ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

Ղեկավարվելով «Լեռնային Ղարաբաղի Հանրապետության Նախագահի մասին» Լեռնային Ղարաբաղի Հանրապետության օրենքի 5-րդ հոդվածի 7-րդ կետով և հիմք ընդունելով «Լեռնային Ղարաբաղի Հանրապետության կառավարության մասին» Լեռնային Ղարաբաղի Հանրապետության օրենքի 2-րդ հոդվածը՝ ո ր ո շ ու մ եմ.

1. Լեռնային Ղարաբաղի Հանրապետության Նախագահի 2004 թվականի մարտի 9-ի «Լեռնային Ղարաբաղի Հանրապետության կառավարության գործունեության կարգը սահմանելու մասին» ՆՀ-89 հրամանագրով հաստատված «Լեռնային Ղարաբաղի Հանրապետության կառավարության գործունեության կարգ»-ում կատարել հետևյալ փոփոխությունները.

ա) 3-րդ կետի 2-րդ մասի «Կառավարության ընթացիկ գործունեությունը և համակարգում» բառերից հետո լրացնել «փոխվարչապետի և» բառերը.

բ) 7-րդ կետի «Կառավարության աշխատակազմը՝» բառերից հետո լրացնել «փոխվարչապետի» բառը.

գ) 11-րդ կետի «Վարչապետը,» բառից հետո լրացնել «փոխվարչապետը,» բառը.

դ) 18-րդ կետի 2-րդ մասի, 19-րդ և 21-րդ կետերի «արդարադատության նախարարի» բառերից հետո լրացնել «փոխվարչապետի» բառը, իսկ 21-րդ կետի 1-ին և 2-րդ մասերի «արդարադատության նախարարը» բառերից հետո՝ «փոխվարչապետը» բառը.

ե) 18-րդ կետի 3-րդ մասի «պետք է համաձայնեցվեն» բառերից հետո լրացնել «փոխվարչապետի, ինչպես նաև մյուս շահագրգիռ նախարարների հետ» բառերը.

զ) 25-րդ կետի 1-ին մասի «կարող է փոխանցել» բառերից հետո լրացնել «փոխվարչապետը,» բառը.

է) 49-րդ կետի 3-րդ մասի «Վարչապետը» բառից հետո լրացնել «փոխվարչապետը» բառը.

ը) 61-րդ կետի 2-րդ մասի «նրա հանձնարարությամբ՝» բառերից հետո լրացնել «փոխվարչապետը» բառը.

թ) 64-րդ կետի 3-րդ մասի «ներկայացնում են Վարչապետին,» բառերից հետո լրացնել «փոխվարչապետին կամ» բառերը.

ժ) 68-րդ կետը շարադրել հետևյալ խմբագրությամբ՝

«Վարչապետի որոշումները ստորագրում է Վարչապետը, առանձին դեպքերում՝ փոխվարչապետը կամ դրանք իրագործող նախարարները, եթե այն ուղղակիորեն բխում է օրենսդրության պահանջներից կամ Վարչապետն անհրաժեշտ է համարում, որպեսզի իր կողմից ընդունվող որոշումը ստորագրվի նաև փոխվարչապետի կամ համապատասխան նախարարի (նախարարների) կողմից:»:

2. Սույն հրամանագիրն ուժի մեջ է մտնում ստորագրման պահից: