ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021

ԹՎԱԿԱՆԻ ԱՊՐԻԼԻ 22-Ի N 353-Ն ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը` Արցախի Հանրապետության կառավարությունը որոշում է.

1. Արցախի Հանրապետության կառավարության 2021 թվականի ապրիլի 22-ի «Պետական լիազորված մարմին ճանաչելու, Լեռնային Ղարաբաղի Հանրապետության կառավարության 2005 թվականի օգոստոսի 23-ի N 346, Լեռնային Ղարաբաղի Հանրապետության կառավարության 2005 թվականի օգոստոսի 23-ի N 348 որոշումների մեջ փոփոխություններ կատարելու և Արցախի Հանրապետության կառավարության մի շարք որոշումներ ուժը կորցրած ճանաչելու մասին» N 353-Ն որոշման (այսուհետ՝ որոշում) մեջ կատարել հետևյալ փոփոխությունները.

1) որոշման նախաբանում ««Տրանսպորտի մասին» օրենքի 5-րդ հոդվածի 1-ին մասը» բառերը փոխարինել ««Տրանսպորտի մասին» օրենքի 5-րդ հոդվածը» բառերով, իսկ «, «Էներգետիկայի բնագավառում և էներգասպառման ոլորտում պետական տեխնիկական վերահսկողության մասին» օրենքի 5-րդ հոդվածը» բառերը հանել.

2) որոշման 1-ին կետի՝

ա. 2-րդ ենթակետում «ընդերքի օգտագործման և պահպանության բնագավառում» բառերը փոխարինել «ընդերքի օգտագործման և պահպանության քաղաքականության մշակման և իրականացման բնագավառում» բառերով,

բ. 4-րդ ենթակետում «տրանսպորտային համակարգի բնագավառում» բառերը փոխարինել «տրանսպորտային համակարգի քաղաքականության մշակման և իրականացման բնագավառում» բառերով,

գ. 7-րդ ենթակետն ուժը կորցրած ճանաչել։

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: