ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015

ԹՎԱԿԱՆԻ ՀՈՒՆԻՍԻ 8-Ի N 353-Ն ՈՐՈՇՄԱՆ ՄԻ ՄԱՍԻ

ԳՈՐԾՈՂՈՒԹՅՈՒՆԸ ԿԱՍԵՑՆԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 39-րդ հոդվածը՝ Արցախի Հանրապետության կառավարությունը որոշում է.

1. Հաշվի առնելով Ստեփանակերտ-Գորիս ավտոմայրուղու արգելափակման հետևանքով Արցախի Հանրապետության լիակատար շրջափակումը՝ կասեցնել Լեռնային Ղարաբաղի Հանրապետության կառավարության 2015 թվականի հունիսի 8-ի «Արցախի Հանրապետության գյուղական կամ քաղաքային բնակավայրերում մշտապես բնակվող ընտանիքներին բնակելի տներ կառուցելու նպատակով անհատույց պետական ֆինանսական աջակցություն տրամադրելու մասին» N 353-Ն որոշմամբ (այսուհետ՝ որոշում) հաստատված N 1 հավելվածի 12-րդ կետի գործողությունը՝ մինչև 2023 թվականի դեկտեմբերի 31-ը ներառյալ՝ անհատույց պետական ֆինանսական աջակցության միջոցառման իրականացման աշխատանքները կանոնակարգելու նպատակով։

2. Սահմանել, որ մինչև 2023 թվականի դեկտեմբերի 31-ը ներառյալ, որոշման շրջանակներում անհատույց պետական ֆինանսական աջակցություն ստանալու նպատակով հայտեր չեն ընդունվի:

3․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 7 հունիսի 2023 թվական: