ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

ՆՎԱԶԱԳՈՒՅՆ ԱՇԽԱՏԱՎԱՐՁԻ ՄԱՍԻՆ

Հոդված 1. Լեռնային Ղարաբաղի Հանրապետությունում նվազագույն ամսական աշխատավարձը սահմանել 10000 (տաս հազար) դրամի չափով:

Հոդված 2. Գործավարձով վարձատրվող աշխատակիցների համար ժամային տարիֆային դրույքի նվազագույն չափը սահմանել՝

աշխատաժամանակի բնականոն (նորմալ) տևողության դեպքում (41-ժամյա աշխատանքային շաբաթ)՝ 58 դրամ.

աշխատաժամանակի կրճատ տևողության դեպքում (36-ժամյա աշխատանքային շաբաթ)՝ 66 դրամ.

աշխատաժամանակի կրճատ տևողության դեպքում (30-ժամյա աշխատանքային շաբաթ)՝ 80 դրամ:

Հոդված 3. Լեռնային Ղարաբաղի Հանրապետության օրենսգրքերի, օրենքների, Լեռնային Ղարաբաղի Հանրապետության նախագահի հրամանագրերի, Լեռնային Ղարաբաղի Հանրապետության կառավարության և Լեռնային Ղարաբաղի Հանրապետության վարչապետի որոշումների, նախարարությունների, պետական վարչությունների և գերատեսչությունների, տեղական ինքնակառավարման մարմինների, առանձին իրավաբանական անձանց ակտերի իմաստով որպես հաշվարկային հիմք չի կարող ընդունվել սույն օրենքով սահմանված նվազագույն ամսական աշխատավարձի չափը:

Նշված ակտերում որպես հաշվարկային հիմք պահպանվում է մինչև սույն օրենքի ուժի մեջ մտնելը գործող նվազագույն ամսական աշխատավարձի 1000 (մեկ հազար) դրամ չափը:

Հոդված 4. Սույն օրենքն ուժի մեջ է մտնում 1999 թվականի մարտի 1-ից: