ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2014 թվականի

փետրվարի 26-ին

Հոդված 1. «Քաղաքացիական ծառայողների վարձատրության մասին» Լեռնային Ղարաբաղի Հանրապետության 2003 թվականի դեկտեմբերի 24-ի ՀՕ-86 օրենքի (այսուհետ` Օրենք) 2-րդ հոդվածում՝

1) վեցերորդ պարբերությունը շարադրել հետևյալ խմբագրությամբ.

«հիմնական աշխատավարձ՝ պաշտոնային դրույքաչափ, որը որոշվում է քաղաքացիական ծառայության պաշտոնի ենթախմբում քաղաքացիական ծառայողի ստաժին համապատասխանող գործակցի և բազային աշխատավարձի արտադրյալի միջոցով.».

2) տասներկուերորդ պարբերությունը «հատուկ առաջադրանքների» բառերից հետո լրացնել «կամ որակյալ աշխատանքի» բառերով:

Հոդված 2. Օրենքի 6-րդ հոդվածում՝

1) 2-րդ մասը շարադրել հետևյալ խմբագրությամբ.

«2. Հիմնական աշխատավարձը (պաշտոնային դրույքաչափը) քաղաքացիական ծառայության տվյալ պաշտոնի ենթախմբում քաղաքացիական ծառայողի ստաժին համապատասխանող գործակցի և բազային պաշտոնային դրույքաչափի արտադրյալն է:».

2) 3-րդ մասի 3-րդ կետում «ինչպես նաև հատուկ առաջադրանքների որակյալ կատարման համար պարգևատրումները» բառերը փոխարինել «ինչպես նաև հատուկ առաջադրանքների կամ աշխատանքի որակյալ կատարման համար պարգևատրումները» բառերով:

Հոդված 3. Օրենքի 9-րդ հոդվածում՝

1) 1-ին մասի «պաշտոն զբաղեցնող» բառերը փոխարինել «պաշտոնում նշանակված» բառերով.

2) 3-րդ մասը «արդյունքով» բառից հետո լրացնել «, ինչպես նաև արտամրցութային կարգով» բառերով.

3) 4-րդ մասը «կադրերի» բառից հետո լրացնել «կարճաժամկետ» բառով:

Հոդված 4. Օրենքի 10-րդ հոդվածում՝

1) լրացնել հետևյալ բովանդակությամբ 1.1-ին մաս.

«1.1. Քաղաքացիական ծառայողի համար պաշտոնային դրույքաչափը հաշվարկելիս 9-րդ հոդվածի 2-րդ և 3-րդ մասերով սահմանված դրույթները գործում են, եթե քաղաքացիական ծառայության ստաժի ընդմիջումը չի գերազանցում սույն հոդվածի 1-ին մասով սահմանված ժամկետը: Քաղաքացիական ծառայության ստաժի վեց ամսից ավելի ընդմիջման դեպքում քաղաքացիական ծառայողի պաշտոնային դրույքաչափը հաշվարկվում է սույն օրենքի 9-րդ հոդվածի 1-ին մասով սահմանված կարգով:».

2) 4-րդ մասն ուժը կորցրած ճանաչել:

Հոդված 5. Օրենքի 13-րդ հոդվածում՝

1) 2-րդ մասի երրորդ պարբերությունը «բացասական» բառից հետո լրացնել «կամ պարգևատրում տալու վերաբերյալ որոշում ընդունելու պահին չի հանդիսանում քաղաքացիական ծառայող» բառերով.

2) 4-րդ մասի առաջին պարբերության «, ինչպես նաև» բառերը փոխարինել «կամ» բառով, իսկ երկրորդ պարբերության «որակյալ կատարման» բառերը՝ «կամ աշխատանքի որակյալ կատարման» բառերով:

Հոդված 6. Օրենքի 15-րդ հոդվածում՝

1) 2-րդ մասի 3-րդ կետը շարադրել հետևյալ խմբագրությամբ.

«3) տարերային աղետի հետևանքով քաղաքացիական ծառայողին վնաս պատճառվելու,».

2) 2-րդ մասը լրացնել հետևյալ բովանդակությամբ 4-րդ կետով.

«4) քաղաքացիական ծառայողի ամուսնության (ներառյալ՝ փաստական) դեպքերում:».

3) 3-րդ մասը շարադրել հետևյալ խմբագրությամբ.

«3. Դրամական օգնությունը կարող է տրվել քաղաքացիական ծառայողի (նրա մահվան դեպքում` ընտանիքի անդամների) դիմումի կամ նրա անմիջական ղեկավարի զեկուցագրի հիման վրա` տվյալ մարմնի աշխատակազմի ղեկավարի կողմից, իսկ քաղաքացիական ծառայող համարվող աշխատակազմի ղեկավարին՝ համապատասխան մարմնի ղեկավարի առաջարկությամբ Լեռնային Ղարաբաղի Հանրապետության վարչապետի կողմից` սույն օրենքի 18-րդ հոդվածի երկրորդ մասով նախատեսված միջոցների առկայության դեպքում:»:

Հոդված 7. Օրենքը լրացնել հետևյալ բովանդակությամբ 17.1-ին հոդվածով.

Քաղաքացիական ծառայության ժամանակավոր թափուր պաշտոն զբաղեցնող անձը (բացառությամբ քաղաքացիական ծառայության կադրերի կարճաժամկետ ռեզերվից պաշտոն զբաղեցնող անձի) վարձատրվում է տվյալ պաշտոնի ենթախմբին համապատասխան սանդղակի առաջին մակարդակի հիմնական աշխատավարձի (պաշտոնային դրույքաչափի) չափով:»:

Հոդված 8. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը: