ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՀՈՒՆՎԱՐԻ

3-Ի ԹԻՎ 2 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Լեռնային Ղարաբաղի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2004 թվականի հունվարի 3-ի «Պետական կենսաթոշակների մասին» Լեռնային Ղարաբաղի Հանրապետության օրենքի կիրարկումն ապահովելու մասին» թիվ 2 որոշման մեջ կատարել հետևյալ լրացումներն ու փոփոխությունները՝

որոշման թիվ 5 հավելվածում՝

ա) 1-ին և 5-րդ կետերի 1-ին ենթակետերը, 9-րդ կետը և 12-րդ կետի «ա» ենթակետը «անձնագիրը,» բառից հետո լրացնել «սոցիալական ապահովության քարտն ու դրանց պատճենները,» բառերով.

բ) 5-րդ կետի 4-րդ ենթակետը «անձնագրերը» բառից հետո լրացնել «և սոցիալական ապահովության քարտերն ու դրանց պատճենները», իսկ «վկայականները» բառից հետո՝ «, սոցիալական ապահովության քարտերը» բառերով.

գ) 8-րդ կետում և 13-րդ կետի «ա» ենթակետում «անձնագիրը և դրա պատճենը» բառերը փոխարինել «անձնագիրը, սոցիալական ապահովության քարտն ու դրանց պատճենները» բառերով:

2. Սույն որոշումն ուժի մեջ է մտնում 2006 թվականի հունվարի 1-ից: