ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2012 ԹՎԱԿԱՆԻ ՀՈՒՆՎԱՐԻ 19-Ի N 9-Ն ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2012 թվականի հունվարի 19-ի ««Պետական կենսաթոշակների մասին» Լեռնային Ղարաբաղի Հանրապետության օրենքի կիրարկումն ապահովելու մասին» N 9-Ն որոշման (այսուհետ՝ որոշում) մեջ կատարել հետևյալ փոփոխությունները և լրացումները.

1) որոշման և որոշմամբ հաստատված N 1 հավելվածի վերնագրերից հանել «ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ» բառերը.

2) որոշման նախաբանում, 2-րդ կետի 1-ին ենթակետում, 2.1-ին կետում, որոշմամբ հաստատված N 1 հավելվածի 1-ին կետում, 39-րդ կետի 1-ին ենթակետում, 51.5-րդ կետում, որոշմամբ հաստատված N 2, N 3, N 5, N 8 և N 9 հավելվածների 1-ին կետերում, որոշմամբ հաստատված N 6 հավելվածի 1-ին պարբերությունում, որոշմամբ հաստատված N 10 հավելվածի 1-ին և 16-րդ կետերում, 18.1-ին կետի 3-րդ ենթակետում «մասին» բառից հետո հանել «Լեռնային Ղարաբաղի Հանրապետության» բառերը.

3) որոշման 1-ին կետի 1-3-րդ ենթակետերում, որոշմամբ հաստատված N 1 հավելվածի 2-րդ կետում, N 2 հավելվածի 15-րդ կետում, N 8 հավելվածի 5-րդ կետի 1-ին ենթակետում, N 9 հավելվածի 2-րդ կետում և N 10 հավելվածի 5-րդ կետի 5-րդ ենթակետում «աշխատանքի, սոցիալական և միգրացիայի հարցերի» բառերը փոխարինել «սոցիալական զարգացման և միգրացիայի» բառերով.

4) որոշման 2.1-ին կետում «Արցախի Հանրապետության օրենքի» բառերը փոխարինել «օրենքի» բառով.

5) որոշման 1-ին կետի 3-րդ ենթակետում, որոշմամբ հաստատված N 1 հավելվածի 2-րդ կետում, N 2 հավելվածի 15-րդ կետում, N 8 հավելվածի 5-րդ կետի 1-ին ենթակետում, N 9 հավելվածի 2-րդ կետում և N 10 հավելվածի 5-րդ կետի 5-րդ ենթակետում «սոցիալական ապահովության պետական» բառերը փոխարինել «աշխատակազմի «Միասնական սոցիալական ծառայություն»» բառերով.

6) որոշմամբ հաստատված N 1 հավելվածում`

ա. 6-րդ կետում «Լեռնային Ղարաբաղի Հանրապետության քաղաքացիական» բառերը փոխարինել «Քաղաքացիական» բառով,

բ. 11-րդ կետից հետո լրացնել հետևյալ բովանդակությամբ նոր 11.1-ին կետ.

«11.1. Եթե անձին հաշմանդամ ճանաչելու մասին վարչական ակտի քաղվածքը բժշկասոցիալական փորձաքննություն իրականացնող իրավասու պետական մարմնի կողմից ուղարկվել է համապատասխան մարմնի կենսաթոշակ նշանակող ստորաբաժանմանը, ապա այդ անձին հաշմանդամության աշխատանքային կամ հաշմանդամության սոցիալական կենսաթոշակ նշանակելու համար գործակալության կենսաթոշակ նշանակող ստորաբաժանումն անձին հաշմանդամ ճանաչելու մասին վարչական ակտի քաղվածքը հարցման միջոցով ստանում է համապատասխան մարմնի կենսաթոշակ նշանակող ստորաբաժանումից:»,

գ. 14-րդ կետից հետո լրացնել հետևյալ բովանդակությամբ նոր 14.1-ին, 14.2-րդ, 14.3-րդ և 14.4-րդ կետեր.

«14.1. Եթե անձն աշխատանքային հարաբերությունների մեջ է գտնվել համապատասխան մարմնի հետ և սույն կարգի 15-րդ կետում նշված գրանցամատյաններում և էլեկտրոնային տվյալների բազաներում բացակայում է անհրաժեշտ տեղեկատվությունը, ապա համապատասխան մարմնում աշխատելու (վարձու աշխատանք կատարելու) ժամանակահատվածում սոցիալական վճարներ կամ եկամտային հարկ վճարած լինելը կամ աշխատավարձ ստանալը ճշտվում է համապատասխան մարմնի տված տեղեկանքի հիման վրա:

14.2. Օրենքի 29-րդ հոդվածի 1-ին մասի 3-րդ կետում նշված ժամանակահատվածում մինչև 2014 թվականի հունվարի 1-ը սոցիալական վճարներ կատարած լինելը չի ճշտվում (սոցիալական վճարներ կատարելը հաստատող փաստաթուղթ չի պահանջվում): Այս դեպքում օրենքի 31-րդ հոդվածի 1-ին մասի 1-ին կետում նշված ժամանակահատվածն աշխատանքային ստաժում հաշվառվում է համապատասխան մարմնի տված տեղեկանքի հիման վրա:

14.3. Օրենքի 29-րդ հոդվածի 1-ին մասի 3-րդ կետում նշված ժամանակահատվածում 2014 թվականի հունվարի 1-ից հետո աշխատավարձ (եկամուտ) ստանալը կամ եկամտային հարկ վճարելը հաստատվում է համապատասխան մարմնի տված տեղեկանքի հիման վրա, եթե անձին վերաբերող տեղեկատվությունը Արցախի Հանրապետության օրենսդրությամբ սահմանված է որպես սահմանափակ օգտագործման ենթակա տեղեկատվություն:

14.4. Սույն կարգի 14.1-ին, 14.2-րդ և 14.3-րդ կետերում նշված տեղեկանքներում նշվում են տեղեկանքը տալու օրը, ամիսը, տարեթիվը, հիմքերը (հրամաններ, անձնական հաշվառման գրքեր (քարտեր) և այլ փաստաթղթեր), անձի ազգանունը, անունը, հայրանունը (անձը հաստատող փաստաթղթում նշված լինելու դեպքում), պաշտոնը (միայն սույն կարգի 14.1-ին կետում նշված դեպքում), վարձու աշխատանք կատարելու կամ ծառայության մեջ գտնվելու ժամանակահատվածի սկիզբը (օրը, ամիսը, տարեթիվը) և վերջը (օրը, ամիսը, տարեթիվը), տեղեկանքը տվող համապատասխան մարմնի անվանումը և պաշտոնատար անձի պաշտոնը, անունը, ազգանունը, ստորագրությունը: Տեղեկանքը կնքվում է համապատասխան մարմնի կնիքով:»,

դ. 15-րդ կետից հետո լրացնել հետևյալ բովանդակությամբ նոր 15.1-ին կետ.

«15.1. Սույն կարգի 30-րդ կետում նշված՝ համաձայնագրի մասնակից պետությունում (բացառությամբ՝ Հայաստանի Հանրապետության) 2017 թվականի հունվարի 1-ից հետո աշխատանքային և այլ գործունեության ժամանակահատվածներն աշխատանքային ստաժում չի հաշվառվում: Հայաստանի Հանրապետությունում աշխատանքային և այլ գործունեության ժամանակահատվածները հաշվառվում են անձի աշխատանքային ստաժում՝ Արցախի Հանրապետությունում աշխատանքային և այլ գործունեության ժամանակահատվածներն աշխատանքային ստաժում հաշվառելու համար սահմանված կարգով։»,

ե. 26-րդ և 27-րդ կետերն ուժը կորցրած ճանաչել,

զ. 40-րդ կետի 5-րդ ենթակետում «։» կետադրական նշանը փոխարինել «.» կետադրական նշանով և կետում լրացնել հետևյալ բովանդակությամբ 6-րդ և 7-րդ ենթակետեր.

«6) եթե կենսաթոշակի գործում հայտնաբերվել է կեղծ (ոչ հավաստի) փաստաթուղթ, որի արդյունքում նվազում է կենսաթոշակի չափը.

7) եթե կենսաթոշակի գործում հայտնաբերվել է փաստաթուղթ (տեղեկատվություն), որի արդյունքում ավելանում է կենսաթոշակի չափը:»,

է. 40-րդ կետից հետո լրացնել հետևյալ բովանդակությամբ նոր 40.1-ին կետ.

«40.1. Սույն կարգի 40-րդ կետի 6-րդ և 7-րդ ենթակետերի դրույթները տարածվում են նաև այն դեպքերի վրա, երբ այդ ենթակետերում նշված փաստաթղթերը հայտնաբերվել են զինծառայողի անձնական գործում:»,

ը. 41-րդ կետը շարադրել նոր խմբագրությամբ.

«41. Սույն կարգի 40-րդ կետի 1-ին, 2-րդ և 3-րդ ենթակետերում նշված դեպքերում կենսաթոշակները վերահաշվարկվում են այդ հանգամանքներն առաջանալու ամսվա 1-ից, 6-րդ ենթակետում նշված դեպքում` կեղծ (ոչ հավաստի) փաստաթղթի հիման վրա կենսաթոշակը հաշվարկելու (վերահաշվարկելու) օրվանից, իսկ 4-րդ և 5‑րդ ենթակետերում նշված դեպքերում՝ այդ հանգամանքներն առաջանալու ամսվան հաջորդող ամսվա 1-ից: Սույն կարգի 40-րդ կետի 7-րդ ենթակետում նշված դեպքում կենսաթոշակի չափը վերահաշվարկվում է այն օրվանից, երբվանից պետք է հաշվարկվեր (վերահաշվարկվեր)` հաշվի առնելով կենսաթոշակի գործում հայտնաբերված փաստաթուղթը (տեղեկատվությունը), բայց ոչ շուտ, քան դիմումը (որի հետ ներկայացվել է այդ փաստաթուղթը) ներկայացնելու օրը: Եթե կենսաթոշակի գործում առկա չէ դիմում, որի հետ ներկայացվել է հայտնաբերված փաստաթուղթը (տեղեկատվությունը), ապա կենսաթոշակը վերահաշվարկվում է այն օրվանից, երբ հայտնաբերվել է այդ փաստաթուղթը (տեղեկատվությունը)։»,

թ. 42-րդ կետի 1-ին ենթակետում «ներկայացրել է այդ ժամանակահատվածում աշխատելու մասին փաստաթուղթ» բառերը փոխարինել «դիմել է այդ ընթացքում աշխատած ժամանակահատվածն աշխատանքային ստաժում հաշվառելու համար» բառերով, 3-րդ ենթակետում «ժամանակահատվածի` առնվազն 12 ամսվա զինվորական ծառայության ստաժ» բառերը փոխարինել «ժամանակահատվածում զինվորական ծառայության ստաժի մասին փաստաթուղթ» բառերով, իսկ 4-րդ ենթակետն ուժը կորցրած ճանաչել,

ժ. 42.1-ին կետի 3-րդ ենթակետից հանել «` կենսաթոշակը վերահաշվարկող համապատասխան մարմնի կենսաթոշակ նշանակող ստորաբաժանման որոշման հիման վրա» բառերը,

ժա. 42.2-րդ կետն ուժը կորցրած ճանաչել,

ժբ. 44-րդ կետի 3-րդ ենթակետում «հաշվառվելու» բառից հետո լրացնել «, կամ քաղաքացիաիրավական պայմանագիր կնքելու» բառերը,

ժգ. 45-րդ կետի 2-րդ ենթակետում «ձեռնարկատեր» բառից հետո լրացնել «, կամ կնքել է քաղաքացիաիրավական պայմանագիր» բառերը, իսկ 4-րդ և 5-րդ ենթակետերն ուժը կորցրած ճանաչել,

ժդ. 54-րդ կետը շարադրել նոր խմբագրությամբ.

«54. Կենսաթոշակը վճարվում է օրենքի 35-րդ հոդվածի համաձայն՝ Լեռնային Ղարաբաղի Հանրապետության կառավարության 2015 թվականի դեկտեմբերի 28-ի N 906-Ն որոշմամբ հաստատված կարգով:»,

ժե. 68-րդ կետից հետո լրացնել հետևյալ բովանդակությամբ նոր 68.1-ին կետ.

«68.1. Թաղման նպաստի գումարը վճարվում է նաև այդ գումարն ստանալու իրավունք ունեցող (թաղման նպաստի համար դիմած) անձի տված և նոտարի վավերացրած` գումարն այլ անձի վճարելու մասին լիազորագրով:».

7) որոշմամբ հաստատված N 2 հավելվածում՝

ա. 5.1-ին կետում «եռակի չափով» բառերից հետո լրացնել «, իսկ 3-րդ կետի «դ», «զ» ենթակետերում նշված ժամանակահատվածները` մեկուկեսի չափով» բառերը,

բ. 11.1-ին կետում «Լեռնային Ղարաբաղի Հանրապետության աշխատանքային» բառերը փոխարինել «Աշխատանքային» բառով,

գ. 18-րդ կետի առաջին նախադասությունում «մեկ աշխատանքային տարի» բառերից հետո լրացնել «, իսկ մեկ մարդ-օրը հաշվառվում է որպես մեկ աշխատանքային օր» բառերը,

դ. 19.1-ին կետից հետո լրացնել հետևյալ բովանդակությամբ նոր 19.2-րդ կետ.

«19.2. Անհատ ձեռնարկատիրոջն օրենքի 9-րդ հոդվածի 3-րդ մասով և 13-րդ հոդվածի 1-ին մասի 4-րդ, 5-րդ և 5.1-ին ենթակետերով սահմանված կարգով նշանակված կենսաթոշակն ստանալու իրավունքը նրա գործունեությունն անորոշ կամ որոշակի ժամկետով դադարեցրած ժամանակահատվածում աշխատելու հիմքով չի դադարեցվում (անձը ձեռք է բերում կենսաթոշակի իրավունք):»,

ե. 22.1-ին կետը 3-րդ ենթակետից հետո լրացնել հետևյալ բովանդակությամբ նոր 3.1-ին ենթակետով.

«3.1) Թուրքմենական ԽՍՀ-ի և Թուրքմենստանի ուսումնական հաստատություններում, եթե ուսման ժամանակահատվածը չի գերազանցում 5 տարին (բժշկական բարձրագույն ուսումնական հաստատությունների դեպքում` 6 տարին).»,

զ. 26-րդ կետի առաջին պարբերությունը շարադրել նոր խմբագրությամբ.

«26. Հաշմանդամ երեխային մինչև նրա 18 տարին լրանալը խնամելու ժամանակահատվածը նրա ծնողի աշխատանքային ստաժում հաշվառվում է բժշկասոցիալական փորձաքննություն իրականացնող իրավասու պետական մարմնի տված` հաշմանդամ երեխա ճանաչելու, հաշմանդամության ժամանակահատվածի մասին վարչական ակտի քաղվածքի, իսկ հաշմանդամ երեխայի խնամակալ ճանաչված անձի աշխատանքային ստաժում` նաև խնամակալություն իրականացնող լիազոր մարմնի տված` խնամակալ ճանաչված լինելու և խնամակալության ժամանակահատվածի մասին տեղեկանքի հիման վրա:»,

է. 26-րդ կետից հետո լրացնել հետևյալ բովանդակությամբ նոր 26.1-ին կետ.

«26.1. Առաջին խմբի հաշմանդամին խնամելու ժամանակահատվածը խնամակալ ճանաչված անձի աշխատանքային ստաժում հաշվառվում է բժշկասոցիալական փորձաքննություն իրականացնող իրավասու պետական մարմնի տված` խնամարկյալի հաշմանդամության խմբի և ժամանակահատվածի մասին վարչական ակտի քաղվածքի և խնամակալություն իրականացնող լիազոր մարմնի տված` խնամակալ ճանաչված լինելու և խնամակալության ժամանակահատվածի մասին տեղեկանքի հիման վրա:»,

ը. 31-րդ կետում «վերահսկողությունից ժամանակավոր դուրս մնացած բնակավայրերում» բառերը փոխարինել «բռնազավթված տարածքներում» բառերով.

8) որոշմամբ հաստատված N 3 հավելվածում՝

ա. 2-րդ կետի 1-ին ենթակետում «պետական ծառայության» բառերից հետո լրացնել «, Հայաստանի Հանրապետության պաշտպանության, Հայաստանի Հանրապետության ոստիկանության, Հայաստանի Հանրապետության ազգային անվտանգության ծառայության, Հայաստանի Հանրապետության արտակարգ իրավիճակների նախարարության փրկարար ծառայության» բառերը,

բ. 4-րդ կետի 5-րդ ենթակետում «մասնակցելու» բառից հետո լրացնել «կամ մարտական հերթապահություն կամ հատուկ առաջադրանք կատարելու,» բառերը,

գ. 4-րդ կետից հետո լրացնել հետևյալ բովանդակությամբ նոր 4.1-ին և 4.2-րդ կետեր.

 «4.1. պահեստազորի պատրաստության շրջանակներում սահմանված կարգով և ժամկետներում կազմակերպված վարժական (ուսումնական) հավաքների ժամանակ իրականացվող ծառայության ժամանակահատվածները հաստատվում են զինկոմիսարիատի տված տեղեկանքով:

4.2. Հայաստանի Հանրապետության պաշտպանության, Հայաստանի Հանրապետության ոստիկանության, Հայաստանի Հանրապետության ազգային անվտանգության ծառայության, Հայաստանի Հանրապետության արտակարգ իրավիճակների նախարարության փրկարար ծառայության համակարգերում ծառայությունը հաստատվում է զինվորական գրքույկով կամ այդ ծառայության մասին աշխատանքային գրքույկի գրառումներով, իսկ դրանց բացակայության դեպքում` այդ մարմինների տված տեղեկանքով:»,

դ. 7-րդ կետն ուժը կորցրած ճանաչել և լրացնել հետևյալ բովանդակությամբ նոր 8-րդ կետ.

«8. Զինվորական կենսաթոշակի չափը հաշվարկելիս (վերահաշվարկելիս)` զինվորական ծառայության ստաժի հանրագումարում մինչև վեց ամսվա (180 օրվա) զինվորական ծառայության ժամանակահատվածը չի հաշվառվում, իսկ վեց ամսվանից ավելի ժամանակահատվածը հաշվառվում է որպես մեկ տարվա ծառայության ստաժ:».

9) որոշմամբ հաստատված N 9 հավելվածի 20-րդ կետի 2-րդ ենթակետից հանել «թիվ 1» բառերը, իսկ 3-րդ ենթակետն ուժը կորցրած ճանաչել.

10) որոշմամբ հաստատված N 10 հավելվածում`

ա. 27-րդ կետի 3-րդ ենթակետը «պատճենըե» բառից հետո լրացնել «կամ մահվան փաստը հավաստող` օտարերկրյա պետության տված փաստաթուղթը` վավերացված ապոստիլով» բառերով,

բ. 27-րդ կետի 3.1-ին ենթակետը «վկայականը» բառից հետո լրացնել «կամ մահվան փաստը հավաստող փաստաթուղթը» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 25 օգոստոսի 2022 թվական: