«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կենտրոնական ընտրական հանձնաժողովը որոշում է.

1. Լեռնային Ղարաբաղի Հանրապետության կենտրոնական ընտրական հանձնաժողովի 2015 թվականի հունվարի 28-ի «Տարածքային ընտրական հանձնաժողովի կողմից ընտրական տեղամասում քվեարկության արդյունքների արձանագրության տվյալները համակարգիչ մուտքագրելու կարգը սահմանելու և Լեռնային Ղարաբաղի Հանրապետության կենտրոնական ընտրական հանձնաժողովի 2007 թվականի մայիսի 30-ի թիվ 35/138 որոշումն ուժը կորցրած ճանաչելու մասին» N 47-Ն որոշման 1-ին կետի 4-րդ ենթակետի աղյուսակի մեջ կատարել հետևյալ փոփոխությունները.

1) 1-ին սյունակի «Ընտրատարածք N» բառերը փոխարինել «Ընտրատարածքի և տեղամասի N-ը» բառերով.

2) 2-րդ սյունակի «Տեղամաս N» բառերը փոխարինել «Տեղամասային կենտրոնը» բառերով.

3) 8-րդ սյունակը հանել.

4) 9-ից մինչև 18-րդ սյունակների թվագրումը փոխարինել համապատասխանաբար 8-ից մինչև 17-րդի: