ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2017 ԹՎԱԿԱՆԻ
ՍԵՊՏԵՄԲԵՐԻ 25-Ի ՆՀ-108-Ն ՀՐԱՄԱՆԱԳՐՈՒՄ ՓՈՓՈԽՈՒԹՅՈՒՆՆԵՐ
ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը` որոշում եմ.
1. Արցախի Հանրապետության Նախագահի 2017 թվականի սեպտեմբերի 25-ի «Արցախի Հանրապետության կառավարության և պետական կառավարման այլ մարմինների գործունեության կազմակերպման կարգը սահմանելու մասին» ՆՀ-108-Ն հրամանագրի հավելվածում՝
1) 6-րդ կետի 2-րդ պարբերությունը շարադրել հետևյալ խմբագրությամբ.
«Արցախի Հանրապետության Նախագահի համապատասխան հրամանագրով պետական նախարարին վերապահված են Արցախի Հանրապետության առողջապահության նախարարի, արդարադատության նախարարի, արտաքին գործերի նախարարի, գյուղատնտեսության նախարարի, կրթության, գիտության, մշակույթի և սպորտի նախարարի, սոցիալական զարգացման և միգրացիայի նախարարի, տարածքային կառավարման և ենթակառուցվածքների նախարարի, քաղաքաշինության նախարարի և ֆինանսների և էկոնոմիկայի նախարարի գործունեության համակարգման գործառույթներ: Պետական նախարարին վերապահված են նաև Արցախի Հանրապետության պետական կառավարման այլ մարմինների ղեկավարների՝ պետական վերահսկողական ծառայության պետի, կադաստրի և պետական գույքի կառավարման կոմիտեի նախագահի, նյութական վնասների հարցերի կոմիտեի նախագահի, պետական եկամուտների կոմիտեի նախագահի, պետական տեսչությունների կառավարման կոմիտեի նախագահի և ջրային կոմիտեի նախագահի գործունեության համակարգման գործառույթներ:».
2) 53-րդ և 57-59-րդ կետերում «Արցախի Հանրապետության Նախագահին» բառերից հետո լրացնել «կամ պետական նախարարին» բառերը.
3) 54-րդ կետը շարադրել հետևյալ խմբագրությամբ.
«54. Կառավարության քննարկմանը հարցեր ներկայացնելու նպատակով Արցախի Հանրապետության օրենքների, Արցախի Հանրապետության Նախագահի հրամանագրերի և կարգադրությունների, Արցախի Հանրապետության Ազգային ժողովի որոշումների, կառավարության որոշումների նախագծերի կամ այլ փաստաթղթերի վերաբերյալ եզրակացություն կամ կարծիք հայտնելու հանձնարարականներ կարող է տալ Արցախի Հանրապետության Նախագահը կամ պետական նախարարը: Արցախի Հանրապետության Նախագահի կամ պետական նախարարի հանձնարարությամբ դրանք կարող են փոխանցել Արցախի Հանրապետության Նախագահի աշխատակազմի ղեկավարը, համապատասխան ՀԳՄ-ի ղեկավարը կամ գործերի կառավարչության պետը:».
4) 56-րդ և 63-րդ կետերում «Արցախի Հանրապետության Նախագահի» բառերից հետո լրացնել «կամ պետական նախարարի» բառերը.
5) 65-րդ կետը շարադրել հետևյալ խմբագրությամբ.
«65. Կառավարության նիստերը հրավիրում և վարում է Արցախի Հանրապետության Նախագահը կամ պետական նախարարը:».
6) 67-րդ և 68-րդ կետերը շարադրել հետևյալ խմբագրությամբ.
«67. Կառավարության նիստերի օրակարգը հաստատում է նիստը հրավիրողը:
68. Կառավարության նիստի օրակարգում կարող են փոփոխություններ կատարվել նիստը հրավիրողի կողմից:».
7) 72-րդ և 73-րդ կետերը շարադրել հետևյալ խմբագրությամբ.
«72. Նիստը հրավիրողի որոշմամբ կառավարության նիստերն անցկացվում են Ստեփանակերտ քաղաքում, կառավարության կամ Արցախի Հանրապետության Նախագահի նստավայրում:
73. Նիստը հրավիրողի որոշմամբ կառավարության նիստերը կարող են անցկացվել արտագնա:».
8) 77-րդ կետում «Արցախի Հանրապետության Նախագահի» բառերը փոխարինել «նիստը հրավիրողի» բառերով.
9) 87-րդ կետում «Արցախի Հանրապետության Նախագահը» բառերը փոխարինել «նիստը հրավիրողը» բառերով.
10) 92-րդ կետում «Արցախի Հանրապետության Նախագահի հանձնարարությամբ, պետական նախարարի» բառերը փոխարինել «Պետական նախարարի» բառերով.
11) 93-րդ կետը շարադրել հետևյալ խմբագրությամբ.
«93. Կառավարության նիստում ընդունված որոշումները հաստատում է նիստը հրավիրողը:»:
2. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից։
|
ԱՐՑԱԽԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ` |
Ա. ՀԱՐՈՒԹՅՈՒՆՅԱՆ |
| |
|
|
2022թ. նոյեմբերի 3
Ստեփանակերտ
ՆՀ-1612-Ն |
|
Պաշտոնական հրապարակման օրը՝ 3 նոյեմբերի 2022 թվական