ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
"20" դեկտեմբերի 2005թ. |
N 563 |
ք.Ստեփանակերտ
Լեռնային Ղարաբաղի Հանրապետության կառավարության 2004թ. մարտի 16-ի
թիվ 97 որոշման մեջ փոփոխություններ և լրացումներ կատարելու մասին
Լեռնային Ղարաբաղի Հանրապետությունը կառավարությունը որոշում է.
1. Լեռնային Ղարաբաղի Հանրապետության կառավարության 2004թ. մարտի 16-ի «Լեռնային Ղարաբաղի Հանրապետության արդարադատության նախարարության աշխատակազմ» պետական կառավարչական հիմնարկ ստեղծելու, Լեռնային Ղարաբաղի Հանրապետության արդարադատության նախարարության կանոնադրությունը և աշխատակազմի կառուցվածքը հաստատելու մասին» թիվ 97 որոշմամբ հաստատված կանոնադրության մեջ կատարել հետևյալ փոփոխությունները և լրացումները`
ա/. I բաժնի 7-րդ կետի ժա/ ենթակետից հետո լրացնել հետևյալ բովանդակությամբ ժա1-րդ ենթակետ.
«Ժա1/ «Լեռնային Ղարաբաղի Հանրապետության պաշտոնական տեղեկագիր» պարբերականի հրատարակման աշխատանքների կատարման ապահովումը»:
բ/. II բաժնի 8-րդ կետի ժթ/ ենթակետից հետո լրացնել հետևյալ բովանդակությամբ Ժթ1-րդ ենթակետ.
«Ժթ1 Լեռնային Ղարաբաղի Հանրապետության պաշտոնական տեղեկագիր» պարբերականի հրատարակման աշխատանքների իրականացում»:
գ/. III բաժնի 12-րդ կետի զ/ ենթակետը շարադրել հետևյալ խմբագրությամբ.
«զ/ պաշտոնի նշանակում և պաշտոնից ազատում է պետական նոտարներին, իր խորհրդականներին, մամուլի քարտուղարին և օգնականներին»:
դ/. III բաժնի 12-րդ կետի ժդ/ ենթակետից հետո լրացնել հետևյալ բովանդակությամբ ժդ1-րդ ենթակետ:
«Ժդ1/ օրենքով սահմանված կարգով պետական նոտարներին շնորհում է դասային աստիճաններ»:
ե/. IX բաժինը շարադրել հետևյալ խմբագրությամբ.
«IX Դատավորների հավակնորդների նախնական հաշվառումը
51. Նախարարությունում իրականացվում են դատավորների հավակնորդների նախնական հաշվառման աշխատանքներ: Հավակնորդները նախարարություն են ներկայացնում համապատասխան փաստաթղթեր, որոնց ցանկը հաստատում է նախարարը:
Այնուհետև կազմակերպվում է հավակնորդների մասնագիտական կարողությունների ու իրավաբանական գիտելիքների կիրարկման ունակությունների աստիճանի ստուգման աշխատանքները: Դրական եզրակացություններ ստացած հավակնորդների անձնական գործերը նախարարի մակագրությամբ վերցվում են նախնական հաշվառման և պահվում նախարարությունում: Անհրաժեշտության դեպքում նշված անձանց թվից, օրենքով սահմանված կարգով, միջնորդություն է ներկայացվում դատավորի պաշտոնում նշանակելու համար»:
զ/. X գլխի «54» թիվը փոխարինել «52» թվով:
2. Որոշմամբ հաստատված կառուցվածքի մեջ մտնող կառուցվածքային ստորաբաժանումների «Բաժիններ» ենթաբաժինը շարադրել հետևյալ խմբագրությամբ.
«2. Բաժիններ
Պետական ռեգիստրի բաժին
Նոտարիատի, ՔԿԱԳ, փորձաքննությունների և դատական մարմինների բաժին
Օրենսդրական հարցերի բաժին
Արձանագրային-հրատարակչական բաժին
Ընդհանուր բաժին»:
3. Սույն որոշումն ուժի մեջ է մտնում պաշտոնական հրապարակման պահից:
|
ԼՂՀ ՎԱՐՉԱՊԵՏ |
Ա. ԴԱՆԻԵԼՅԱՆ |