ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Հ Ր Ա Մ Ա Ն Ա Գ Ի Ր Ը
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2007 ԹՎԱԿԱՆԻ ԴԵԿՏԵՄԲԵՐԻ 12-Ի ՆՀ-40 ՀՐԱՄԱՆԱԳՐՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով Լեռնային Ղարաբաղի Հանրապետության Սահմանադրության 99-րդ հոդվածի 4-րդ մասով՝ որոշում եմ.
1. Լեռնային Ղարաբաղի Հանրապետության Նախագահի 2007 թվականի դեկտեմբերի 12-ի «Լեռնային Ղարաբաղի Հանրապետության կառավարության և նրան ենթակա այլ գործադիր մարմինների գործունեության կազմակերպման կարգը սահմանելու մասին» ՆՀ-40 հրամանագրում կատարել հետևյալ լրացումները.
հրամանագրով սահմանված կարգի՝
ա) 64-րդ կետից հետո ավելացնել հետևյալ բովանդակությամբ 641-րդ կետ.
«641. Առանձին, հետաձգում չհանդուրժող հարցերի վերաբերյալ Լեռնային Ղարաբաղի Հանրապետության կառավարության որոշումների նախագծերը կարող են Լեռնային Ղարաբաղի Հանրապետության վարչապետի ստորագրությանը ներկայացվել առանց նիստում դրանց քննարկման: Այդպիսի դեպքերում որոշումների նախագծերը համաձայնեցվում են Լեռնային Ղարաբաղի Հանրապետության կառավարության անդամների հետ՝ հարցման կարգով:».
բ) 85-րդ կետը լրացնել հետևյալ բովանդակությամբ նոր պարբերությունով.
«Նիստը վարողի համաձայնության դեպքում զեկուցումով կարող են հանդես գալ նաև Լեռնային Ղարաբաղի Հանրապետության կառավարության աշխատակազմի կառուցվածքային ստորաբաժանումների ղեկավարները:»:
2. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից:
|
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ՝ |
Բ. ՍԱՀԱԿՅԱՆ |
|
24 հունիսի 2008թ.
ք.Ստեփանակերտ
ՆՀ-79-Ն |
|