցրած ճանաչել։

3. Հրամանագրի 6-րդ կետով հաստատված՝ Արցախի Հանրապետության Նախագահի աշխատակազմի «Կառավարության գործերի կառավարչություն» առանձնացված ստորաբաժանման կառուցվածքը շարադրել նոր խմբագրությամբ՝ համաձայն հավելվածի։

4. Սույն հրամանագիրն ուժի մեջ է մտնում պաշտոնական հրապարակման օրվանից։

1. Անձնակազմի կառավարման բաժին

2. Առաջին բաժին

3. Արձանագրային բաժին

4. Ընդհանուր բաժին

5. Իրավաբանական բաժին

6. Կազմակերպական բաժին

7. Հատուկ համակարգերի բաժին

8. Ֆինանսատնտեսական բաժին»: