ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ

ՍԵՊՏԵՄԲԵՐԻ 12-Ի N 758-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ

ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը` Արցախի Հանրապետության կառավարությունը որոշում է.

1. Արցախի Հանրապետության կառավարության 2018 թվականի սեպտեմբերի 12-ի «Համապատասխանության գնահատման մարմինների հավատարմագրման կարգը սահմանելու և Լեռնային Ղարաբաղի Հանրապետության կառավարության 2007 թվականի հունվարի 30-ի N 22 որոշումն ուժը կորցրած ճանաչելու մասին» N 758-Ն որոշման (այսուհետ՝ որոշում) մեջ կատարել հետևյալ փոփոխությունները և լրացումը՝

1) որոշման նախաբանը շարադրել նոր խմբագրությամբ՝

«Հիմք ընդունելով «Հավատարմագրման մասին» օրենքի 11-րդ հոդվածի 1-ին մասը, «Չափումների միասնականության ապահովման մասին» օրենքի 9-րդ հոդվածի 3-րդ և 15-րդ հոդվածի 11-րդ մասերը և «Իրավական ակտերի մասին» օրենքի 73-րդ հոդվածը՝ Արցախի Հանրապետության կառավարությունը որոշում է.».

2) որոշմամբ սահմանված հավելվածի՝

ա. 2-րդ կետում «օրենքի» բառից առաջ հանել «Արցախի Հանրապետության» բառերը,

բ. 6-րդ կետի 6-րդ ենթակետից հետո լրացնել հետևյալ բովանդակությամբ նոր 6.1-ին ենթակետ՝

«6.1) չափման միջոցների՝ բացառությամբ հանրային ծառայությունների կարգավորվող ոլորտի, ստուգաչափում իրականացնող իրավաբանական անձինք.».

գ. 7-րդ կետում «օրենքով» բառից առաջ հանել «Լեռնային Ղարաբաղի Հանրապետության» բառերը,

դ. 8-րդ և 12-րդ կետերում «էկոնոմիկայի և արտադրական ենթակառուցվածքների» բառերը փոխարինել «ֆինանսների և էկոնոմիկայի» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 25 հոկտեմբերի 2022 թվական