ԱՐՑԱԽԻ ՀԱՆՐԱՊԵՏՈՒԹՅԱՆ ՕՐԵՆՔԸ
| |
Ընդունված է 2022 թվականի
դեկտեմբերի 22-ին |
«ՇԱՀՈՒԹԱՀԱՐԿԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ
ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հոդված 1. «Շահութահարկի մասին» 1999 թվականի հունվարի 9-ի ՀՕ-47 օրենքի (այսուհետ` Օրենք) 2-րդ հոդվածի «պետական բյուջե» բառերը փոխարինել «Արցախի Հանրապետության պետական բյուջե (այսուհետ՝ պետական բյուջե)» բառերով:
Հոդված 2. Օրենքի 32-րդ հոդվածի՝
1) 1-ին մասում «5 տոկոս դրույքաչափով» բառերից հետո լրացնել «, բացառությամբ էլեկտրական էներգիայի արտադրության, էլեկտրական էներգիայի և բնական գազի հաղորդման, բաշխման և (կամ) մատակարարման և հեռահաղորդակցության (էլեկտրոնային հաղորդակցության) բնագավառում լիցենզավորված գործունեության տեսակների, որոնց մասով 2023 թվականի համար սահմանվում է 10 տոկոս դրույքաչափ» բառերը.
2) 2-րդ մասում «վառելիքաէներգետիկ» բառից առաջ լրացնել «ԱՏԳ ԱԱ 7401 00 000 0, 7402 00 000 0, 7403, 7405 00 000 0, 7406 ծածկագրերին դասվող արտադրատեսակների արտադրության,» բառերը:
Հոդված 3. Օրենքի 55-րդ հոդվածի 3-րդ մասից «պետական բյուջե» բառերից առաջ հանել «Արցախի Հանրապետության» բառերը:
Հոդված 4.
1. Սույն օրենքն ուժի մեջ է մտնում 2023 թվականի հունվարի 1-ից:
2. Սույն օրենքի 2-րդ հոդվածի 1-ին կետը գործում է մինչև 2023 թվականի դեկտեմբերի 31-ը ներառյալ:
|
ԱՐՑԱԽԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ` |
Ա. ՀԱՐՈՒԹՅՈՒՆՅԱՆ |
| |
|
|
2022թ. դեկտեմբերի 29
Ստեփանակերտ
ՀՕ-102-Ն |
|
Պաշտոնական հրապարակման օրը՝ 30 դեկտեմբերի 2022 թվական