ԱՐՑԱԽԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐ

Հ Ր Ա Մ Ա Ն

ք.Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ

ՆԱԽԱՐԱՐԻ 2005 ԹՎԱԿԱՆԻ ՓԵՏՐՎԱՐԻ 18-Ի ԹԻՎ 16 ՀՐԱՄԱՆՈՒՄ

ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը.

ՀՐԱՄԱՅՈՒՄ ԵՄ՝

1. Լեռնային Ղարաբաղի Հանրապետության արդարադատության նախարարի 2005 թվականի փետրվարի 18-ի «Հարկադիր կատարողների ատեստավորման անցկացման կարգն ու պայմանները հաստատելու մասին» թիվ 16 հրամանում (այսուհետ՝ հրաման) կատարել հետևյալ փոփոխությունները և լրացումները.

1) հրամանի վերնագիրը շարադրել նոր խմբագրությամբ.

«ՀԱՐԿԱԴԻՐ ԿԱՏԱՐՈՂՆԵՐԻ ԱՏԵՍՏԱՎՈՐՄԱՆ ԱՆՑԿԱՑՄԱՆ ԿԱՐԳՆ ՈՒ ՊԱՅՄԱՆՆԵՐԸ ՍԱՀՄԱՆԵԼՈՒ ՄԱՍԻՆ».

2) հրամանի նախաբանում ««Դատական ակտերի հարկադիր կատարումն ապահովող ծառայության մասին» Լեռնային Ղարաբաղի Հանրապետության օրենքի 13-րդ հոդվածի 9-րդ» բառերը փոխարինել ««Հարկադիր կատարումն ապահովող ծառայության մասին» օրենքի 13-րդ հոդվածի 7-րդ» բառերով.

3) հրամանի 2-րդ կետում «Հաստատել» բառը փոխարինել «Սահմանել» բառով.

4) հրամանով հաստատված հավելված 2-ում՝

ա. «հարկադիր կատարողի ատեստավորման անցկացման» բառերը փոխարինել «ՀԱՐԿԱԴԻՐ ԿԱՏԱՐՈՂԻ ԱՏԵՍՏԱՎՈՐՄԱՆ ԱՆՑԿԱՑՄԱՆ» բառերով,

բ. 4-րդ և 5-րդ կետերն ուժը կորցրած ճանաչել,

գ. 6-րդ կետի «գ/» ենթակետի «հղի» բառը փոխարինել «հղիության և ծննդաբերության» բառերով, իսկ «դ/» ենթակետի ««Դատական ակտերի հարկադիր կատարումն ապահովող ծառայության մասին» Լեռնային Ղարաբաղի Հանրապետության» բառերը՝ «Հարկադիր կատարումն ապահովող ծառայության մասին» բառերով,

դ. 7-րդ կետը շարադրել հետևյալ բովանդակությամբ նոր խմբագրությամբ.

«7. Ատեստավորման ենթակա, սակայն արձակուրդում, գործուղման մեջ գտնվող կամ ժամանակավոր անաշխատունակ հարկադիր կատարողները ենթակա են ատեստավորման ծառայության անցնելուց հետո՝ երկամսյա ժամկետում, բացառությամբ հղիության և ծննդաբերության կամ երեխայի խնամքի կապակցությամբ արձակուրդում գտնվող հարկադիր կատարողների:»,

ե. 8-րդ կետի «երեխայի» բառից առաջ լրացնել «ծննդաբերության կամ» բառերը,

զ. 9-րդ կետի «ԴԱՀԿ» հապավումը փոխարինել «Հարկադիր կատարումն ապահովող» բառերով, «տեղակալը» բառից հետո լրացնել «ատեստավորման» բառը, «հանձնաժողովին» բառից հետո լրացնել «(այսուհետ նաև՝ հանձնաժողով)», իսկ «հերթական» բառը փոխարինել «պարտադիր» բառով,

է. 11-րդ կետում «երկու» բառից առաջ լրացնել «առնվազն» բառը,

ը. 15-րդ կետում «հանձնվում է» բառերը փոխարինել «հանձնվում են» բառերով,

թ. 16-րդ կետի «ա/» ենթակետից հանել «դատական ակտերի» բառերը,

ժ. 23-րդ, 35-րդ և 37-րդ կետերի «Լեռնային Ղարաբաղի» բառերը փոխարինել «Արցախի» բառով,

ժա. 30-րդ կետի «չպարունակող քվեատուփը» բառերը փոխարինել «չպարունակող քվեաթերթիկը» բառերով,

ժբ․ ձևում «200__թ.» բառերը փոխարինել «20__թ.» բառերով:

2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 23 սեպտեմբերի 2022 թվական: