ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2022 ԹՎԱԿԱՆԻ
ԴԵԿՏԵՄԲԵՐԻ 13-Ի ՆՀ-1792-Ն ՀՐԱՄԱՆԱԳՐՈՒՄ ԼՐԱՑՈՒՄՆԵՐ
ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը` որոշում եմ.
1. Արցախի Հանրապետության Նախագահի 2022 թվականի դեկտեմբերի 13-ի «Արցախի Հանրապետության տարածքում հայտարարված ռազմական դրության պայմաններում իրականացվող մի շարք միջոցառումների մասին» ՆՀ-1792-Ն հրամանագրում կատարել հետևյալ լրացումները.
1) լրացնել հետևյալ բովանդակությամբ 3.1-ին կետ.
«3.1. Ըստ անհրաժեշտության իրականացնել ֆինանսական, վարկային, հարկային, մաքսային, սահմանային և բանկային պետական հատուկ քաղաքականություն, ֆինանսատնտեսական գործունեության առանձին տեսակների, ներառյալ՝ ծառայությունների մատուցման, ապրանքների և ֆինանսական միջոցների շրջանառության սահմանափակումներ:».
2) լրացնել հետևյալ բովանդակությամբ 14-րդ կետ.
«14. Սույն հրամանագրի 4-րդ կետում նշված հավաքների ազատության իրավունքի սահմանափակումը չտարածել այն միջոցառումների վրա, որոնք նպատակ ունեն միջազգային հանրության ուշադրությունը հրավիրել Ադրբեջանի կողմից Ստեփանակերտ-Գորիս մայրուղու արգելափակման հետևանքով Արցախի Հանրապետության լիակատար շրջափակմանը և ստեղծված հումանիտար ճգնաժամին, ինչպես նաև այն միջոցառումների վրա, որոնք ուղղված են ճգնաժամի հաղթահարմանը և Արցախի ժողովրդի ինքնորոշման իրավունքի իրացմանը:»:
2. Սույն հրամանագիրն ուժի մեջ է մտնում հրապարակվելուց հետո` անմիջապես:
|
ԱՐՑԱԽԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ` |
Ա. ՀԱՐՈՒԹՅՈՒՆՅԱՆ |
| |
|
|
2022թ. դեկտեմբերի 23
Ստեփանակերտ
ՆՀ-1807-Ն |
Պաշտոնական հրապարակման օրը՝ 23 դեկտեմբերի 2022 թվական