ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
«30» հունվարի 2007թ. |
N 32 |
ք.Ստեփանակերտ
Խրախուսման ֆոնդի միջոցների օգտագործման կարգը հաստատելու մասին
Լեռնային Ղարաբաղի Հանրապետության կառավարությունը ո ր ո շ ու մ է.
1. Հաստատել Լեռնային Ղարաբաղի Հանրապետության օրենսդիր, գործադիր և դատական իշխանության, ինչպես նաև Լեռնային Ղարաբաղի Հանրապետության օրենքներով ստեղծված մշտապես գործող մարմինների աշխատողների խրախուսման ֆոնդի օգտագործման կարգը՝ համաձայն հավելվածի:
2. Սույն որոշման գործողությունը տարածվում է 2007թ. հունվարի 1-ից հետո ծագած հարաբերությունների վրա:
|
ԼՂՀ ՎԱՐՉԱՊԵՏ |
Ա. ԴԱՆԻԵԼՅԱՆ |
| |
Հավելված
ԼՂՀ կառավարության
2007թ. հունվարի 30-ի
թիվ 32 որոշման |
Կ Ա Ր Գ
Լեռնային Ղարաբաղի Հանրապետության օրենսդիր, գործադիր և դատական իշխանության, ինչպես նաև Լեռնային Ղարաբաղի Հանրապետության օրենքներով ստեղծված մշտապես գործող մարմինների աշխատողների խրախուսման ֆոնդի միջոցների օգտագործման
1. Սույն կարգով սահմանվում է Լեռնային Ղարաբաղի Հանրապետության օրենսդիր, գործադիր և դատական իշխանության, ինչպես նաև Լեռնային Ղարաբաղի Հանրապետության օրենքներով ստեղծված մշտապես գործող մարմինների աշխատողների՝ բացառությամբ քաղաքացիական ծառայողների, Լեռնային Ղարաբաղի Հանրապետության Ազգային ժողովի աշխատակազմի պետական ծառայողների և հատուկ ծառայության ծառայողների, խրախուսման ֆոնդի (այսուհետ՝ խրախուսման ֆոնդ) միջոցների օգտագործման կարգը:
2. Խրախուսման ֆոնդի միջոցները օգտագործվում են՝ որպես սույն կարգի 1-ին մասով նշված աշխատողների.
ա/ խրախուսում՝ բարեխիղճ աշխատանքի համար,
բ/ միանվագ դրամական օգնություն՝
աշխատողի կամ նրա ընտանիքի անդամի մահվան,
երկարատև հիվանդության,
տարերային աղետի հետևանքով պատճառված վնասի դեպքում:
3. Խրախուսման չափը տարվա ընթացքում չպետք է գերազանցի տվյալ աշխատողի պաշտոնային դրույքաչափի կրկնապատիկը:
4. Խրախուսման չի կարող ներկայացվել այն աշխատողը, ում նկատմամբ տվյալ տարվա ընթացքում կիրառվել է կարգապահական տույժ:
5. Բյուջետային ֆինանսավորման համար ԼՂՀ ֆինանսների և էկոնոմիկայի նախարարություն ներկայացվող հայտում նշվում է միանվագ դրամական օգնությանն ուղղվող և խրախուսման նպատակով օգտագործվող չափերը` առանձին-առանձին:
|
ԼՂՀ կառավարության աշխատակազմի
ղեկավար-նախարար |
Ս. Գրիգորյան |