ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2012 ԹՎԱԿԱՆԻ ՄԱՐՏԻ 14-Ի N 110-Ն ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2012 թվականի մարտի 14-ի ««Ժամանակավոր անաշխատունակության և մայրության նպաստների մասին» Լեռնային Ղարաբաղի Հանրապետության օրենքի կիրարկումն ապահովելու և Լեռնային Ղարաբաղի Հանրապետության կառավարության 2006 թվականի հուլիսի 31-ի N 395 որոշումն ուժը կորցրած ճանաչելու մասին» N 110-Ն որոշման մեջ կատարել հետևյալ փոփոխությունները՝

1) որոշման վերնագրում «ՕՐԵՆՔԻ» բառից առաջ հանել «ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ» բառերը.

2) որոշման նախաբանում՝ բացառությամբ «կառավարությունը» բառից առաջ «Լեռնային Ղարաբաղի Հանրապետության» բառերի, 1-ին կետում, որոշմամբ հաստատված N 2 հավելվածի 1-ին, 13-րդ, 26-րդ, 32-րդ կետերում, 46-րդ կետում՝ բացառությամբ «օրենքում» բառից առաջ «Լեռնային Ղարաբաղի Հանրապետության» բառերի, ձև-ի 10-րդ և 11-րդ կետերում, որոշմամբ հաստատված N 5 հավելվածի 5-րդ կետում, որոշմամբ հաստատված NN 8 և 9 հավելվածների 1-ին կետերում հանել «Լեռնային Ղարաբաղի Հանրապետության» բառերը.

 3) որոշման 1-ին կետում, որոշմամբ հաստատված NN 2, 3 և 9 հավելվածների 2-րդ կետերում, N 5 հավելվածի 3-րդ կետում «Արցախի Հանրապետության աշխատանքի, սոցիալական և բնակարանային հարցերի» բառերը փոխարինել «Արցախի Հանրապետության սոցիալական զարգացման և միգրացիայի» բառերով.

 4) որոշմամբ հաստատված NN 2 և 9 հավելվածների 2-րդ կետերում «սոցիալական ապահովության պետական» բառերը փոխարինել «աշխատակազմի «Միասնական սոցիալական ծառայություն»» բառերով.

 5) որոշմամբ հաստատված N 2 հավելվածի՝

 ա. 5-րդ և 23-րդ կետերում «Լեռնային Ղարաբաղի Հանրապետության աշխատանքային» բառերը փոխարինել «Աշխատանքային» բառով,

 բ. 6-րդ կետում ««Լեռնային Ղարաբաղի Հանրապետության տոների և հիշատակի օրերի մասին» Լեռնային Ղարաբաղի Հանրապետության» բառերը փոխարինել ««Արցախի Հանրապետության տոների և հիշատակի օրերի մասին»» բառերով,

 գ. 31-րդ կետում «69 620 ՀՀ դրամից, ապա մայրության նպաստը հաշվարկվում է 69 620 ՀՀ դրամից» բառերը փոխարինել «նվազագույն ամսական աշխատավարձից, ապա մայրության նպաստը հաշվարկվում է նվազագույն ամսական աշխատավարձի չափով» բառերով,

 դ. 42-րդ կետում «69 620 ՀՀ դրամից» բառերը փոխարինել «նվազագույն ամսական աշխատավարձի չափով» բառերով.

 6) որոշմամբ հաստատված N 8 հավելվածի 1.1-ին կետում «69 620 ՀՀ դրամից» բառերը փոխարինել «սույն որոշմամբ հաստատված N 2 հավելվածի 31-րդ կետի երրորդ նախադասությամբ սահմանված կարգով».

 7) որոշմամբ հաստատված N 9 հավելվածի 1.1-ին կետում «69 620 ՀՀ դրամից» բառերը փոխարինել «սույն որոշմամբ հաստատված N 2 հավելվածի 31-րդ կետով սահմանված կարգով»:

 2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, իսկ սույն որոշման 1-ին կետի 5-րդ ենթակետի «գ», «դ» պարբերությունների, 6-րդ և 7-րդ ենթակետերի գործողությունը տարածվում է 2022 թվականի հունվարի 1-ից ծագած հարաբերությունների վրա:

Պաշտոնական հրապարակման օրը՝ 16 օգոստոսի 2022 թվական: