ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

Հիմք ընդունելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածի 5-րդ մասը` ո ր ո շ ու մ եմ.

1. Լեռնային Ղարաբաղի Հանրապետության Նախագահի 2007 թվականի դեկտեմբերի 12-ի «Լեռնային Ղարաբաղի Հանրապետության կառավարության և նրան ենթակա այլ գործադիր մարմինների գործունեության կազմակերպման կարգը սահմանելու մասին» ՆՀ-40 հրամանագրով սահմանված կարգում կատարել հետևյալ լրացումները և փոփոխությունները.

1) լրացնել հետևյալ բովանդակությամբ 6.1-ին կետ.

«6.1. Փոխվարչապետը կարող է ունենալ խորհրդականներ, օգնականներ և ռեֆերենտներ, որոնց պաշտոնի նշանակում և պաշտոնից ազատում է վարչապետը, իսկ նրանց միջև պարտականությունների բաշխումը կատարում է փոխվարչապետը։».

2) 7-րդ կետում «այսուհետ` ՀԳՄ» բառերից հետո լրացնել «, որոնք ստեղծվում, վերակազմակերպվում և լուծարվում են կառավարության առաջարկությամբ` օրենքով» բառերը.

3) ուժը կորցրած ճանաչել 8-րդ կետը.

4) 13-րդ կետը լրացնել հետևյալ բովանդակությամբ նոր պարբերությունով.

«Նախարարության կառավարման ոլորտում գործող պետական մարմինը ստեղծվում, վերակազմակերպվում և լուծարվում է վարչապետի առաջարկությամբ` Լեռնային Ղարաբաղի Հանրապետության Նախագահի հրամանագրով։».

5) 22-րդ կետում «ծրագիրը» բառից հետո լրացնել «և գերակա խնդիրները (այսուհետ` ծրագիրը)» բառերը.

6) 23-րդ կետում «Կառավարության տարեկան գործունեության միջոցառումների ծրագրում», 24-րդ և 25-րդ կետերում «Կառավարության տարեկան գործունեության միջոցառումների ծրագրի» և 28-րդ կետում «կառավարության գործունեության միջոցառումների ծրագրից» բառերը համապատասխանաբար փոխարինել «Ծրագրում, Ծրագրի, ծրագրից» բառերով.

7) 30-րդ կետում «հանձնաժողովները (խորհուրդները, ծառայությունները)» բառերը փոխարինել «մարմինները (հանձնաժողովները, խորհուրդները, ծառայությունները)» բառերով.

8) 39-րդ կետը շարադրել հետևյալ խմբագրությամբ.

«Կառավարության քննարկմանը ներկայացվող նորմատիվ իրավական ակտերի նախագծերի փաթեթն իր մեջ ներառում է «Իրավական ակտերի մասին» Լեռնային Ղարաբաղի Հանրապետության օրենքի 27-րդ հոդվածի 1-ին մասով սահմանված անհրաժեշտ փաստաթղթերը։».

9) 43-րդ կետը «5-օրյա ժամկետում» բառերից հետո լրացնել «, իսկ օրենքով նախատեսված կարգավորման ազդեցության գնահատում իրականացնելու դեպքում` 15-օրյա ժամկետում» բառերը.

10) ուժը կորցրած ճանաչել 49-րդ կետը.

11) 71-րդ կետում «վարչապետի», իսկ 73-րդ կետում «վարչապետին» բառերից հետո համապատասխանաբար լրացնել «, փոխվարչապետի» և «, փոխվարչապետին» բառերը.

12) 78-րդ կետում «հանձնաժողովների (ծառայությունների, խորհուրդների)» բառերը փոխարինել «մարմինների (հանձնաժողովների, խորհուրդների, ծառայությունների)» բառերով.

13) 92-րդ կետից «և օրենքով» բառերը հանել.

14) 121-րդ կետի 7-րդ ենթակետը շարադրել հետևյալ խմբագրությամբ.

«7) արձակուրդ է տրամադրում փոխվարչապետին և կառավարության աշխատակազմի ղեկավարին` Լեռնային Ղարաբաղի Հանրապետության Նախագահի համաձայնությամբ, շրջանների վարչակազմերի ղեկավարներին և Ստեփանակերտի քաղաքապետին.».

15) լրացնել հետևյալ բովանդակությամբ 121.1-ին կետ.

«121.1. Վարչապետը Լեռնային Ղարաբաղի Հանրապետության աշխատանքային օրենսդրությանը համապատասխան ունի արձակուրդի իրավունք, որը նրան տրամադրվում է Լեռնային Ղարաբաղի Հանրապետության Նախագահի համաձայնությամբ։»։

2. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից։