ԱՐՑԱԽԻ ՀԱՆՐԱՊԵՏՈՒԹՅԱՆ ՕՐԵՆՔԸ
| |
Ընդունված է 2022 թվականի
հունիսի 30-ին |
«ՀԱՍՏԱՏԱԳՐՎԱԾ ՎՃԱՐՆԵՐԻ ՄԱՍԻՆ» ՕՐԵՆՔՈՒՄ
ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հոդված 1. «Հաստատագրված վճարների մասին» 1998 թվականի հոկտեմբերի 19-ի ՀՕ-27 օրենքի (այսուհետ` Օրենք) 7-րդ հոդվածում՝
1) «իգ» կետում «:» կետադրական նշանը փոխարինել «.» կետադրական նշանով.
2) լրացնել հետևյալ բովանդակությամբ «իդ» կետ.
«իդ) սույն օրենքի բաղկացուցիչ մասը կազմող հավելվածով սահմանված ցանկում ներառված գործունեության տեսակները:»:
Հոդված 2. Օրենքի 10-րդ հոդվածի 9-րդ մասում «և «ժէ»» բառերը փոխարինել «, «ժէ» և «իդ»» բառերով:
Հոդված 3. Օրենքի 13-րդ հոդվածի 2-րդ մասի երկրորդ պարբերությունից հետո լրացնել հետևյալ բովանդակությամբ պարբերություն.
«Սույն օրենքի 7-րդ հոդվածի «իդ» կետով սահմանված գործունեության տեսակների իրականացման դեպքում վճարողները ելակետային տվյալի մասին հայտարարությունը ներկայացնում են իրենց հաշվառման վայրի հարկային մարմին յուրաքանչյուր եռամսյակի համար` մինչև տվյալ եռամսյակին հաջորդող ամսվա 20-ը ներառյալ, իսկ «Հարկերի մասին» օրենքի 201-ին հոդվածով սահմանված կարգով և ժամկետներում հայտարարագիր ներկայացրած անհատ ձեռնարկատերերը՝ յուրաքանչյուր կիսամյակի համար (եռամսյակային կտրվածքով)` մինչև կիսամյակին հաջորդող ամսվա 20-ը ներառյալ:»:
Հոդված 4. Օրենքի 19-րդ հոդվածում՝
1) 1-ին մասում «վճարումը» բառից հետո լրացնել «, բացառությամբ սույն հոդվածի 1.1-ին մասով սահմանված գործունեության տեսակների,» բառերը.
2) լրացնել հետևյալ բովանդակությամբ 1.1-ին մաս.
«1.1. Սույն օրենքի 7-րդ հոդվածի «իդ» կետով սահմանված գործունեության տեսակների համար հաստատագրված վճարի վճարումը կատարվում է վճարողի կողմից ինքնուրույնաբար՝ յուրաքանչյուր եռամսյակի համար՝ մինչև եռամսյակին հաջորդող ամսվա 20-ը ներառյալ:»:
Հոդված 5. Օրենքը լրացնել հետևյալ բովանդակությամբ 17.4-րդ գլխով.
«Գ Լ ՈՒ Խ 17.4
ՍՈՒՅՆ ՕՐԵՆՔԻ 7-ՐԴ ՀՈԴՎԱԾԻ «ԻԴ» ԿԵՏՈՎ ՍԱՀՄԱՆՎԱԾ ԳՈՐԾՈՒՆԵՈՒԹՅԱՆ
ՏԵՍԱԿՆԵՐ ԻՐԱԿԱՆԱՑՆԵԼՈՒ ՀԱՄԱՐ ՀԱՍՏԱՏԱԳՐՎԱԾ ՎՃԱՐՆԵՐԸ
Հոդված 93.15. Սույն օրենքի 7-րդ հոդվածի «իդ» կետով սահմանված գործունեության տեսակներ իրականացնելու համար հաստատագրված վճար վճարողները
1. Վճարողներ են համարվում սույն օրենքի 7-րդ հոդվածի «իդ» կետով սահմանված ցանկում ներառված գործունեություն (գործունեություններ) իրականացնողները:
Հոդված 93.16. Սույն օրենքի 7-րդ հոդվածի «իդ» կետով սահմանված գործունեության տեսակներ իրականացնելու համար հաստատագրված վճարի չափը
1. Սույն օրենքի 7-րդ հոդվածի «իդ» կետով սահմանված գործունեության տեսակներ իրականացնելու համար հաստատագրված վճարի եռամսյակային չափը հաշվարկվում է ելակետային տվյալի 5 տոկոսի չափով` դրամական արտահայտությամբ:
Հոդված 93.17. Սույն օրենքի 7-րդ հոդվածի «իդ» կետով սահմանված գործունեության տեսակներ իրականացնելու համար հաստատագրված վճարի հաշվարկման ելակետային տվյալը
1. Սույն օրենքի 7-րդ հոդվածի «իդ» կետով սահմանված գործունեության տեսակների համար հաստատագրված վճարի հաշվարկման ելակետային տվյալ է համարվում եռամսյակի ընթացքում սույն օրենքի 7-րդ հոդվածի «իդ» կետով սահմանված ցանկում ներառված գործունեության յուրաքանչյուր տեսակից ստացվող եկամուտները (իրացման շրջանառությունը):»:
Հոդված 6. Օրենքի 94-րդ հոդվածի 1-ին մասի «բ» կետում «ըստ նախնական պատվերների` համապատասխան պայմանագրերի համաձայն, պատվիրատուի ներքին սպառման համար նախատեսված օբյեկտներում հանրային սննդի ծառայությունների մատուցման գործունեություն իրականացնողների, ինչպես նաև խաղարկությունով և ոչ խաղարկությունով, ինչպես նաև համակցված վիճակախաղ կազմակերպողների համար» բառերը փոխարինել «ինչպես նաև սույն օրենքի 7-րդ հոդվածի «գ.1», «ժէ» և «իդ» կետերով սահմանված գործունեության տեսակներ իրականացնողների համար» բառերով:
Հոդված 7. Օրենքը լրացնել հավելվածով՝ համաձայն հավելվածի:
Հոդված 8. Սույն oրենքն ուժի մեջ է մտնում պաշտոնական հրապարակմանը հաջորդող օրվանից, և դրա գործողությունը տարածվում է 2022 թվականի հուլիսի 1-ից ծագած հարաբերությունների վրա:
|
ԱՐՑԱԽԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ` |
Ա. ՀԱՐՈՒԹՅՈՒՆՅԱՆ |
| |
|
|
2022թ. հուլիսի 7
Ստեփանակերտ
ՀՕ-51-Ն |
| |
Հավելված
««Հաստատագրված վճարների մասին»
օրենքում փոփոխություններ և լրացումներ
կատարելու մասին» օրենքի |
| |
«Հավելված
«Հաստատագրված վճարների մասին» օրենքի |
Ց Ա Ն Կ
«ՀԱՍՏԱՏԱԳՐՎԱԾ ՎՃԱՐՆԵՐԻ ՄԱՍԻՆ» ՕՐԵՆՔԻ 7-ՐԴ ՀՈԴՎԱԾԻ «ԻԴ» ԿԵՏՈՎ
ՍԱՀՄԱՆՎԱԾ ԳՈՐԾՈՒՆԵՈՒԹՅԱՆ ՏԵՍԱԿՆԵՐԻ
1. Թարմ ալյուրե հրուշակեղենի արտադրություն
2. Ըստ նախնական պատվերների պատվիրատուի` նախանշված վայրում հանրային սննդի ծառայությունների մատուցման գործունեություն
3. Հանգստի կազմակերպման գործունեություն ատրակցիոններով այգիներում և զբոսայգիներում
4. Հրաձգարանների գործունեություն
5. Ինտերնետ ակումբների գործունեություն
6. Զբոսաշրջային գործակալությունների և զբոսաշրջային օպերատորների գործունեություն
7. Կինոֆիլմերի ցուցադրում
8. Վեհաժողովների, առևտրային ցուցահանդեսների կազմակերպում*
9. Փաթեթավորման բնագավառում գործունեություն, բացառությամբ` շշալցման կամ տարալցման
10. Փաստաթղթերի լուսապատճենում և այլ տեսակի պատճենահանում
11. Լուսանկարչության բնագավառում գործունեություն
12. Գովազդային գործունեություն
13. Անշարժ գույքի գործակալություններ
14. Վարորդական դպրոցների գործունեություն
15. Համակարգչային տեխնիկայի, հեռուստացույցների, լվացքի մեքենաների, օդորակիչների և այլ կենցաղային իրերի նորոգում, ծրագրային սպասարկում
16. Բանկային ավտոմատների և համանման համակարգչային տերմինալների (տվյալների ներանցման և արտածման սարք) սպասարկում
17. Կոշիկի և կաշվե արտադրատեսակների նորոգում
18. Կենցաղային արտադրատեսակների և անձնական օգտագործման պարագաների վարձույթ
19. Մանածագործական և մորթե արտադրատեսակների լվացում, մաքրում և չոր մաքրում
20. Թանկարժեք և ոչ թանկարժեք մետաղներից արտադրատեսակների փորագրում
21. Արտադպրոցական դաստիարակություն մշակույթի բնագավառում
22. Իրավաբանական գործունեություն
23. Հաշվապահական գործունեություն
24. Թարգմանչական ծառայություններ
25. Անվտանգության համակարգերի գործառման ապահովում:
* 8-րդ կետում չեն ներառվում առևտրի իրականացման վայրի կազմակերպման և հարսանիքների, հանդիսավոր միջոցառումների համար սրահների տրամադրման գործունեությունները:»:
Պաշտոնական հրապարակման օրը` 8 հուլիսի 2022 թվական: