ԱՐՑԱԽԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ
ԵՎ ԵՆԹԱԿԱՌՈՒՑՎԱԾՔՆԵՐԻ ՆԱԽԱՐԱՐ
2023 թվականի ապրիլի 12-ի
ԱՐՑԱԽԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԶԱՐԳԱՑՄԱՆ
ՆԱԽԱՐԱՐԻ 2020 ԹՎԱԿԱՆԻ ՍԵՊՏԵՄԲԵՐԻ 16-Ի N 25-Ն ՀՐԱՄԱՆՈՒՄ
ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
N 3-Ն
ՀՐԱՄԱՆ
Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝
ՀՐԱՄԱՅՈՒՄ ԵՄ
1. Արցախի Հանրապետության տարածքային կառավարման և զարգացման նախարարի 2020 թվականի սեպտեմբերի 16-ի «Արցախի Հանրապետության տարածքային կառավարման և ենթակառուցվածքների նախարարության պետական ընդերքաբանական փորձաքննության հանձնաժողով ստեղծելու, պետական ընդերքաբանական փորձաքննության հանձնաժողովի կազմը, կանոնակարգը և պետական ընդերքաբանական փորձաքննության գործընթացում անկախ փորձագետների ներգրավման և նրանց վճարման կարգը հաստատելու և Արցախի Հանրապետության բնապահպանության և բնական ռեսուրսների նախարարի 2018 թվականի սեպտեմբերի 21-ի N 97-Ն հրամանն ուժը կորցրած ճանաչելու մասին» N 25-Ն հրամանով հաստատված՝
1) N 1 հավելվածը շարադրել նոր խմբագրությամբ՝ համաձայն հավելվածի.
2) N 2 հավելվածի՝
ա․ 2-րդ կետը շարադրել նոր խմբագրությամբ հետևյալ բովանդակությամբ․
«2. Հանձնաժողովը բաղկացած է տասներկու անդամից, այդ թվում` երեքը` Արցախի Հանրապետության տարածքային կառավարման և ենթակառուցվածքների նախարարության աշխատակազմի (այսուհետ՝ Աշխատակազմ) ընդերքօգտագործման ոլորտի կառավարման բաժնի (այսուհետ` Բաժին), երկուսը՝ Աշխատակազմի անտառների կայուն կառավարման և անտառաշինական ծրագրերի իրականացման բաժնի, մեկական՝ Աշխատակազմի իրավաբանական և վերահսկողական վարչության, Աշխատակազմի տարածքային կառավարման բաժնի, Աշխատակազմի տեղական ինքնակառավարման քաղաքականության բաժնի և Աշխատակազմի բնական պաշարների մոնիթորինգի և վերլուծության բաժնի (այսուհետ` Աշխատակազմի կառուցվածքային այլ ստորաբաժանումներ) հաստիքային աշխատակիցներից և երեք անկախ փորձագետներից: Անկախ փորձագետները Հանձնաժողովի կազմում ընդգրկվում են Բաժնի պետի ներկայացմամբ:»,
բ․ 3-րդ կետը շարադրել նոր խմբագրությամբ հետևյալ բովանդակությամբ․
«3․ Բաժնի պետը Հանձնաժողովի նախագահն է, Բաժնի գլխավոր մասնագետներից մեկը՝ Հանձնաժողովի նախագահի տեղակալն է, իսկ մյուսը` Հանձնաժողովի քարտուղարն է:»,
գ․ 5-րդ կետը շարադրել նոր խմբագրությամբ հետևյալ բովանդակությամբ․
«5․ Հանձնաժողովի նիստերն իրավազոր են, եթե դրանց մասնակցում է Հանձնաժողովի անդամների ընդհանուր թվի կեսից ավելին:»․
3) NN 2 և 3 հավելվածների ամբողջ տեքստերում «Վարչություն» բառը և դրա համապատասխան հոլովաձևերը փոխարինել «Բաժին» բառով և դրա համապատասխան հոլովաձևերով։
2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
|
Ս. ԳԱԼՍՏՅԱՆ |
|
| |
|
|
2023 թվականի ապրիլի 12
ք. Ստեփանակերտ |
|
| |
Հավելված
Արցախի Հանրապետության տարածքային կառավարման և ենթակառուցվածքների նախարարի 2023 թվականի ապրիլի 12-ի
N 3-Ն հրամանի |
| |
«Հավելված N 1
Արցախի Հանրապետության տարածքային կառավարման և զարգացման նախարարի
2020 թվականի սեպտեմբերի 16-ի
N 25-Ն հրամանի |
ԿԱԶՄ
ԱՐՑԱԽԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ
ԵՆԹԱԿԱՌՈՒՑՎԱԾՔՆԵՐԻ ՆԱԽԱՐԱՐՈՒԹՅԱՆ ՊԵՏԱԿԱՆ ԸՆԴԵՐՔԱԲԱՆԱԿԱՆ
ՓՈՐՁԱՔՆՆՈՒԹՅԱՆ ՀԱՆՁՆԱԺՈՂՈՎԻ
1. Արցախի Հանրապետության տարածքային կառավարման և ենթակառուցվածքների նախարարության աշխատակազմի ընդերքօգտագործման ոլորտի կառավարման բաժնի պետ (հանձնաժողովի նախագահ)․
2. Արցախի Հանրապետության տարածքային կառավարման և ենթակառուցվածքների նախարարության աշխատակազմի ընդերքօգտագործման ոլորտի կառավարման բաժնի գլխավոր մասնագետ (հանձնաժողովի նախագահի տեղակալ)․
3. Արցախի Հանրապետության տարածքային կառավարման և ենթակառուցվածքների նախարարության աշխատակազմի ընդերքօգտագործման ոլորտի կառավարման բաժնի գլխավոր մասնագետ (հանձնաժողովի քարտուղար)․
4. Արցախի Հանրապետության տարածքային կառավարման և ենթակառուցվածքների նախարարության աշխատակազմի իրավաբանական և վերահսկողական վարչության պետ (հանձնաժողովի անդամ)․
5. Արցախի Հանրապետության տարածքային կառավարման և ենթակառուցվածքների նախարարության աշխատակազմի անտառների կայուն կառավարման և անտառաշինական ծրագրերի իրականացման բաժնի պետ (հանձնաժողովի անդամ)․
6. Արցախի Հանրապետության տարածքային կառավարման և ենթակառուցվածքների նախարարության աշխատակազմի տարածքային կառավարման բաժնի պետ (հանձնաժողովի անդամ)․
7. Արցախի Հանրապետության տարածքային կառավարման և ենթակառուցվածքների նախարարության աշխատակազմի բնական պաշարների մոնիթորինգի և վերլուծության բաժնի պետ (հանձնաժողովի անդամ)․
8. Արցախի Հանրապետության տարածքային կառավարման և ենթակառուցվածքների նախարարության աշխատակազմի անտառների կայուն կառավարման և անտառաշինական ծրագրերի իրականացման բաժնի գլխավոր մասնագետ (հանձնաժողովի անդամ)․
9. Արցախի Հանրապետության տարածքային կառավարման և ենթակառուցվածքների նախարարության աշխատակազմի տեղական ինքնակառավարման քաղաքականության բաժնի պետ (հանձնաժողովի անդամ)․
10. Անկախ փորձագետներ (ընդգրկվում են Արցախի Հանրապետության տարածքային կառավարման և ենթակառուցվածքների նախարարության աշխատակազմի ընդերքօգտագործման ոլորտի կառավարման բաժնի պետի ներկայացմամբ)»։
Պաշտոնական հրապարակման օրը՝ 12 ապրիլի 2023 թվական