ԱՐՑԱԽԻ ՀԱՆՐԱՊԵՏՈՒԹՅԱՆ ՕՐԵՆՔԸ

«ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ ՄԱՍԻՆ» ՕՐԵՆՔՈՒՄ

ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Հեռուստատեսության և ռադիոյի մասին» 2006 թվականի դեկտեմբերի 6-ի ՀՕ-5 օրենքի (այսուհետ՝ Օրենք) 28-րդ հոդվածի 7-րդ մասի երկրորդ նախադասությունը շարադրել նոր խմբագրությամբ.

«Նման հաղորդումների ընդհանուր տևողությունը չպետք է գերազանցի հեռուստատեսությամբ և ռադիոյով օրվա եթերաժամի 20 տոկոսը:»:

Հոդված 2. Օրենքի 29-րդ հոդվածի՝

1) 2-րդ մասում «երեք» բառը փոխարինել «հինգ» բառով.

2) 4-րդ մասը շարադրել նոր խմբագրությամբ.

«Խորհրդի անդամներն իրենց աշխատանքներն իրականացնում են հասարակական հիմունքներով:».

3) 5-րդ մասն ուժը կորցրած ճանաչել:

Հոդված 3. Օրենքի 30-րդ հոդվածի 1-ին մասի «ամենօրյա գործունեության և» բառերը հանել:

Հոդված 4. Օրենքի 31-րդ հոդվածի՝

1) 1-ին մասի «ա» կետի «և նրա աշխատակազմի» բառերը հանել.

2) 2-րդ մասը և 3-րդ մասի «բ» կետն ուժը կորցրած ճանաչել:

Հոդված 5. Օրենքի 34-րդ հոդվածն ուժը կորցրած ճանաչել:

Հոդված 6. Օրենքի 35-րդ հոդվածի 1-ին մասի «` առանձին տողով նշելով Խորհրդին, Հանրային հեռուստաընկերությանը և Հանրային ռադիոընկերությանը հատկացվելիք գումարները,» բառերը հանել:

Հոդված 7. Սույն օրենքն ուժի մեջ է մտնում պաշտոնական հրապարակմանը հաջորդող տասներորդ օրվանից:

Հոդված 8. Հասարակական հիմունքներով գործող խորհուրդն իր լիազորությունները ստանձնում է սույն օրենքն ուժի մեջ մտնելուց հետո՝ երկամսյա ժամկետում:

Հոդված 9. Հասարակական հիմունքներով գործող խորհրդի լիազորությունների ստանձնումից հետո խորհրդի աշխատակազմի աշխատողները համարվում են Արցախի Հանրապետության «Հանրային հեռուստառադիոընկերություն» փակ բաժնետիրական ընկերության աշխատողներ: