ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2012 ԹՎԱԿԱՆԻ ՍԵՊՏԵՄԲԵՐԻ 18-Ի N 662-Ն ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը` Արցախի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2012 թվականի սեպտեմբերի 18-ի «Նոտարի կողմից մատուցվող վճարովի ծառայությունների իրականացման կարգը և սակագները հաստատելու, Արցախի Հանրապետության արդարադատության նախարարության արտաբյուջետային հաշվի միջոցների օգտագործման կարգը հաստատելու և Լեռնային Ղարաբաղի Հանրապետության արդարադատության նախարարության համար արտաբյուջետային հաշիվ բացելու մասին» N 662-Ն որոշման (այսուհետ՝ որոշում) մեջ կատարել հետևյալ փոփոխությունները.

1) որոշման վերնագրում «ՀԱՍՏԱՏԵԼՈՒ» բառը, իսկ 1-ին կետում «Հաստատել» բառը փոխարինել համապատասխանաբար «ՍԱՀՄԱՆԵԼՈՒ» և «Սահմանել» բառերով․

2) որոշմամբ հաստատված N 1 հավելվածի՝

ա․ 4․1-ին կետում «Արցախի Հանրապետության բռնազավթված համայնքների, այդ թվում` Մարտունու շրջանի Ճարտար քաղաքային համայնքի և Թաղավարդ գյուղական համայնքի բռնազավթված հատվածների ու Քաշաթաղի շրջանի Բերձոր, Քարեգահ, Ներքին Սուս և Աղավնո» բառերը փոխարինել «Արցախի Հանրապետության բռնազավթված տարածքների, այդ թվում` Արցախի Հանրապետության Քաշաթաղի շրջանի Բերձոր, Քարեգահ, Աղավնո և Ասկերանի շրջանի Փառուխ» բառերով,

բ․ 6-րդ կետում «արդարադատության նախարարության արտաբյուջետային հաշվին» բառերը փոխարինել «պետական բյուջե» բառերով։

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 25 հոկտեմբերի 2022 թվական