ԱՐՑԱԽԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ

ԾԱՌԱՅՈՒԹՅՈՒՆՆԵՐԸ ԵՎ ՏՆՏԵՍԱԿԱՆ ՄՐՑԱԿՑՈՒԹՅՈՒՆԸ

ԿԱՐԳԱՎՈՐՈՂ ՊԵՏԱԿԱՆ ՀԱՆՁՆԱԺՈՂՈՎ

2021 թվականի նոյեմբերի 29-ի

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ

ԵՎ ՏՆՏԵՍԱԿԱՆ ՄՐՑԱԿՑՈՒԹՅՈՒՆԸ ԿԱՐԳԱՎՈՐՈՂ ՊԵՏԱԿԱՆ ՀԱՆՁՆԱԺՈՂՈՎԻ

2009 ԹՎԱԿԱՆԻ ՄԱՅԻՍԻ 7-Ի ԹԻՎ 36Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ

ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

N 74-Ն

Ո Ր Ո Շ ՈՒ Մ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը` Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովը որոշում է.

1. Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի 2009 թվականի մայիսի 7-ի «Տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման սակագների սահմանման ու վերանայման կարգը հաստատելու մասին» Թիվ 36Ն որոշման 1-ին կետով հաստատված հավելվածում՝ «Տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման սակագների սահմանման և վերանայման կարգում» (այսուհետ՝ Կարգ), կատարել հետևյալ փոփոխությունները և լրացումները.

1) Կարգի 9-րդ կետը շարադրել նոր խմբագրությամբ.

«9. Ծառայություններ մատուցող անձինք սույն կարգի թիվ 1 ենթահավելվածի 1-ին կետով և թիվ 5 ենթահավելվածով սահմանված ձևերով նախատեսված փաստացի տեղեկատվությունը Հանձնաժողով են ներկայացնում հայտ ներկայացնելու տարվան նախորդող վերջին երկու հաշվետու տարիների արդյունքներով:».

2) Կարգի 21-րդ կետը շարադրել նոր խմբագրությամբ.

«21. Ծառայություններ մատուցող անձինք միաժամանակ Հանձնաժողով են ներկայացնում հաշվապահական հաշվառման հաշիվների շրջանառության տեղեկագիրը՝ եռամսյակային արդյունքներով և Լեռնային Ղարաբաղի Հանրապետության կառավարությանն առընթեր հարկային պետական ծառայության պետի 2014 թվականի հունվարի 22-ի «Ռեզիդենտների շահութահարկի հաշվարկի ձևն ու լրացման կարգը սահմանելու և Լեռնային Ղարաբաղի Հանրապետության կառավարությանն առընթեր հարկային պետական ծառայության 2010 թվականի հունվարի 20-ի N 1/Ն հրամանն ուժը կորցրած ճանաչելու մասին» N 3-Ն հրամանով սահմանված ձևով ներկայացվող շահութահարկի հաշվարկը՝ տարեկան արդյունքներով:».

3) Կարգի թիվ 1 ենթահավելվածում՝

ա. 1-ին կետը շարադրել նոր խմբագրությամբ.

«1. Ծառայություններ մատուցող անձանց հաշվապահական հաշվառման հաշիվների շրջանառության տեղեկագիր և Լեռնային Ղարաբաղի Հանրապետության կառավարությանն առընթեր հարկային պետական ծառայության պետի 2014 թվականի հունվարի 22-ի «Ռեզիդենտների շահութահարկի հաշվարկի ձևն ու լրացման կարգը սահմանելու և Լեռնային Ղարաբաղի Հանրապետության կառավարությանն առընթեր հարկային պետական ծառայության 2010 թվականի հունվարի 20-ի N 1/Ն հրամանն ուժը կորցրած ճանաչելու մասին» N 3-Ն հրամանով սահմանված ձևով ներկայացվող շահութահարկի հաշվարկ,»,

բ. 16-րդ կետում «:» կետադրական նշանը փոխարինել «,» կետադրական նշանով,

գ. լրացնել հետևյալ բովանդակությամբ 17-րդ կետ.

«17. տեղեկատվություն հիմնական միջոցների մասին (ենթահավելված թիվ 5, ձև 5-7):».

4) Կարգի թիվ 5 ենթահավելվածը լրացնել Ձև 5-7-ով՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

_________________________________________________

(ընկերության անվանումը)

ՏԵՂԵԿԱՏՎՈՒԹՅՈՒՆ ՀԻՄՆԱԿԱՆ ՄԻՋՈՑՆԵՐԻ ՄԱՍԻՆ

առ 1 ______________ 20 . . թվականի

1. Ներկայացման ժամկետը՝ մինչև հաշվետու եռամսյակին հաջորդող երկրորդ ամսվա 1-ը:

2. Տարեկան հաշվետվությունների ներկայացման ժամկետը՝ մինչև հաշվետու տարվան հաջորդող տարվա ապրիլի 20-ը: