ՀՐԱՄԱՆ

ք.Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԲՆԱՊԱՀՊԱՆՈՒԹՅԱՆ ԵՎ ԲՆԱԿԱՆ

ՌԵՍՈՒՐՍՆԵՐԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ՊԵՏԱԿԱՆ

ԸՆԴԵՐՔԱԲԱՆԱԿԱՆ ՓՈՐՁԱՔՆՆՈՒԹՅԱՆ ՀԱՆՁՆԱԺՈՂՈՎ ՍՏԵՂԾԵԼՈՒ,

ՀԱՆՁՆԱԺՈՂՈՎԻ ԿԱԶՄԸ ԵՎ ԿԱՆՈՆԱԿԱՐԳԸ, ՊԵՏԱԿԱՆ

ԸՆԴԵՐՔԱԲԱՆԱԿԱՆ ՓՈՐՁԱՔՆՆՈՒԹՅԱՆ ԳՈՐԾԸՆԹԱՑՈՒՄ ԱՆԿԱԽ

 ՓՈՐՁԱԳԵՏՆԵՐԻ ՆԵՐԳՐԱՎՄԱՆ ԿԱՐԳԸ ՀԱՍՏԱՏԵԼՈՒ ԵՎ ԼԵՌՆԱՅԻՆ

ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՇՐՋԱԿԱ

ՄԻՋԱՎԱՅՐԻ ԵՎ ԲՆԱԿԱՆ ՌԵՍՈՒՐՍՆԵՐԻ ՎԱՐՉՈՒԹՅԱՆ

ՊԵՏԻ 2014 ԹՎԱԿԱՆԻ ՕԳՈՍՏՈՍԻ 20-Ի N 55-Ն ՀՐԱՄԱՆՆ

ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով Արցախի Հանրապետության կառավարության 2018 թվականի օգոստոսի 30-ի N 722-Ն որոշման 2-րդ կետի 2-րդ ենթակետով և «Իրավական ակտերի մասին» Լեռնային Ղարաբաղի Հանրապետության օրենքի 73-րդ հոդվածով`

1. Ստեղծել Արցախի Հանրապետության բնապահպանության և բնական ռեսուրսների նախարարության աշխատակազմի պետական ընդերքաբանական փորձաքննության հանձնաժողով:

2. Հաստատել`

1) Արցախի Հանրապետության բնապահպանության և բնական ռեսուրսների նախարարության աշխատակազմի պետական ընդերքաբանական փորձաքննության հանձնաժողովի կազմը՝ համաձայն N 1 հավելվածի.

2) Արցախի Հանրապետության բնապահպանության և բնական ռեսուրսների նախարարության աշխատակազմի պետական ընդերքաբանական փորձաքննության հանձնաժողովի կանոնակարգը՝ համաձայն N 2 հավելվածի.

3) պետական ընդերքաբանական փորձաքննության գործընթացում անկախ փորձագետների ներգրավման կարգը` համաձայն N 3 հավելվածի.

3. Ուժը կորցրած ճանաչել Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչության պետի 2014 թվականի օգոստոսի 20-ի «Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչության աշխատակազմի բնական ռեսուրսների կառավարման գործակալության պետական ընդերքաբանական փորձաքննության հանձնաժողով ստեղծելու, հանձնաժողովի կազմը և կանոնակարգը, պետական ընդերքաբանական փորձաքննության գործընթացում անկախ փորձագետների ներգրավման կարգը հաստատելու մասին» N 55-Ն հրամանը:

1. Արցախի Հանրապետության բնապահպանության և բնական ռեսուրսների նախարարության աշխատակազմի բնական ռեսուրսների, թափոնների և մթնոլորտ արտանետումների կառավարման գործակալության պետ` հանձնաժողովի նախագահ

2. Արցախի Հանրապետության բնապահպանության և բնական ռեսուրսների նախարարության աշխատակազմի բնական ռեսուրսների, թափոնների և մթնոլորտ արտանետումների կառավարման գործակալության ընդերքի տրամադրման և օգտակար հանածոների պաշարների բաժնի պետ` հանձնաժողովի նախագահի տեղակալ

3. Արցախի Հանրապետության բնապահպանության և բնական ռեսուրսների նախարարության աշխատակազմի բնական ռեսուրսների, թափոնների և մթնոլորտ արտանետումների կառավարման գործակալության ընդերքի տրամադրման և օգտակար հանածոների պաշարների բաժնի գլխավոր մասնագետ` հանձնաժողովի քարտուղար

4. Արցախի Հանրապետության բնապահպանության և բնական ռեսուրսների նախարարության աշխատակազմի բնական ռեսուրսների, թափոնների և մթնոլորտ արտանետումների կառավարման գործակալության կենսառեսուրսների, ջրային ռեսուրսների կառավարման բաժնի պետ

5. Արցախի Հանրապետության բնապահպանության և բնական ռեսուրսների նախարարության աշխատակազմի բնական ռեսուրսների, թափոնների և մթնոլորտ արտանետումների կառավարման գործակալության կենսառեսուրսների, ջրային ռեսուրսների կառավարման բաժնի գլխավոր մասնագետ

6. Արցախի Հանրապետության բնապահպանության և բնական ռեսուրսների նախարարության աշխատակազմի բնապահպանական և ընդերքի պետական տեսչության պետ

7. Արցախի Հանրապետության բնապահպանության և բնական ռեսուրսների նախարարության աշխատակազմի բնապահպանական և ընդերքի պետական տեսչության ընդերքի երկրաբանական և մարկշեյդերական վերահսկողության բաժնի պետ

8. Արցախի Հանրապետության բնապահպանության և բնական ռեսուրսների նախարարության աշխատակազմի բնական ռեսուրսների կառավարման և բնապահպանության քաղաքականության բաժնի պետ

9.Արցախի Հանրապետության բնապահպանության և բնական ռեսուրսների նախարարության աշխատակազմի բնական ռեսուրսների կառավարման և բնապահպանության քաղաքականության բաժնի գլխավոր մասնագետ

10. Անկախ փորձագետներ (ընդգրկվում են Արցախի Հանրապետության բնապահպանության և բնական ռեսուրսների նախարարության աշխատակազմի բնական ռեսուրսների, թափոնների և մթնոլորտ արտանետումների կառավարման գործակալության պետի ներկայացմամբ)

1. Արցախի Հանրապետության բնապահպանության և բնական ռեսուրսների նախարարության աշխատակազմի (այսուհետ` Աշխատակազմ) պետական ընդերքաբանական փորձաքննության հանձնաժողովը (այսուհետ՝ Հանձնաժողով) խորհրդակցական մարմին է, որը կոչված է.

1) ուսումնասիրված պաշարների և ընդերքի մասին այլ տեղեկության պետական ընդերքաբանական փորձաքննության արդյունքների ամփոփման հիման վրա մասնագիտական եզրակացություններ տալու կոնդիցիաների պարամետրերի և պաշարների հաստատման, ինչպես նաև օգտակար հանածոների հանրապետական հաշվեկշռից վերջիններիս դուրսգրման հիմնավորվածության վերաբերյալ,

2) գնահատելու ընդերքի ոլորտում գործող նորմատիվ մեթոդական հենքի համապատասխանությունն արդի պայմաններին և առաջարկություններ ներկայացնելու վերջինիս կատարելագործման անհրաժեշտության վերաբերյալ:

2. Հանձնաժողովը բաղկացած է 12 անդամից, այդ թվում` 5-ը` Աշխատակազմի բնական ռեսուրսների, թափոնների և մթնոլորտ արտանետումների կառավարման գործակալության (այսուհետ` Գործակալություն), երկուական` Աշխատակազմի բնապահպանական և ընդերքի պետական տեսչության և Աշխատակազմի բնական ռեսուրսների քաղաքականության բաժնի (այսուհետ` Աշխատակազմի առանձնացված և կառուցվածքային այլ ստորաբաժանումներ) հաստիքային աշխատակիցներից և երեք անկախ փորձագետներից: Անկախ փորձագետները Հանձնաժողովի կազմում ընդգրկվում են Գործակալության պետի ներկայացմամբ:

3. Գործակալության պետը Հանձնաժողովի նախագահն է, Գործակալության ընդերքի տրամադրման և օգտակար հանածոների պաշարների բաժնի պետը՝ Հանձնաժողովի նախագահի տեղակալն է, իսկ Գործակալության ընդերքի տրամադրման և օգտակար հանածոների պաշարների բաժնի գլխավոր մասնագետը` Հանձնաժողովի քարտուղարն է:

4. Քննարկվող հարցերի վերաբերյալ որոշումներն ընդունվում են Հանձնաժողովի նիստերում, որոնք հրավիրվում են ըստ անհրաժեշտության, բայց ոչ ուշ, քան ամիսը մեկ անգամ:

5. Հանձնաժողովի նիստերն իրավազոր են, եթե դրանց մասնակցում է Հանձնաժողովի անդամների ընդհանուր թվի կեսից ավելին: Ընդ որում, պարտադիր է փորձաքննվող նյութերի հեղինակ չհանդիսացող անկախ փորձագետներից և Աշխատակազմի առանձնացված ու կառուցվածքային այլ ստորաբաժանումներից Հանձնաժողովի` առնվազն երկուական անդամների մասնակցությունը:

6. Հանձնաժողովի նիստը վարում է Հանձնաժողովի նախագահը, իսկ նրա բացակայության դեպքում` տեղակալը:

7. Հանձնաժողովի նիստերում որոշումներն ընդունվում են բաց քվեարկությամբ, նիստերին մասնակցած անդամների (բացառությամբ նյութերի հեղինակի) ձայների պարզ մեծամասնությամբ: Ձայների հավասարության դեպքում որոշիչ է նիստը նախագահողի ձայնը:

8. Հանձնաժողովի ընդունած որոշումները ձևակերպվում են նիստի արձանագրությամբ, որը ստորագրում են նիստին մասնակցած Հանձնաժողովի անդամները: Եթե Հանձնաժողովի առանձին անդամներ համաձայն չեն ընդունված որոշման հետ, ապա նրանց հատուկ կարծիքները կցվում են նիստի արձանագրությանը: Հանձնաժողովի արձանագրությունը մասնագիտական հիմնավորում է Գործակալության կողմից ընդունվելիք համապատասխան որոշման համար:

9. Հանձնաժողովի նիստը հրավիրվում է Հանձնաժողովի նախագահի, իսկ նրա բացակայության դեպքում` տեղակալի կողմից: Նիստի անցկացման կազմակերպումն իրականացնում է Հանձնաժողովի քարտուղարը: Վերջինս նիստից առնվազն երեք աշխատանքային օր առաջ տեղյակ է պահում նիստի օրակարգի և ժամկետների մասին Հանձնաժողովի բոլոր անդամներին, միաժամանակ նրանց հնարավորություն տալով ծանոթանալու փորձաքննության ներկայացված նյութերի ու Հանձնաժողովի կայանալիք նիստի արձանագրության նախագծի հետ: Հանձնաժողովի նիստերին մասնակցում է քննարկվող նյութերի փորձաքննության պատասխանատուն, իսկ նրա բացակայության դեպքում՝ համապատասխան բաժնի պետը: Նյութերի պետական ընդերքաբանական փորձաքննությունն իրականացրած Գործակալության անկախ փորձագետի և (կամ) նյութերի հեղինակի բացակայությունը չի կարող խոչընդոտ հանդիսանալ Հանձնաժողովի նիստը անցկացնելու համար: Նիստին դիտորդի կարգավիճակով կարող են մասնակցել նաև քննարկվող նյութերի պատվիրատուն և հրավիրված այլ անձինք:

10. Առանձին դեպքերում փորձաքննվող հարցերը կարող են քննարկվել գնահատվող օբյեկտներում հրավիրվող Հանձնաժողովի արտագնա նիստերում, որոնց կազմակերպումն ապահովում է Աշխատակազմը:

11. Հանձնաժողովի անդամներն իրավունք ունեն.

1) նախապես Գործակալությունում ծանոթանալու Հանձնաժողովի նիստում քննարկվելիք նյութերի ամբողջական փաթեթի հետ,

2) մասնակցելու Գործակալության պետական ընդերքաբանական փորձաքննությանը ներկայացված նյութերի աշխատանքային քննարկումներին,

3) աշխատանքային քննարկումների ժամանակ և Հանձնաժողովի նիստերում գրավոր կամ բանավոր ներկայացնելու իրենց տեսակետները փորձաքննվող նյութերի վերաբերյալ:

12. Հանձնաժողովի անդամները պարտավոր են.

1) ապահովել նյութերի պետական ընդերքաբանական փորձաքննության ընթացքում ձեռք բերված տեղեկատվության խորհրդապահությունը,

2) ապահովել պետական ընդերքաբանական փորձաքննության ներկայացված նյութերի վերաբերյալ իրենց օբյեկտիվ և անաչառ մոտեցումները:

1. Սույն կարգով սահմանվում են պետական ընդերքաբանական փորձաքննության գործընթացին անկախ փորձագետների ներգրավման նպատակները, գործունեության սահմանները և նրանց վարձատրության չափի սահմանման սկզբունքներն ու ընթացակարգը:

2. Արցախի Հանրապետության բնապահպանության և բնական ռեսուրսների նախարարության աշխատակազմի (այսուհետ` Աշխատակազմ) ներկայացված կոնդիցիաների հիմնավորմամբ օգտակար հանածոների հանքավայրերի երկրաբանատնտեսագիտական գնահատման (վերագնահատման) աշխատանքների, պաշարների հաշվարկմամբ (վերահաշվարկմամբ) երկրաբանական հաշվետվությունների, ինչպես նաև պաշարների շարժի օպերատիվ հաշվարկման նյութերի (այսուհետ` Նյութեր) պետական ընդերքաբանական փորձաքննության (այսուհետ` Փորձաքննություն) գործընթացին, վճարովի հիմունքներով ներգրավվում են անկախ փորձագետներ (այսուհետ` Փորձագետներ):

3. Փորձագետները ներգրավվում են փորձաքննվող Նյութերն ամբողջությամբ կամ դրանց առանձին մասերը գնահատելու, դիտարկված հարցերի վերաբերյալ մասնագիտական կարծիք ձևավորելու և փորձագիտական եզրակացություն տալու նպատակով:

4. Որպես Փորձագետ կարող է հանդես գալ ընդերքաբանության ոլորտի այն մասնագետը, որը հանդիսացել է ոչ մետաղական կամ մետաղական օգտակար հանածոների հանքավայրերի կոնդիցիաների հիմնավորման կամ պաշարների հաշվարկման նյութերի հեղինակ կամ համահեղինակ:

Փորձագետների անհատական կազմը Գործակալության պետի ներկայացմամբ հաստատում է Արցախի Հանրապետության բնապահպանության և բնական ռեսուրսների նախարարը:

5. Նյութերի Փորձաքննության գործընթացին Փորձագետի ներգրավումն իրականացվում է Փորձագետի և Աշխատակազմի ղեկավարի միջև կնքված պայմանագրի հիման վրա` համաձայն N 1 ձևի:

6. Փորձագետի աշխատավարձի չափը ձևավորվում է քաղաքացիական ծառայության գլխավոր պաշտոնների 3-րդ ենթախմբի քաղաքացիական ծառայողի պաշտոնային դրույքաչափի ու Փորձաքննության բարդության գործակցի արտադրյալով:

7. Փորձաքննության բարդության գործակիցները որոշվում են` ելնելով փորձաքննության ներկայացված նյութերի բովանդակությունից, բարդությունից ու ծավալից, ինչպես նաև փորձագետներին առաջադրվող հարցերի շրջանակից` ղեկավարվելով սույն կարգի 8-րդ, 9-րդ, 10-րդ և 11-րդ կետերով:

8. Պինդ օգտակար հանածոների հանքավայրերի փորձաքննության ներկայացված նյութերն ըստ իրենց բովանդակության, բարդության և ծավալի ստորաբաժանվում են հետևյալ վեց խմբերի.

1) ոչ մետաղական հանքավայրերի պարզ նյութերի շարքին են դասվում տեխնոլոգիական վերամշակում չպահանջող կամ միայն տեսակավորում պահանջող օգտակար հանածոյով ներկայացված, պարզ երկրաբանական կառուցվածք ունեցող, բաց եղանակով շահագործվելիք հանքավայրերին վերաբերող նյութերը, որոնք ամփոփված են մեկ գրքում և պարունակում են մինչև երեք գծագրական հավելվածներ.

2) ոչ մետաղական հանքավայրերի միջին բարդության նյութերի շարքին են դասվում մեխանիկական կամ հայտնի ավանդական տեխնոլոգիաներով վերամշակման ենթարկվելիք օգտակար հանածոյով ներկայացված, պարզ և միջին բարդության երկրաբանական կառուցվածք ունեցող, բաց եղանակով շահագործվելիք հանքավայրերին վերաբերող նյութերը, որոնք ամփոփված են մեկ գրքում և պարունակում են մինչև հինգ գծագրական հավելվածներ.

3) ոչ մետաղական հանքավայրերի բարդ նյութերի շարքին են դասվում ավանդական տեխնոլոգիաներով վերամշակվելիք օգտակար հանածոներով ներկայացված բարդ երկրաբանական կառուցվածքի և նոր ժամանակակից (ոչ ավանդական) տեխնոլոգիաներով վերամշակվելիք օգտակար հանածոներով ներկայացված միջին բարդություն և բարդ երկրաբանական կառուցվածք ունեցող, բաց կամ ստորգետնյա եղանակով շահագործվելիք հանքավայրերին վերաբերող նյութերը, որոնք ամփոփված են մեկից ավելի գրքերում և պարունակում են հինգից ավելի գծագրական հավելվածներ.

4) մետաղական հանքավայրերի պարզ նյութերի շարքին են դասվում մեկ միասնական հանքամարմնով և ավանդական տեխնոլոգիաներով վերամշակվելիք օգտակար հանածոներով ներկայացված պարզ երկրաբանական կառուցվածք ունեցող, բաց եղանակով շահագործվելիք հանքավայրերին վերաբերող նյութերը, որոնք ամփոփված են առավելագույնս երկու գրքերում և պարունակում են մինչև տասը գծագրական հավելվածներ.

5) մետաղական հանքավայրերի միջին բարդության նյութերի շարքին են դասվում առավելագույնս տասը հանքամարմիններով և ավանդական տեխնոլոգիաներով վերամշակվելիք օգտակար հանածոներով ներկայացված պարզ և միջին բարդության երկրաբանական կառուցվածք ունեցող, բաց կամ ստորգետնյա եղանակով շահագործվելիք հանքավայրերին վերաբերող նյութերը, որոնք ամփոփված են առավելագույնս երեք գրքերում և պարունակում են մինչև 20 գծագրական հավելվածներ.

6) մետաղական հանքավայրերի բարդ նյութերի շարքին են դասվում առավելագույնս 20 հանքամարմիններով և ավանդական տեխնոլոգիաներով վերամշակվելիք օգտակար հանածոներով ներկայացված բարդ երկրաբանական կառուցվածքի և նոր ժամանակակից (ոչ ավանդական) տեխնոլոգիաներով վերամշակվելիք օգտակար հանածոներով ներկայացված միջին բարդություն և բարդ երկրաբանական կառուցվածք ունեցող, բաց կամ ստորգետնյա կամ համակցված եղանակով շահագործվելիք հանքավայրերին վերաբերող նյութերը, որոնք ամփոփված են հինգից ավելի գրքերում և պարունակում են 20-ից ավելի գծագրական հավելվածներ.

9. Պինդ օգտակար հանածոների հանքավայրերի նյութերի փորձաքննության բարդության գործակիցները ընդունվում են ըստ ստորև բերված սանդղակի.

10. Ավելի քան 20 առանձնացված հանքամարմիններով ներկայացված մետաղական հանքավայրերը վերագրվում են առավել բարդերի շարքին և նման հանքավայրերի նյութերի փորձաքննության ժամանակ յուրաքանչյուր լրացուցիչ տասը հանքամարմինների համար նախորդ կետում բերված աղյուսակի 5-րդ և 10-րդ տողերի 3-րդ սյունակում նշված փորձաքննության բարդության գործակիցներին հավելվում է 0.2 գործակից:

11. Ստորգետնյա քաղցրահամ ջրերի հանքավայրերի նյութերը հավասարեցվում են ոչ մետաղական օգտակար հանածոների բարդ հանքավայրերի նյութերին, իսկ ստորգետնյա հանքային ջրերի հանքավայրերի նյութերը` մետաղական օգտակար հանածոների պարզ հանքավայրերի նյութերին:

12. Սնդիկի, նավթի և գազի հանքավայրերի նյութերը հավասարեցվում են մետաղական օգտակար հանածոների բարդ հանքավայրերի նյութերին, իսկ քարածխի և այրվող թերթաքարերի հանքավայրերի նյութերը` ոչ մետաղական օգտակար հանածոների միջին բարդության հանքավայրերի նյութերին:

13. Փորձագետի վարձատրությունն իրականացվում է միանվագ` նրա փորձագիտական եզրակացությունը Գործակալություն ներկայացնելուց հետո, մեկ ամսվա ընթացքում:

14. Փորձագետի վարձատրության հիմք է հանդիսանում պայմանագրով նախատեսված աշխատանքների կատարման վերաբերյալ Գործակալության պետի զեկուցագրի վրա Աշխատակազմի ղեկավարի համապատասխան նշագրումը:

15. P2 կարգի կանխատեսումային պաշարներով ներկայացված ոչ մետաղական հանքավայրերի պարզ նյութերի պետական ընդերքաբանական փորձաքննությունը Հանձնաժողովն իրականացնում է Գործակալության կողմից տրված մասնագիտական եզրակացության հիման վրա առանց փորձագետների ներգրավման:

(օրինակելի ձև)

Արցախի Հանրապետության բնապահպանության և բնական ռեսուրսների նախարարության աշխատակազմը (այսուհետ՝ Գործատու), ի դեմս աշխատակազմի ղեկավար՝ ________________________, որը գործում է նախարարության կանոնադրության հիման վրա, մի կողմից, և քաղաքացի _____________________,

                                                                                                         (անուն, հայրանուն, ազգանուն)

 անձնագիր՝_____________, տրված ____ կողմից (այսուհետ՝ Փորձագետ), մյուս կողմից (այսուհետ միասին`Կողմեր),

                    (սերիա, համար)

կնքեցին սույն պայմանագիրը հետևյալի մասին.

1.1. Գործատուն Փորձագետին հանձնարարում է մասնակցել Արցախի Հանրապետության բնապահպանության և բնական ռեսուրսների նախարարության աշխատակազմում (այսուհետ`Աշխատակազմ) իրականացվող __________________________________________________________________________________________

                                                                                  (հաշվետության անվանումը)

__________________________________________________________________________________________

__________________________________________________________________________________________

__________________________________________________________________________________________

__________________________________________________________________________________________

(այսուհետ` Նյութեր) պետական ընդերքաբանական փորձաքննությանը և Գործակալություն ներկայացնել Նյութերի վերաբերյալ իր փորձագիտական եզրակացությունը` առանձնակի ուշադրության արժանացնելով պետական ընդերքաբանական փորձաքննության գործընթացում անկախ փորձագետների ներգրավման և նրանց վճարման կարգի (այսուհետ` Կարգ) 9-րդ կետում բերված սանդղակի (այսուհետ` Սանդղակ ______________) հարցերը:

2.1. Փորձագետն իրավունք ունի

2.1.1.Գործատուից պահանջել կատարված աշխատանքի դիմաց վարձատրություն:

2.2. Փորձագետը պարտավորվում է՝

2.2.1. Ծանոթանալ Նյութերի հետ, գնահատել դրանց բովանդակության և ձևավորման համապատասխանությունը գործող պահանջներին:

2.2.2. Նյութերի հեղինակների և դրանց փորձաքննության պատասխանատուի՝ Աշխատակազմի__________________________________________________________

                                                                                                          (պաշտոն, անուն, հայրանուն, ազգանուն)

հետ համատեղ մասնակցել այդ Նյութերի աշխատանքային քննարկումներին:

2.2.3. Առաջարկություններ տալ Նյութերում տեղ գտած թերությունների վերացման վերաբերյալ:

2.2.4. Նյութերի վերաբերյալ իր կողմից կազմված փորձագիտական եզրակացությունը ներկայացնել Գործակալություն` _____________________ ժամկետում:

2.3. Գործատուն իրավունք ունի.

2.3.1. Նյութերի պետական ընդերքաբանական փորձաքննության ժամանակահատվածում սահմանել Պայմանագրի 2.2.1-ին, 2.2.2-րդ և 2.2.3-րդ ենթակետերում նշված Փորձագետի պարտավորությունների իրականացման ժամկետները, հաշվի առնելով տվյալ Նյութերի փորձաքննության գործընթացի փաստացի ընթացքը:

2.4. Գործատուն պարտավորվում է՝

2.4.1. Տրամադրել Փորձագետին փորձաքննության ենթարկվելիք Նյութերի լիարժեք փաթեթը և ապահովել նրան համապատասխան հրահանգչական ու նորմատիվ փաստաթղթերով:

2.4.2. Կազմակերպել Նյութերի աշխատանքային քննարկումներ Նյութերի հեղինակների, դրանց փորձաքննության պատասխանատուի և փորձաքննությանը ներգրավված բոլոր անկախ փորձագետների մասնակցությամբ:

3.1. Փորձագետի կողմից պայմանագրի 1.1-ին կետով նախատեսված աշխատանքի կատարման համար սահմանվում է

______________________________(________________________________________________)

        ^{(գումարը թվերով)                                                                                                                     (գումարը բոռերով)}

ՀՀ դրամ աշխատավարձ, որը հաշվարկվում է հաշվի առնելով Սանդղակի համաձայն սահմանված փորձաքննության բարդության _____ գործակիցը:

3.2. Պայմանագրի 3.1-ին կետով նախատեսված աշխատավարձին համապատասխանող Արցախի Հանրապետության օրենսդրությամբ սահմանված պարտադիր վճարումներն իրականացնում է Գործատուն:

3.3. Վճարման ձևը փոխանցումային է:

4.1. Փորձագետի վարձատրությունն իրականացվում է միանվագ` նրա Փորձագիտական եզրակացությունը Գործակալություն ներկայացնելուց հետո, մեկ ամսվա ընթացքում:

4.2. Փորձագետի վարձատրության հիմք է հանդիսանում Պայմանագրով նախատեսված աշխատանքների կատարման վերաբերյալ Աշխատակազմի բնական ռեսուրսների, թափոնների և մթնոլորտ արտանետումների կառավարման գործակալության պետի զեկուցագրի վրա Աշխատակազմի ղեկավարի համապատասխան նշագրումը:

5.1. Պայմանագիրը ուժի մեջ է մտնում կնքման պահից և գործում է մինչև ______________: