ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

«24» հոկտեմբերի 2007թ.

N 443

  ք.Ստեփանակերտ

 

Լեռնային Ղարաբաղի Հանրապետության կառավարությանն առընթեր սպորտի պետական կոմիտեի կանոնադրությունը հաստատելու մասին

 

Ղեկավարվելով «Պետական կառավարչական հիմնարկների մասին» Լեռնային Ղարաբաղի Հանրապետության օրենքի 7-րդ և 11-րդ հոդվածի 1-ին մասի «բ» կետով և Լեռնային Ղարաբաղի Հանրապետության Նախագահի 2007թ. սեպտեմբերի 25-ի «ԼՂՀ կառավարության կառուցվածքը սահմանելու մասին» ՆՀ-9 հրամանագրին և Լեռնային Ղարաբաղի Հանրապետության կառավարության 2007թ. հոկտեմբերի 3-ի «ԼՂՀ կրթության, մշակույթի և սպորտի նախարարության աշխատակազմ» պետական կառավարչական հիմնարկը բաժանման ձևով վերակազմակերպելու մասին» թիվ 408 որոշմանը համապատասխան՝ Լեռնային Ղարաբաղի Հանրապետության կառավարությունը ո ր ո շ ու մ է.

Հաստատել Լեռնային Ղարաբաղի Հանրապետության կառավարությանն առընթեր սպորտի պետական կոմիտեի կանոնադրությունը՝ համաձայն հավելվածի:

 

 

ԼՂՀ ՎԱՐՉԱՊԵՏ

Ա. ՀԱՐՈՒԹՅՈՒՆՅԱՆ

 

 

Հավելված ԼՂՀ կառավարության  «24» հոկտեմբերի 2007թ. թիվ 443 որոշման

 

Կ Ա Ն Ո Ն Ա Դ Ր ՈՒ Թ Յ ՈՒ Ն

 

ԼՂՀ կառավարությանն առընթեր սպորտի պետական կոմիտեի

1. Ընդհանուր դրույթներ

 

1. Լեռնային Ղարաբաղի Հանրապետության կառավարությանն առընթեր սպորտի պետական կոմիտեն /այսուհետ` կոմիտե/ Լեռնային Ղարաբաղի Հանրապետության գործադիր իշխանության հանրապետական մարմին է, որը մշակում և իրականացնում է ֆիզիկական կուլտուրայի և սպորտի բնագավառում Լեռնային Ղարաբաղի Հանրապետության կառավարության քաղաքականությունը:

2. Կոմիտեն ստեղծվում, վերակազմակերպվում է, և նրա գործունեությունը դադարեցվում է Լեռնային Ղարաբաղի Հանրապետության Նախագահի հրամանագրով:

3. Կոմիտեի լիազորությունները սահմանվում են օրենքներով, Լեռնային Ղարաբաղի Հանրապետության Նախագահի հրամանագրերով, կարգադրություններով, Լեռնային Ղարաբաղի Հանրապետության կառավարության որոշումներով, ինչպես նաև Լեռնային Ղարաբաղի Հանրապետության միջազգային պայմանագրերով:

4. Կոմիտեն իր գործունեությունն իրականացնում է Լեռնային Ղարաբաղի Հանրապետության օրենսդրությանը և այլ իրավական ակտերին համապատասխան:

5. Կոմիտեն ունի Լեռնային Ղարաբաղի Հանրապետության զինանշանի պատկերով և իր` հայերեն անվանմամբ կլոր կնիք, ձևաթղթեր, խորհրդանիշ և այլ անհատականացման միջոցներ:

6. Կոմիտեն կազմված է կոմիտեի նախագահից և կոմիտեի աշխատակազմից: Կոմիտեի համակարգում ընդգրկվում են կոմիտեի ենթակայությանը հանձնված պետական ոչ առևտրային կազմակերպություններ և բաժնետիրական ընկերություններ:

7. Կոմիտեի նպատակները և խնդիրներն են`

ա/ Նոր սոցիալ-տնտեսական պայմաններում ֆիզիկական կուլտուրայի և սպորտի զարգացման պետական քաղաքականության ռազմավարության մշակումը, Լեռնային Ղարաբաղի Հանրապետության ֆիզիկական կուլտուրայի և սպորտի հայեցակարգում ամրագրված հիմնական դրույթների իրականացման ապահովումը.

բ/ բնակչության առողջացման, ֆիզիկական դաստիարակության գիտականորեն հիմնավորված համակարգի ստեղծումը.

գ/ ֆիզիկական կուլտուրայի և սպորտի զարգացման հանրապետական նպատակային ծրագրերի մշակումն ու իրագործումը.

դ/ մատաղ սերնդի ֆիզիկական և մտավոր ինչպես նաև մասնագիտական հոգևոր զարգացման համար բարենպաստ պայմանների ու հնարավորությունների ապահովումը:

ե/ ֆիզիկական կուլտուրայի և սպորտի դերի բարձրացումն անհատի բազմակողմանի ու ներդաշնակ զարգացման, բնակչության առողջության ամրապնդման, առողջ ապրելակերպի ձևավորման և ակտիվ հանգստի կազմակերպման գործում.

զ/ բնակչության ֆիզիկական դաստիարակության և մարզիկների պատրաստման գիտականորեն հիմնավորված համակարգի մշակումն ու գործնականում ներդրումը, հաշմանդամների համար ֆիզիկական կուլտուրայով և սպորտով զբաղվելու նպաստավոր պայմանների ստեղծումը.

է/ ֆիզկուլտուրային և մարզական հանրապետական միջոցառումների անցկացումը.

ը/ ֆիզիկական կուլտուրայի և սպորտի մասնագետների պատրաստմանն աջակցումը և նրանց վերապատրաստման աշխատանքների կազմակերպումը.

թ/ ֆիզիկական կուլտուրայի և սպորտի բնագավառում գիտամեթոդական և հետազոտական աշխատանքների իրականացման ապահովումը, գիտական հետազոտությունների անցկացման ծրագրերի համադասումը.

ժ/ Հանրապետությունում տարբեր մարզաձևերի ազգային ֆեդերացիաների գործունեությանն ըստ ամենայնի աջակցելը:

 

2. Կոմիտեի գործառույթները

 

8. Կոմիտեն իր նպատակների և խնդիրների իրականացման համար` Լեռնային Ղարաբաղի Հանրապետության օրենսդրությամբ սահմանված կարգով իրականացնում է հետևյալ գործառույթները`

ա/ Ֆիզիկական կուլտուրայի և սպորտի վերաբերյալ Լեռնային Ղարաբաղի Հանրապետության օրենսդրության կիրառման արդյունքների վերլուծություն ու ամփոփում, դրա կատարելագործման վերաբերյալ առաջարկությունների, նորմատիվ իրավական ակտերի նախագծերի մշակում և դրանք սահմանված կարգով Լեռնային Ղարաբաղի Հանրապետության կառավարության հաստատմանը ներկայացնելը,

բ/ Լեռնային Ղարաբաղի Հանրապետության իրավասու նախարարությունների, հասարակական կազմակերպությունների հետ համատեղ հանրապետությունում ֆիզկուլտուրայի և սպորտի զարգացման ծրագրերի մշակում և դրանք Լեռնային Ղարաբաղի Հանրապետության կառավարության հաստատմանը ներկայացնելը.

գ/ Լեռնային Ղարաբաղի Հանրապետության իրավասու նախարարությունների և մարզական կազմակերպությունների հետ համատեղ ֆիզկուլտուրային, մարզական չափորոշիչների մշակում և հաստատում.

դ/ համապատասխան նախարարությունների, շրջանային վարչակազմերի, հասարակական կազմակերպությունների հետ համատեղ հանրապետության մարզական միջոցառումների համալիր օրացուցային պլանի մշակում և հաստատում, զանգվածային ֆիզկուլտուրային, առողջարարական ու մարզական միջոցառումների անցկացման նկատմամբ վերահսկողության իրականացում, հանրապետական առաջնությունների, չեմպիոնատների և հավաքների անցկացում.

ե/ հանրապետությունում բնակչության ֆիզիկական դաստիարակության գործի կազմակերպման և մարզիկների պատրաստման նկատմամբ կազմակերպական-մեթոդական ղեկավարության իրականացում.

զ/ ֆիզիկական կուլտուրայի և սպորտի բնագավառում գիտական հետազոտությունների անցկացում, այդ նպատակով նախարարությունների ու կազմակերպությունների աշխատանքների համադասում, ֆիզիկական կուլտուրայի և սպորտի ոլորտի առաջավոր փորձի ու գիտության նվաճումների ընդհանրացում, մարզական կազմակերպություններում և ուսումնական հաստատություններում դրանց ներդրմանն օժանդակում.

է/ Ֆիզիկական կուլտուրայի և սպորտի աշխատանքների վիճակագրական հաշվառման վարում.

ը/ բնագավառի վաստակաշատ անձանց` պետական պարգևների, մրցանակների և պատվավոր կոչումների ներկայացնելը, մարզական կոչումների և կարգերի շնորհում, հանրապետական առաջնությունների մրցանակակիրներին, բնագավառի ակտիվիստներին և կազմակերպություններին մեդալներով, մրցանակներով և դիպլոմներով պարգևատրում.

թ/ հանրապետությունում կատարվող մարզական հերթափոխի պատրաստման աշխատանքներին աջակցելը.

ժ/ Լեռնային Ղարաբաղի Հանրապետության հավաքական թիմերի անդամներին ու կազմակերպություններին մարզահագուստով, մարզագույքով և սարքավորումներով ապահովելու աշխատանքներին մասնակցություն.

ժա/ Ֆիզիկական կուլտուրայի և սպորտի մասնագետների հաշվառում և նրանց նկատմամբ հանրապետության պահանջարկի ուսումնասիրում, Լեռնային Ղարաբաղի Հանրապետության կրթության և գիտության նախարարության հետ համատեղ կոմիտեի համակարգի ուսումնական հաստատություններում ֆիզիկական կուլտուրայի ու սպորտի մասնագետների պատրաստման ապահովում և սահմանված կարգով ֆիզկուլտուրայի ոլորտի կադրերի տեղաբաշխում.

ժբ/ սահմանված կարգով ֆիզիկական դաստիարակության ուսուցիչների, մարզիչների և ֆիզիկական կուլտուրայի ու սպորտի բնագավառի այլ մասնագետների որակավորման բարձրացման աշխատանքների կազմակերպում.

ժգ/ ֆիզիկական կուլտուրայի և սպորտի ոլորտի մասին քարոզչության իրականացում.

ժդ/ պետական կառավարման տարածքային մարմինների հետ համատեղ ֆիզկուլտուրային և սպորտային տարածքային քաղաքականության իրականացման ապահովում.

ժե/ միջազգային միջգերատեսչական պայմանագրերի նախագծերի մշակում և իր իրավասության սահմաններում կնքում, արտասահմանյան երկրների ու սփյուռքահայ համայնքների մարզական կառույցների հետ սահմանված կարգով կապերի ստեղծում.

ժզ/ իր իրավասության սահմաններում Լեռնային Ղարաբաղի Հանրապետության պետական բյուջեի նախագծի մշակման աշխատանքներին մասնակցություն.

ժէ/ իրեն վերապահված լիազորությունների սահմաններում` իր ենթակայության պետական ոչ առևտրային, ինչպես նաև ԼՂՀ միջազգային պայմանագրերով կազմակերպությունների, ինչպես նաև առևտրային կազմակերպությունների բաժնետոմսերի և բաժնեմասերի կառավարում:

9. Կոմիտեն հանրապետությունում զանգվածային ֆիզկուլտուրային, առողջարարական ու մարզական աշխատանքների զարգացմանն ուղղված իր գործունեությունն իրականացնում է հասարակական կազմակերպությունների մասնակցությամբ:

 

3. Կոմիտեի կառավարումը

 

10. Կոմիտեն կառավարում է կոմիտեի նախագահը (այսուհետ՝ նախագահ), որին պաշտոնի նշանակում և պաշտոնից ազատում է Լեռնային Ղարաբաղի Հանրապետության վարչապետը: Նախագահն ունի տեղակալ /տեղակալներ/, որին պաշտոնի նշանակում և պաշտոնից ազատում է Լեռնային Ղարաբաղի Հանրապետության վարչապետը` խորհրդակցելով նախագահի հետ:

Նախագահն իր գործունեության ընթացքում առաջնորդվում է ԼՂՀ Սահմանադրությամբ, Լեռնային Ղարաբաղի Հանրապետության օրենքներով, սույն կանոնադրությամբ, այլ իրավական ակտերով, ինչպես նաև ԼՂՀ միջազգային պայմանագրերով:

11. Նախագահն իրականացնում է կոմիտեին վերապահված խնդիրներն ու գործառույթները և պատասխանատու է լիազորված բնագավառում քաղաքականության մշակման և իրականացման, տիրող իրավիճակի և հեռանկարային զարգացման ապահովման համար:

12. Նախագահը հաշվետու է Լեռնային Ղարաբաղի Հանրապետության Նախագահին, Լեռնային Ղարաբաղի Հանրապետության կառավարությանը և Լեռնային Ղարաբաղի Հանրապետության վարչապետին:

13. Նախագահը`

ա/ իր իրավասության սահմաններում ընդունում և օրենքով սահմանված կարգով հրապարակում է գերատեսչական իրավական ակտեր,

բ/ ղեկավարում է կոմիտեի ընթացիկ գործունեությունը, պատասխանատու է կոմիտեի առջև դրված խնդիրների ու գործառույթների իրականացման համար,

գ/ օրենքով, այլ իրավական ակտերով և սույն կանոնադրությամբ նախատեսված գործունեության բնագավառին, նպատակներին ու խնդիրներին համապատասխան առաջարկություններ է ներկայացնում Լեռնային Ղարաբաղի Հանրապետության կառավարություն,

դ/ իր իրավասության սահմաններում արձակում է հրամաններ և տալիս ցուցումներ, առանց լիազորագրի հանդես է գալիս Լեռնային Ղարաբաղի Հանրապետության կամ կոմիտեի անունից, ինչպես նաև տալիս է Լեռնային Ղարաբաղի Հանրապետության կամ կոմիտեի անունից հանդես գալու լիազորագրեր, այդ թվում նաև վերալիազորման իրավունքով լիազորագրեր,

ե/ օրենսդրությամբ սահմանված դեպքերում և կարգով կատարում է նշանակումներ կոմիտեի քաղաքացիական ծառայության պաշտոններում, ինչպես նաև նրանց նկատմամբ կիրառում է խրախուսանքի և կարգապահական տույժի միջոցներ,

զ/ պաշտոնի նշանակում և պաշտոնից ազատում է իր խորհրդականներին, մամուլի քարտուղարին ու օգնականներին,

է/ օրենքին և սույն կանոնադրությանը համապատասխան սահմանում է կոմիտեի աշխատակազմի կառուցվածքային ստորաբաժանումների իրավասությունների սահմանները,

ը/ սահմանում է աշխատանքի բաշխումը տեղակալի /տեղակալների /միջև,

թ/ օրենքով և սույն կանոնադրությամբ նախատեսված իր լիազորությունների սահմաններում կասեցնում կամ ուժը կորցրած է ճանաչում կոմիտեի աշխատակազմի ղեկավարի, կոմիտեի աշխատակազմի առանձնացված ստորաբաժանումների ղեկավարների, ինչպես նաև կոմիտեի ենթակայության պետական ոչ առևտրային կազմակերպությունների ղեկավարների Լեռնային Ղարաբաղի Հանրապետության օրենսդրության պահանջներին հակասող հրամանները, հրահանգները, հանձնարարագրերը, կարգադրությունները և ցուցումները,

ժ/ լսում և Լեռնային Ղարաբաղի Հանրապետության կառավարության հաստատմանն է ներկայացնում կոմիտեի աշխատակազմի գործունեության մասին տարեկան հաշվետվություններն ու տարեկան հաշվեկշիռը, քննում դրանց գործունեության ստուգման արդյունքները, հաստատում կոմիտեի աշխատակազմի տարեկան պահպանման ծախսերի նախահաշիվը, դրա կատարողականը և ֆինանսական հաշվետվությունների արժանահավատության վերստուգման արդյունքները,

ժա/ վերահսկողություն է իրականացնում կոմիտեի աշխատակազմին ամրացված պետական սեփականության պահպանության ու օտարման նկատմամբ,

ժբ/ Լեռնային Ղարաբաղի Հանրապետության կառավարության հաստատմանն է ներկայացնում կոմիտեի կանոնադրությունը և աշխատակազմի կառուցվածքը,

ժգ/ Լեռնային Ղարաբաղի Հանրապետության վարչապետի հաստատմանն է ներկայացնում կոմիտեի աշխատողների թիվը,

ժդ/ Լեռնային Ղարաբաղի Հանրապետության օրենքով նախատեսված դեպքերում և կարգով շնորհում է Լեռնային Ղարաբաղի Հանրապետության քաղաքացիական ծառայության դասային աստիճաններ,

ժե/ ստեղծում է խորհրդակցական մարմիններ,

ժզ/ իրականացնում է օրենքով, այլ իրավական ակտերով և սույն կանոնադրությամբ նախատեսված այլ լիազորություններ:

14. Նախագահի բացակայության դեպքում նրա հանձնարարությամբ նախագահի պարտականությունները կատարում է նախագահի տեղակալը /տեղակալներից մեկը/:

15. Նախագահի տեղակալը`

ա/ համակարգում է կոմիտեի համակարգի աշխատանքները՝ կոմիտեին վերապահված քաղաքականության իրականացման իրեն հանձնարարված բնագավառում,

բ/ իր լիազորությունների սահմաններում կոմիտեի աշխատակազմի կառուցվածքային ստորաբաժանումների միջոցով համակարգում է կոմիտեի` իրեն հանձնարարված բնագավառներում, քաղաքականության ապահովման համար անհրաժեշտ աշխատանքները` տալով ցուցումներ ու հանձնարարականներ,

գ/ կոմիտեի նպատակներին ու խնդիրներին համապատասխան` սահմանում է իրեն հանձնարարված բնագավառի` կոմիտեի համակարգի մարմիններին տրվող հանձնարարականներն ու առաջադրանքները, իրականացնում վերահսկողություն դրանց կատարման նկատմամբ,

դ/ նախագահի հանձնարարությամբ իրականացնում է նախագահի մոտ քննարկվելիք հարցերի նախնական քննարկումները,

ե/ համակարգում է իրեն հանձնարարված աշխատանքների մասնագիտական ուսումնասիրությունները և աշխատանքների ընթացքի օպերատիվ վերլուծությունը,

զ/ իր լիազորությունների սահմաններում համագործակցում է պետական կառավարման և այլ մարմինների կազմակերպությունների ու հիմնարկների հետ,

է/ իրեն հանձնարարված բնագավառում համակարգում է համապատասխան զարգացման ծրագրերի մշակման և իրականացման աշխատանքները,

ը/ պարբերաբար նախագահին է ներկայացնում տեղեկատվություն իրեն հանձնարարված բնագավառում տիրող իրավիճակի վերաբերյալ,

թ/ ապահովում է իրեն հանձնարարված բնագավառում նախագահի հրամանների ու ցուցումների կատարման նկատմամբ վերահսկողությունը և արդյունքների մասին տեղեկացնում նախագահին,

ժ/ նախագահին և աշխատակազմի ղեկավարին ներկայացնում է առաջարկություններ նրանց իրավասություններին վերաբերող հարցերի մասին,

ժա/ նախագահի հանձնարարությամբ իրականացնում է այլ գործառույթներ:

16. Նախագահը կարող է ունենալ խորհրդականներ, մամուլի քարտուղար և օգնականներ, որոնց միջև սահմանում է պարտականությունների բաշխումը:

 

4. Կոմիտեի աշխատակազմը

 

17. Կոմիտեի աշխատակազմի նպատակը և խնդիրները կոմիտեին /այդ թվում՝ նրա կազմում գործող գործակալություններին, տեսչություններին/ օրենքներով, այլ իրավական ակտերով և սույն կանոնադրությամբ վերապահված լիազորությունների լիարժեք ու արդյունավետ իրականացման, ինչպես նաև քաղաքացիական իրավահարաբերություններին կոմիտեի մասնակցության ապահովումն է:

18. Կոմիտեի աշխատակազմն իրավաբանական անձի կարգավիճակ չունեցող պետական կառավարչական հիմնարկ է, որը Լեռնային Ղարաբաղի Հանրապետության օրենսդրությամբ սահմանված կարգով, որպես պետական կառավարչական հիմնարկ ենթակա է հաշվառման իրավաբանական անձանց գրանցում իրականացնող մարմնի կողմից:

19. Կոմիտեի աշխատակազմը գործում է Լեռնային Ղարաբաղի Հանրապետության քաղաքացիական օրենսգրքի, «Պետական կառավարչական հիմնարկների մասին» Լեռնային Ղարաբաղի Հանրապետության օրենքի, այլ օրենքների ու իրավական ակտերի, Լեռնային Ղարաբաղի Հանրապետության միջազգային պայմանագրերի և սույն կանոնադրության հիման վրա:

20. Կոմիտեի աշխատակազմն իր իրավասության սահմաններում Լեռնային Ղարաբաղի Հանրապետության անունից կարող է ձեռք բերել ու իրականացնել գույքային և անձնական ոչ գույքային իրավունքներ, կրել պարտականություններ, դատարանում հանդես գալ որպես հայցվոր կամ պատասխանող:

21. Կոմիտեի աշխատակազմն ունի Լեռնային Ղարաբաղի Հանրապետության զինանշանի պատկերով և իր` հայերեն անվանմամբ կլոր կնիք, ձևաթղթեր, խորհրդանիշ և անհատականացման այլ միջոցներ:

22. Կոմիտեի աշխատակազմն ունի ինքնուրույն հաշվեկշիռ:

23. Կոմիտեի աշխատակազմը չի կարող իրականացնել ձեռնարկատիրական գործունեություն: Կոմիտեի աշխատակազմի կատարած գործառույթների և մատուցած ծառայությունների դիմաց կարող է գանձվել միայն պետական տուրք՝ օրենքով սահմանված չափով և կարգով:

24. Կոմիտեի աշխատակազմը իր ֆինանսական գործառնությունները իրականացնում է գանձապետական համակարգի միջոցով: Կոմիտեի աշխատակազմի պահպանման կարիքների համար, ինչպես նաև կոմիտեի լիազորության վերապահված բյուջետային ծրագրերի շրջանակներում գնումները կատարում են «Գնումների մասին» Լեռնային Ղարաբաղի Հանրապետության օրենքով սահմանված կարգով:

25. Կոմիտեի աշխատակազմի պարտավորությունների համար պատասխանատվությունը կրում է Լեռնային Ղարաբաղի Հանրապետությունը:

26. Կոմիտեի աշխատակազմի անվանումն է` Լեռնային Ղարաբաղի Հանրապետության կառավարությանն առընթեր սպորտի պետական կոմիտեի աշխատակազմ:

27. Կոմիտեի աշխատակազմի գտնվելու վայրն է` ք. Ստեփանակերտ, Գ.Լուսավորիչ 8:

 

5. Կոմիտեի աշխատակազմի գույքը

 

28. Կոմիտեի աշխատակազմի գույքն օրենքով սահմանված կարգով` ձևավորվում է Լեռնային Ղարաբաղի Հանրապետության կառավարության կողմից, ինչպես նաև Լեռնային Ղարաբաղի Հանրապետության անունից աշխատակազմի կնքած գործարքների միջոցով ձեռք բերված և աշխատակազմի տիրապետմանը, տնօրինմանն և օգտագործմանը հանձնված /ամրացված/ գույքից /ներառյալ գույքային իրավունքները/, որը հաշվառվում է նրա հաշվեկշռում: Լեռնային Ղարաբաղի Հանրապետության կառավարության որոշմամբ, կոմիտեի աշխատակազմին կարող է վերապահվել նաև պետական բաժնետոմսերի կամ բաժնեմասերի տիրապետման իրավասություն:

29. Լեռնային Ղարաբաղի Հանրապետության կառավարությունն իրավունք ունի ցանկացած ժամանակ վերցնելու կոմիտեի աշխատակազմի գույքը:

30. Կոմիտեի աշխատակազմն իրավունք ունի օրենքով, այլ իրավական ակտերով և սույն կանոնադրությամբ նախատեսված դեպքերում և կարգով, իր գործունեության նպատակներին ու գույքի նշանակությանը համապատասխան օգտագործելու, տիրապետելու և տնօրինելու իր գույքը:

 

6. Կոմիտեի աշխատակազմի կառուցվածքը

 

31. Կոմիտեի աշխատակազմի կառուցվածքը ներառում է նրա կառուցվածքային ստորաբաժանումները /վարչություններ, բաժիններ, քարտուղարություն/ և առանձնացված ստորաբաժանումները` /գործակալություններ, տեսչություններ/:

32. Կոմիտեի աշխատակազմի կառուցվածքային ստորաբաժանումների կանոնադրությունները հաստատում է կոմիտեի նախագահը:

 

7. Կոմիտեի աշխատակազմի կառավարումը

 

33. Կոմիտեի աշխատակազմի կառավարումն իրականացնում են Լեռնային Ղարաբաղի Հանրապետության կառավարությունը և կոմիտեի նախագահը՝ օրենքով և սույն կանոնադրությամբ իրենց վերապահված իրավասությունների սահմաններում:

Կոմիտեի աշխատակազմը ղեկավարում է կոմիտեի աշխատակազմի ղեկավարը, որը պաշտոնի է նշանակվում և պաշտոնից ազատվում է օրենքով սահմանված կարգով:

34. Լեռնային Ղարաբաղի Հանրապետության կառավարությունը`

ա/ վերակազմակերպում և դադարեցնում է կոմիտեի աշխատակազմի գործունեությունը,

բ/ հաստատում է կոմիտեի աշխատակազմի կանոնադրությունը և դրանում կատարվող փոփոխությունները,

գ/ որոշում է կոմիտեի աշխատակազմին հանձնվող գույքի կազմը և չափը,

դ/ հաստատում է կոմիտեի աշխատակազմի կառուցվածքը,

ե/ իրականացնում է օրենքով և սույն կանոնադրությամբ նախատեսված այլ լիազորություներ:

35. Կոմիտեի աշխատակազմի ղեկավարն օրենքով, այլ իրավական ակտերով, նախագահի հրամաններով և սույն կանոնադրությամբ իրեն վերապահված լիազորությունների սահմաններում ղեկավարում է կոմիտեի աշխատակազմի ընթացիկ գործունեությունը և կրում պատասխանատվություն օրենքների, այլ իրավական ակտերի, Լեռնային Ղարաբաղի Հանրապետության կառավարության որոշումների ու նախագահի հրամանների, սույն կանոնադրության պահանջները չկատարելու կամ ոչ պատշաճ կատարելու համար:

36. Կոմիտեի աշխատակազմի ղեկավարն օրենքով սահմանված կարգով գույքային պատասխանատվություն է կրում իր մեղքով պետությանը պատճառված գույքային վնասի համար:

Կոմիտեի աշխատակազմի ղեկավարի լիազորությունների դադարեցումը չի կարող հիմք հանդիսանալ պատճառված նյութական վնասը հատուցելու պարտականությունները չկատարելու համար:

37. Կոմիտեի աշխատակազմի ղեկավարը պարտավոր է չկատարել կոմիտեի նախագահի` Լեռնային Ղարաբաղի Հանրապետության օրենսդրությանը հակասող որոշումները, կարգադրությունները, հրամաններն ու հրահանգները:

38. Կոմիտեի աշխատակազմի ղեկավարի բացակայության կամ պաշտոնական պարտականությունների կատարման անհնարինության դեպքում հարցը կարգավորվում է «Քաղաքացիական ծառայության մասին» ԼՂՀ օրենքի 18-րդ հոդվածով սահմանված կարգով:

39. Կոմիտեի աշխատակազմի ղեկավարը`

ա/ առանց լիազորագրի իր իրավասության սահմաններում հանդես է գալիս Լեռնային Ղարաբաղի Հանրապետության անունից և ներկայացնում նրա շահերը, իր լիազորության սահմաններում դատարանում հանդես է գալիս որպես հայցվոր կամ պատասխանող, տալիս է լիազորագրեր՝ դատարանում գործը վարելու և դատավարական այլ գործողություններ իրականացնելու համար,

բ/ օրենքով, այլ իրավական ակտերով հիմնադրի և սույն կանոնադրությամբ սահմանված կարգով տնօրինում է հիմնարկին ամրացված պետական գույքը, այդ թվում՝ ֆինանսական միջոցները,

գ/ իր իրավասության սահմաններում տալիս է Լեռնային Ղարաբաղի Հանրապետության անունից հանդես գալու լիազորագրեր, այդ թվում՝ նաև վերալիազորման իրավունքով լիազորագրեր,

դ/ օրենքով և սույն կանոնադրությամբ նախատեսված իր լիազորությունների սահմաններում պաշտոնի /աշխատանքի/ նշանակում և պաշտոնից /աշխատանքից/ ազատում է կոմիտեի աշխատակազմի աշխատողներին, նրանց նկատմամբ կիրառում խրախուսանքի ու կարգապահական տույժի միջոցներ,

ե/ օրենքով նախատեսված դեպքերում և կարգով շնորհում է Լեռնային Ղարաբաղի Հանրապետության քաղաքացիական ծառայության դասային աստիճաններ,

զ/ օրենքով, այլ իրավական ակտերով և սույն կանոնադրությամբ սահմանված իր լիազորությունների սահմաններում արձակում է հրամաններ, տալիս պարտադիր կատարման ցուցումներ,

է/ նախագահի հաստատմանն է ներկայացնում կոմիտեի աշխատակազմի տարեկան հաշվետվություններն ու հաշվեկշիռը, այդ թվում՝ ապահովում է կոմիտեի աշխատակազմի հաշվապահական հաշվառումը վարելը, ֆինանսական հաշվետվություններ կազմելը և ներկայացնելը, նախագահի հաստատմանն է ներկայացնում կոմիտեի աշխատակազմի տարեկան պահպանման ծախսերի նախահաշիվը, դրա կատարողականը, տարեկան ֆինանսական հաշվետվություններն ու տարեկան հաշվեկշիռը, միջոցներ է ձեռնարկում ստուգումներով հայտնաբերված ֆինանսական խախտումների վերացման համար,

ը/ նախագահին ներկայացնում է առաջարկություններ կոմիտեի աշխատակազմի գործունեության հիմնական ուղղությունների վերաբերյալ,

թ/ կազմակերպում է կոմիտեի բյուջեի նախագծի նախապատրաստական աշխատանքները և ապահովում բյուջետային միջոցների ծախսերի կատարումը,

ժ/ կազմակերպում է կոմիտեում քննարկումների և խորհրդակցությունների անցկացումը,

ժա/ վերահսկում է կոմիտեի աշխատակազմի կողմից սահմանված ժամկետներում աշխատանքների կատարման ընթացքը,

ժբ/ նախագահի ստորագրությանն է ներկայացնում նախագահի հրամանները, ինչպես նաև կարգադրությունները,

ժգ/ ապահովում է համագործակցությունը Լեռնային Ղարաբաղի Հանրապետության պետական իշխանության մարմինների աշխատակազմերի հետ,

ժդ/ կազմակերպում է կոմիտեի գործավարության և տեխնիկական սպասարկման աշխատանքները,

ժե/ իրականացնում է օրենքով, այլ իրավական ակտերով և սույն կանոնադրությամբ նախատեսված այլ լիազորություններ:

40. Կոմիտեի աշխատակազմի գլխավոր ֆինանսիստը ղեկավարում է կոմիտեի աշխատակազմի ֆինանսական և հաշվապահական ծառայությունները, գործում է կոմիտեի աշխատակազմի ղեկավարի անմիջական ենթակայությամբ և իրականացնում «Գանձապետական համակարգի մասին» Լեռնային Ղարաբաղի Հանրապետության օրենքով իրեն վերապահված լիազորությունները:

41. Կոմիտեի գլխավոր ֆինանսիստը պատասխանատու է հաշվապահական հաշվառումը վարելու, կոմիտեի աշխատակազմի ֆինանսական, բյուջետային, հարկային, վիճակագրական, պարտադիր վճարների հաշվետվությունները ժամանակին կազմելու համար:

 

8. Հաշվապահական հաշվառումը և հաշվետվությունները

 

42. Կոմիտեի աշխատակազմը Լեռնային Ղարաբաղի Հանրապետության օրենսդրությամբ սահմանված կարգով վարում է հաշվապահական հաշվառում և համապատասխան մարմիններին ներկայացնում է ֆինանսական, հարկային, մաքսային պարտադիր վճարների մասին, ինչպես նաև վիճակագրական հաշվետվություններ, հաշվարկներ, հայտարարագրեր:

43. Կոմիտեի աշխատակազմի տարեկան ֆինանսական հաշվետվությունների հավաստիությունը կարող է ենթարկվել աուդիտի /վերստուգման/ Լեռնային Ղարաբաղի Հանրապետության կառավարության սահմանած կարգով:

 

9. Կոմիտեի աշխատակազմի վերակազմակերպումը և գործունեության դադարումը

 

44. Կոմիտեի աշխատակազմի վերակազմակերպման և նրա գործունեության դադարման կարգն ու պայմանները սահմանվում են օրենքով:

 

 

ԼՂՀ կառավարության աշխատակազմի     ղեկավար-նախարար

Ս. ԳՐԻԳՈՐՅԱՆ