ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2012 ԹՎԱԿԱՆԻ

ՀՈՒՆՎԱՐԻ 19-Ի N 9-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2012 թվականի հունվարի 19-ի ««Պետական կենսաթոշակների մասին» օրենքի կիրարկումն ապահովելու մասին» N 9-Ն որոշմամբ հաստատված N 1 հավելվածը լրացնել հետևյալ բովանդակությամբ նոր 92-րդ և 93-րդ կետերով.

«92. Եթե արտակարգ իրավիճակում հայտնված օտարերկրյա պետությունում գտնվող անձի կենսաթոշակ վճարելը դադարեցվել է օրենքի 41-րդ հոդվածի 2-րդ մասի 2-րդ կամ 2.1-ին կամ 3-րդ կետով սահմանված հիմքերով՝ 2021 թվականի փետրվարի 1-ից մինչև 2023 թվականի ապրիլի 1-ը, ապա նրա կենսաթոշակի վճարումը վերսկսվում է (այդ թվում՝ լիազորագրով) գրավոր դիմումը և անհրաժեշտ փաստաթղթերը մինչև 2023 թվականի հուլիսի 1-ը կենսաթոշակ նշանակող ստորաբաժանում ներկայացնելու դեպքում: Այս դեպքում չվճարված կենսաթոշակը վճարվում է կենսաթոշակ ստանալու իրավունք ունենալու ամբողջ ժամանակահատվածի համար:

93. Սույն կարգի 92-րդ կետում նշված դեպքում կենսաթոշակի վճարումը վերսկսվում է նաև գրավոր դիմումը ներկայացնելու օրվա դրությամբ գործողության ժամկետը չլրացած՝ արտակարգ իրավիճակում հայտնված օտարերկրյա պետությունում գործող նոտարի վավերացրած լիազորագրի հիման վրա և կենսաթոշակը վճարվում է մինչև այդ լիազորագրի ժամկետի ավարտը, սակայն տասներկու ամսից ոչ ավելի:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 4 ապրիլի 2023 թվական