ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ՋՐԱՅԻՆ ՀԱՐԱԲԵՐՈՒԹՅՈՒՆՆԵՐԻ ԿԱՐԳԱՎՈՐՄԱՆ ՄԱՐՄԻՆՆԵՐ

ՃԱՆԱՉԵԼՈՒ ԵՎ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՀՈՒԼԻՍԻ 18-Ի

N 479-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով Վարչական իրավախախտումների վերաբերյալ օրենսգրքի 239-րդ, Ջրային օրենսգրքի 1-ին, 10-րդ, 12-րդ և «Նորմատիվ իրավական ակտերի մասին» օրենքի 41-րդ հոդվածները՝ Արցախի Հանրապետության կառավարությունը որոշում է.

1. Ջրային հարաբերությունների կարգավորման մարմիններ ճանաչել՝

1) Ջրային ռեսուրսների կառավարման և պահպանության բնագավառում՝ քաղաքականության մասով Արցախի Հանրապետության բնապահպանության կոմիտեին, վերահսկողության մասով՝ Արցախի Հանրապետության պետական տեսչությունների կառավարման կոմիտեին.

2) Ջրային համակարգերի կառավարման բնագավառում՝ քաղաքականության մասով Արցախի Հանրապետության ջրային կոմիտեին, վերահսկողության մասով՝ Արցախի Հանրապետության պետական տեսչությունների կառավարման կոմիտեին։

2. Ուժը կորցրած ճանաչել Լեռնային Ղարաբաղի Հանրապետության կառավարության 2015 թվականի հուլիսի 18-ի «Ջրային հարաբերությունների կարգավորման բնագավառում կառավարման լիազոր մարմին ճանաչելու և Լեռնային Ղարաբաղի Հանրապետության կառավարության 2005 թվականի դեկտեմբերի 20-ի N 571 որոշումն ուժը կորցրած ճանաչելու մասին» N 479-Ն որոշումը։

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: