ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2018 ԹՎԱԿԱՆԻ ՀՈՒՆԻՍԻ 15-Ի N 463-Ն ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը և ղեկավարվելով Արցախի Հանրապետության Նախագահի 2017 թվականի սեպտեմբերի 25-ի ՆՀ-108-Ն հրամանագրով սահմանված կարգի 6-րդ և 92-րդ կետերով` Արցախի Հանրապետության կառավարությունը որոշում է.

1. Արցախի Հանրապետության կառավարության 2018 թվականի հունիսի 15-ի ««Արցախի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքի կիրարկումն ապահովելու մասին» N 463-Ն որոշման մեջ կատարել հետևյալ փոփոխությունները և լրացումները.

1) որոշման նախաբանից հանել «12-րդ հոդվածի 2-4-րդ մասերին,» բառերը.

2) որոշմամբ սահմանված N 3 հավելվածում՝

ա. 2-րդ կետի առաջին նախադասությունում «հատուցման հիմնադրամին» բառերը փոխարինել «օրացուցային տարվա ընթացքում մեկ անգամ զինծառայողների կյանքին կամ առողջությանը պատճառված վնասների հատուցման հիմնադրամին (այսուհետ՝ հիմնադրամ)» բառերով,

բ. 2-րդ կետի 3-րդ, 7-րդ ենթակետերից և 3-րդ կետից հանել «հատուցման» բառը,

գ. 2-րդ կետի 6-րդ ենթակետում «տվյալ տարում» բառերը փոխարինել «դիմելու օրվա դրությամբ» բառերով,

դ. 2-րդ կետի 7-րդ ենթակետում «տրվում է» բառերը փոխարինել «, ինչպես նաև սույն կետի 4-րդ և 5-րդ ենթակետերում նշված փաստաթղթերը տրվում են» բառերով,

ե. 2-րդ կետի 8-րդ ենթակետի «բ» պարբերությունում «լինելու վերաբերյալ» բառերից հետո լրացնել «՝ ըստ ամիսների» բառերը,

զ. լրացնել հետևյալ բովանդակությամբ նոր 2.1-ին կետ.

«2.1. Եթե դիմումատուն նաև հիմնադրամի շահառու է (հիմնադրամը նրան որպես շահառու վճարում է հատուցման գումար), ապա սույն կարգի 2-րդ կետի 3-րդ, 4-րդ, 5-րդ և 7-րդ ենթակետերում նախատեսված փաստաթղթերը չեն ներկայացվում:»,

է. 3-րդ կետում «եղանակով» բառից հետո լրացնել «՝ համապատասխանաբար www.1000plus.am կայքի կամ փոստային առաքման միջոցով» բառերը,

ը. 4-րդ կետում «Հատուցման հիմնադրամը» բառերը փոխարինել «Հիմնադրամը» բառով, «2» թիվը փոխարինել «15» թվով և լրացնել հետևյալ բովանդակությամբ նոր նախադասություն.

«Ընդ որում, եթե՝

1) զինծառայողը ժամկետային պարտադիր զինվորական ծառայության է զորակոչվել կամ զոհվել (մահացել) է դիմումի ներկայացման օրվան նախորդող օրացուցային տարվա (այսուհետ՝ հաշվետու օրացուցային տարի) ընթացքում, ապա դիմումատուին են վերադարձվում զինծառայողի պարտադիր զինվորական ծառայության զորակոչվելու կամ զոհվելու (մահանալու) ամսվա 1-ից մինչև հաշվետու օրացուցային տարվա վերջին օրն ընկած ամիսների համար իր վճարած (իր եկամուտներից հարկային գործակալի պահած) դրոշմանիշային վճարի գումարները.

2) զինծառայողը ժամկետային պարտադիր զինվորական ծառայությունից արձակվել է հաշվետու օրացուցային տարվա ընթացքում, ապա դիմումատուին են վերադարձվում զինվորական ծառայությունից արձակվելու տարվա հունվարի 1-ից մինչև զինծառայողի զինվորական ծառայությունից արձակվելու ամսվա վերջին օրն ընկած ամիսներին իր վճարած (իր եկամուտներից հարկային գործակալի պահած) դրոշմանիշային վճարի գումարները.

3) դիմումատուն որպես անհատ ձեռնարկատեր պետական գրանցում է ստացել կամ անհատ ձեռնարկատիրոջ կարգավիճակը դադարեցրել է հաշվետու օրացուցային տարվա ընթացքում, ապա որպես անհատ ձեռնարկատեր վճարած դրոշմանիշային վճարի գումարները վերադարձնելու դիմում ներկայացնելու դեպքում՝

ա. դիմումատուին է վերադարձվում հաշվետու օրացուցային տարվա այն ժամանակահատվածի ամիսների ընդհանուր գումարը, որոնց ընթացքում անձը հանդիսացել է անհատ ձեռնարկատեր՝ հաշվի առնելով սույն կետի 1-ին և 2-րդ ենթակետերի դրույթները,

բ. վերադարձման ենթակա դրոշմանիշային վճարի գումարները հաշվարկվում են հաշվետու օրացուցային տարվա համար վճարած դրոշմանիշային վճարի ընդհանուր գումարը 12-ի բաժանելու և ստացված գումարն անհատ ձեռնարկատեր հանդիսանալու ամիսների թվով բազմապատկելու միջոցով։»,

թ. N 1 ձևում «Զինծառայողների ապահովագրության» բառերը փոխարինել «Զինծառայողների կյանքին կամ առողջությանը պատճառված վնասների հատուցման» բառերով,

ժ. NN 2 և 3 ձևերում «Զինծառայողների ապահովագրության» բառերը փոխարինել «զինծառայողների կյանքին կամ առողջությանը պատճառված վնասների հատուցման» բառերով,

ժա. N 4 ձևը շարադրել նոր խմբագրությամբ՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, և դրա գործողությունը տարածվում է 2023 թվականի հունվարի 1-ից սկսած դրոշմանիշային վճարների վերադարձման հարաբերությունների վրա:

Տ Ե Ղ Ե Կ Ա Ն Ք

ՆԱԽՈՐԴՈՂ ՄԵԿ ՏԱՐՎԱ ԸՆԹԱՑՔՈՒՄ ԱՆՁԻ ՎՃԱՐԱԾ

(ԱՆՁԻ ԵԿԱՄՈՒՏՆԵՐԻՑ ՀԱՐԿԱՅԻՆ ԳՈՐԾԱԿԱԼԻ ՊԱՀԱԾ)

ԴՐՈՇՄԱՆԻՇԱՅԻՆ ՎՃԱՐԻ ԳՈՒՄԱՐՆԵՐԻ ՉԱՓԻ ՄԱՍԻՆ

Սույն տեղեկանքը տրվում է _____________________________________________________________

______________________________________________________________________________________

առ այն, որ 20___ թ.-ի ընթացքում նրա վճարած դրոշմանիշային վճարի ընդհանուր գումարը կազմում է

Անհատ ձեռնարկատիրոջ պետական գրանցման օրը, ամիսը և տարին ___________

Անհատ ձեռնարկատիրոջ կարգավիճակը դադարեցնելու օրը, ամիսը և տարին ________________________

Տեղեկանքը տրվում է ներկայացնելու զինծառայողների կյանքին կամ առողջությանը պատճառված վնասների հատուցման հիմնադրամ:

Կ.Տ.»:

Պաշտոնական հրապարակման օրը՝ 1 դեկտեմբերի 2022 թվական